Lúkɑ́shi 18:11 - Kɑɑ Fí

¹¹ Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

Lúkɑ́shi 18:11 Referans Kwoze

Mɑtʉ̈ɔ 6:5

Pʉʉ lɑɑ ḿbɔ́ ńcɛꞋlɛ Sɛ́, kɔɔ pʉʉ ɡɛ pɑ́Ꞌ ɡɑŋnyɛtmbʉʉ, pɔ́p kɔŋ nɛtʉ́ʉ tsɛt mɛndɑ́-cúꞋlɛ mbɑ mɛtú-ndúŋ lɑ́ ńcɛꞋlɛ Sɛ́, pɑ́Ꞌ pʉɔ tsʉʉ ɡʉ ńjʉ́ɔ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Mɛnu ɛ́ ńdɑ́Ꞌ ńcẅɛt 3:17

Pɑ́Ꞌ pʉʉ sɛ́ ńcú ŋɡɔ pʉʉ ɡɑŋyúu, ŋɡɔ pʉʉ kɑ ɡẅɛɛ mɔ́ ŋkɑ́p tɛ ɛ́ zɑ́ɑ, tɛ pʉʉ tsʉ́Ꞌ ḿbɔɔ ńjɑ́k yɛcɔ́ yúu pɔ́ lɑ́, pɑ́Ꞌ pʉʉ kɑ́ pɔ́ ńjí ŋɡɔ pʉʉ ɡɑŋ ŋɡʉ̈ɔ́Ꞌ tɛ ḿbɔ́ pɛ́ tsɑ́ɑ mɛjʉ́ŋ mʉ́ʉ tsɑ́ɑnɛ pɔ́ lɑ́, mbɑ pɑ́Ꞌ pʉʉ kɑ́ pɔ́ ńjí ŋɡɔ pʉʉ pɛpúŋ, ḿbɔ́ pɛfumík, ńtʉ́ʉtɛ kɛ́ zẅík ndẅí pɔ́ lɑ́,

Mɑ́lɛ́kúshi 11:25

Ŋkɑ́ yi ɔ sɛ́ ńcɛꞋlɛ Sɛ́ lɑ́, ḿbɔ́ yi ŋu fɑɑnɛ nu mbɔ̌ wu, ɔ likŋɛ ŋ́ɡɑ́ mbɔ̌ ŋɡɑŋ. Ɛ́ lɛɛ pɔ́Ꞌɔ, lɑ́ Tɑ̌ɑ wʉʉ ẅí ɑ tʉ́nɛ́pú, likŋɛ mʉ́ʉ mɛfɑɑnɛ ŋ́ɡɑ́ mbɔ̌ pʉʉ.

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

Lúkɑ́shi 20:47

Pɔ́p kɛ́nɛ ḿbɛn ńdɔk jínu ńcẅɛ́ɛ yúu pɛpfúk, ńtsʉ́Ꞌ nɛcɛꞋlɛ Sɛ́, ńdɔk nɛcú nu ɛ́ sɑk ɛ́fú mík pʉɔ. Sɛ́ ɡʉ ńdɑ́Ꞌ ńzɑ́p yɔ́p tsɑ́ŋ ɛ́ tɛn tɛꞋ.»

Filipɛ 3:6

Ŋ kɑ pɔ́ ńníꞋ tʉʉ nǔu nɛpʉ́ʉ tɛꞋ, tɛ ńtsɔ́Ꞌ ku-pʉɔ-Kɛlístɔ kɛpɔŋ. NɛkúꞋlɛ nɛpʉ́ʉ-lɑ́Ꞌ kɑ pɔ́nɛ pɛ́Ꞌnɛ ḿbɔ́ ńdɛꞋlɛ ŋɡɔ ŋu fɑɑnɛ, mbɔ ɛ́ lɑɑ ḿbɔ́ ɛ sẅíi wʉ́ʉ ŋɡɔ mɔ ŋ́kɑɑ fɑɑnɛ.

Mɑtʉ̈ɔ 5:20

Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»

Mɑtʉ̈ɔ 10:3

ŋ́ɡɛ Filîp pɔ́p Pɑtɛlɛmî, ŋ́ɡɛ Tɔ́mɑ́shi pɔ́p Mɑtʉ̈ɔ, ẅi ɑ ḿbɔ́nɛ ńcẅɛ́ɛntsup Pɑlɔ́mɑ ŋ́ɡɛ Jɑ̂k mɔ́ɔ-Alfɛ̂ pɔ́p Tɑdɛ́ɛ,

Lúkɑ́shi 22:41

Ń cú pɔ́Ꞌɔ, ńnɑ́ wɔ́p ḿbɛn ńtʉ́ʉ nɛmɑꞋ ŋɡɔꞋ, ńcúŋ ŋ́kẅíꞋlɛ sɛ́, ḿbɔ́ ńcɛꞋlɛ Sɛ́ ńcú ŋɡɔ: