Lúkɑ́shi 16:1 - Kɑɑ Fí

¹ Yɛ́su pɛn ńcú mbɔ̌ ɡɑŋku pɛ́ ŋɡɔ: «Wɛcɔ́ ŋɡɑŋyúu kɑ lɑ́Ꞌ ŋ́ɡẅɛɛ ŋɡɑŋfɑꞋ ẅi ɑ líŋɛ́nɛ yúu pɛ́ tsʉʉ. Pɛ́ lɑ́Ꞌ lɛ́Ꞌ ɛ́sẅíi wɛ́ ŋɡɔ ŋɡɑŋfɑꞋ ɛ̂wɑ́ tsʉ́Ꞌ ḿbʉ́ʉpɛ yúu pɛ́ pʉ́ʉpɛnɛ.»

Lúkɑ́shi 16:1 Referans Kwoze

1 Pyɛ̂ 4:10

Mbɑ wɔ̌ lɑ́ lɔk yɛ́ pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛ́, ńcẅɛ́lɛ pɔ́ɔpɛ́mɑ́ pɛ́. Pʉʉ pɔ́ pɑ́Ꞌ ɡɑŋfɑꞋ sʉ́Ꞌnɛ pi pɔ́p sɛ́ ŋ́kúꞋlɛ pɔ́fɑꞋ ntɛ́ nɛ́ ntɛ́ yi Sɛ́ ɡɑ́nɛ mbɔ̌ pɔ́p pɑ́Ꞌ ɛ́ ɡʉ ńcẅɛ́lɛ́ pɛcɔ́ pʉɔ.

Lúkɑ́shi 12:42

Yɛ́su tsɔ́Ꞌ mbɔ̌ wɛ́ ŋɡɔ: «ŊɡɑŋfɑꞋ wɛ nɛ́nẅín, ẅi ɑ ɡẅɛɛnɛ jínu, ɑ pɛꞋnɛ ḿbɔ́ wɛ́t? ŊɡɑŋfɑꞋ ẅi tɑ̌ɑfɑꞋ ŋ́ɡɛ ŋ́ɡɔ́ ŋ́ɡʉ, ńcú mbɔ̌ wɛ́ ŋɡɔ: FɑꞋ yi n nyɛtnɛ mbɔ̌ ɡu pʉ́ɔ lɑɑ, tsʉ́Ꞌ ŋ́ɡɑ́ yúujʉ́ mbɔ̌ pɛcɔ́ ɡɑŋfɑꞋ nǔu ŋkɑ́ yi ɛ́ sɛ́ ḿbíkŋɛ?»

Jɑ̂k 4:3

Pʉʉ zɛɛ ńdɔ́ɔ, Sɛ́ pɔɔ ɡɑ́, mbɔ ɛ́ mbíꞋŋɡɔ pʉʉ kɑ́ jí nɛlɔ́ɔ pɔ́. Pʉʉ zɛɛ ńdɔ́ɔ pɔ nɛlɔk ŋ́ɡʉ ŋ́ɡɛ yúu mi ɛ́ sɛ́ ḿbɔŋ pɔ wʉ́ʉ.

Tîtɛ 1:7

N cú mbíꞋŋɡɔ, Pɑ́Ꞌ ŋu ẅí ɑ fɑꞋnɛ fɑꞋ-Sɛ́ lɑ́, ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kẅíinɛ lík yɛ́ kɛpɔŋ pɔ́. Kɔɔ ɑ pɔ́ ŋɡɑŋ nyɛt mbʉʉ, kɔɔ ɑ nɑ́ŋ ńzɑ́ŋ lɔ́ŋ, kɔɔ ɑ mɑꞋ mbʉʉ yɛ nǔu mɛluꞋ, kɔɔ ɑ pɔ́ ŋu ɡɑ́Ꞌlɛ́nɛ, kɔɔ ɑ lɔk ɡɑ́tɛ ńdɔɔ ŋkɑ́p.

Lúkɑ́shi 15:30

Mɔ́ɔ nu ẅi pɔ́p pɛkwɑlɑ kwɛ́tnɛ ŋkɑ́p yu, ɑ lɛɛ tɛ ńtɔ́, ɔ ɡɔ́ɔ ńjẅí mɔ́ɔ-fɔŋ ẅi ɑ ɡúꞋ tɛꞋ ntɛ́ wɛ́?»

Lúkɑ́shi 15:13

Ɛ́ ɡɔ ńdɛɛ mɛcɔ́ mɛlɛ́Ꞌ, mɔ́ɔ ɛ̂wɑ́ fɛn pɛ́ yúu, ńdɔk ŋkɑ́p ŋ́ɡʉ nɛ́ túu; ńtɔ́ zúꞋu, ḿbʉ́ʉpɛ ŋkɑ́p ɛ̂yɑ́,

Lúkɑ́shi 19:20

Wɛcɔ́ tɔ́ ńcú ŋɡɔ: «Mɛ́ntɑ́t, tɑ́Ꞌ pɑk-ŋkɑ́p yu yɑ́ pʉ́ɔ, ŋ kɑ lɔk yúu-ndẅí ŋ́kút ńdẅɛꞋ.

Lúkɑ́shi 16:19

Yɛ́su pɛn ńcú ŋɡɔ: «Wɛcɔ́ ŋɡɑŋkɑ́p kɑ lɑ́Ꞌ ḿbɔ́ ɡú, ńnɑ́ŋ ḿmɑꞋ mɛndẅí mi ɛ́ pɔ́ŋnɛ, ḿbɛn ńcʉ̈ɔ́k ŋkɑ́p tɛꞋ, ḿbɔ́ lɛ́Ꞌ tsʉʉ, ńnɑ́ŋ yɛ́ pɔ tsɛt tsɑ́ɑtɛ ɡwɛ́.

Lúkɑ́shi 8:3

ŋ́ɡɛ Jɑ̂ɑnɛ, nzwɛ́-Shuzɑ ẅi ɑ ḿbɔ́nɛ mbyɛ́pntɑŋ-fɔɔ Ɛlɔ̂dɛ, tɛ mbɑ Susɑ́nɑɑ, ŋ́ɡɛ pɛcɔ́ pɑŋɡɛ́. Pɔ́p pɛ́tsʉʉ pɔ́ nzʉʉ Yɛ́su ńdɔk mɛyúu mi pɔ́p ɡẅɛɛnɛ ńtɔ́ɔtɛ Yɛ́su pɔ́p ɡɑŋku pɛ́ nǔu fɑꞋ yɔ́p.

Mɑtʉ̈ɔ 20:8

Ŋkɑ́ nɛtsɔ́Ꞌ fɑꞋ kuꞋ, ŋɡɑŋkɑ́Ꞌ cú mbɔ̌ ŋu ẅí ɑ líŋɛ́nɛ yúu pɛ́ ŋɡɔ: «Fúŋ ɡɑŋfɑꞋ, ŋ́ɡɑ́ ŋkɑ́p yɔp, zɛ nǔu pʉɔ pínɛ ɛ fúŋnɛ wɔ́p nǔu fɑꞋ pɔ nzʉʉ lɑ́, ŋ́ɡʉ ŋ́kúu nǔu pʉɔ pínɛ n dɑ́Ꞌ ńzɛ nǔu pɔ́p.»

Lúkɑ́shi 16:2

A fúŋ wɛ́ ḿbíkŋɛ wɛ́ ŋɡɔ: «N zúꞋ pɛ́ cú ŋɡɔ ɔ tsʉ́Ꞌ ŋ́ɡɛ pɔ ŋ́ɡɔ ku lɑ́ɑ? Pɔ́tnɛ ɛ́sɑ́ŋ yúu pi ŋ kɑ níꞋnɛ mbɔ̌ wu ɛ́sẅíi wɑ́ɑ. Mɔ, ŋ kɑ́ pɛn ŋ́kɔŋ ŋɡɔ ɔ líŋɛ mɛyúu mɑ́ɑ pɔ́.»