Lúkɑ́shi 15:5 - Kɑɑ Fí

⁵ A ɡɛ ńdɔ́ɔ tɛ ńjʉ́ɔ, ŋ́ɡɔ ńtsɑ́ɑtɛ, ńtíi wɛ́ ńzɑ́p ŋkɑmbʉ̈ɔꞋ wɛ,

Lúkɑ́shi 15:5 Referans Kwoze

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

Lúkɑ́shi 19:9

Yɛ́su zúꞋ, ńcú ŋɡɔ: «Sɛ́ ɡɛ yɔ ndɑ́ luk lɔ́Ꞌnɛ, mbíꞋŋɡɔ Sɑkíyɔ pɛn ḿbɔ́ yɛ́ wɛcɔ́ mɔ́ɔ-Ábɛlɛhɑ̂m!

Lúkɑ́shi 23:43

Yɛ́su tsɔ́Ꞌ ŋɡɔ: «Ɛ sẅíi wú, ɛ́ kwɑꞋ nɛ́nẅín, ŋɡɔ kwɑꞋ lɔ́Ꞌnɛ puu ɡʉnɛ ḿbɔ́ tsɛt zʉꞋ mbɔ́tnɛ-Sɛ́.»

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

2 Timɔtɛ́ɛ 2:26

ḿbɛn ŋ́kwɑŋɛ nu pɑ́Ꞌ ɛ́ sɛ́ ḿbíkŋɛ ŋɡɔ pɔ́p kwɑŋɛ, ŋ́ɡɔ́ɔ ŋ́kɛ́ ɛ́fú tsɛt mɛɡwɑk mi Sɑ́ttɑ kɑ lɔknɛ ŋ́ɡẅɛɛ wɔ́p ńcẅɛt. Mbɔ pɔ́p kɑ pɔ́ tsɛtú ńtsʉ́Ꞌ ḿbɔ́ pɔ ɡɑŋtsɑ́ŋ, ŋ́ɡɛ pɔ yúu mi Sɑ́ttɑ sɛ́ ŋ́kɔŋ.

1 Tɛsɑlɔník 1:5

MbíꞋŋɡɔ pɛk ŋ́kɑɑ lɔk pɔ sẅiŋɛ ndɑꞋ ńcẅi Ŋkʉʉ Sʉ́Ꞌnɛ lɑ́Ꞌ pʉʉ pɔ́, pɛk kɑ lɔk pɔ mɛtʉʉ-Zẅikŋɛ Lɛ́ɛnɛ́nɛ, ḿbɛn ḿbɔ́ ńtsuŋ ńjí ŋɡɔ Ŋkʉʉ ẅi pɛk ḿbɔ́ ńcẅi kɑ pɔ́ nɛ́nẅín, pʉʉ sɛ́ ńjí yúu mi pɛk kɑ ɡɛnɛ ŋkɑ́ yi pɛk kɑ pɔ́nɛ tsɛtsɛt pʉʉ, ɛ́ kɑ pɔ́ pɔ nɛlɔk ńcẅɛ́lɛ wʉ́ʉ.

Ɛ́fɛ̂zɛ 3:7

Sɛ́ kɑ ɡɑ́ pɔ fuꞋ fɛ̌ɛ yɑ́ɑ lɑ ŋ́ɡɛ m bɔ́ ŋɡɑŋfɑꞋ nɛcẅi Ŋkʉʉ Sʉ́Ꞌnɛ. A kɑ lɔk pɔ mɛtʉʉ mɛ́ lɑ ŋ́ɡɛ pɔ́Ꞌɔ.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

Jɑ̂ŋ 15:11

«N cú yɔ nu mbɔ̌ pʉʉ nɛpɔ́ yi tsɑ́ɑtɛ yí ɛ́ tsɛt tʉ́m mɔ ɡʉ ḿbɛn ḿbɔ́ tsɛt tʉ́m yʉ́ʉ, pʉʉ ɡẅɛɛ kwɑꞋ tsɑ́ɑtɛ.»

Lúkɑ́shi 15:4

«A wɛ́t ŋu tsɛtsɛt pʉʉ ẅi ɑ lɑɑ ŋ́ɡẅɛɛ mɛnjinjɔ mɛ́ ŋkʉ, ŋ́ɡʉ tɛt tsiinɛ wɔ́p, tɑ́Ꞌ wɛ́mɔ́Ꞌ pɛ́, mbɔ ɑ ŋ́ɡɛ pɑ́Ꞌɑ? Mbɔ ɑ kɛ́ nɑ́ pɛcɔ́ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú tɛt, ŋ́ɡʉ ńdɔ́ɔ ẅinɛ ɑ pɛ́nɛ lɑ́ tɛ ńjʉ́ɔ wɛ́ pɔ́ ɔɔ?

Lúkɑ́shi 15:6

ńdɔk ḿbɛn tɛ ŋ́kúu njɛ́Ꞌ yɛ. Ŋ́kúu njɛ́Ꞌ yɛ pɔ́Ꞌɔ, ɛ́fúŋ pɛsúu pɛ́ mbɑ pɛtɑ̌ɑlɑ́Ꞌ pɛ́ ńcú mbɔ̌ pɔ́p ŋɡɔ: Pɛkŋɛ tsɑ́ɑtɛ mbíꞋŋɡɔ n jʉ́ɔ njinjɔ wɑɑ ẅi ɑ kɑ pɛ́nɛ lɑ́.