Lúkɑ́shi 10:9 - Kɑɑ Fí

⁹ Gɑŋɡɔɔ pɔ́ zúꞋu pʉʉ ɡɛ pɔ́p fíitɛ, ńcú mbɔ̌ lɑ́Ꞌ ŋɡɔ: «Ŋkɑ́ yi Sɛ́ ɡɛ ńzɛ nɛnyɛt nɛfɔɔ nɛ́ pɑ́ɑtɛ tɛ ḿbɔ́ nɛjɔ́ŋ pʉʉ.»

Lúkɑ́shi 10:9 Referans Kwoze

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Jɑ̂ŋ 3:5

Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.

Lúkɑ́shi 10:11

«Pɛk púꞋ pɛ́pɛ́p yʉ́ʉ nǔu mɛku mɛk ŋɡɔ ɛ́ pɛn nzʉʉ ŋ́kúu tú pʉʉ, lɑ́ pʉʉ kɛ ńjí ŋɡɔ ŋkɑ́ yi Sɛ́ ɡɛ ńnyɛt nɛfɔɔ nɛ́ pɑ́ɑtɛ tɛ ḿbɔ́ nɛjɔ́ŋ pʉʉ.»

ŊwɑꞋnɛ-Gɑŋntúu Yɛ́su Kɛlístɔ 28:31

A pɔ́ ɛ́sɑ́Ꞌ ɛ́sẅíi pʉɔ nɛ́ yúu mi nɛfɔɔ-Sɛ́ yɛ́tɛ́, ḿbɛn ńtsuŋ ńzíꞋ wɔ́p nɛ́ ŋu ẅí Tsɑpʉɔ Yɛ́su Kɛlístɔ jʉ́ pɔ sɑ́ɑnɛ sɑ́ɑnɛ́nɛ, wɛcɔ́ ŋu pɛn ŋ́kɛ́ mbɔɔ wɛ́ tɔꞋ.

Lúkɑ́shi 9:2

Ŋ́kɛ́ ŋ́ɡɔ́ɔ ńtúu wɔ́p ŋɡɔ pɔ́p ɡʉ sẅíi pɑꞋ nu-nɛfɔɔ-Sɛ́ pɔ́nɛ, ḿbɛn ŋ́ɡɛ ɡɑŋɡɔɔ fíitɛ,

ŊwɑꞋnɛ-Gɑŋntúu Yɛ́su Kɛlístɔ 28:28

Pɔ̂l pɛn ńcú mbɔ̌ pɔ́p ŋɡɔ: «Pʉʉ ɡẅɛɛ nɛjí ŋɡɔ, ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ túu Ŋkʉʉ Sʉ́Ꞌnɛ ẅi ɛ́ ɡɛnɛ pɛ́ luk, mbɔ̌ pʉɔ pi pɔ́p kɑ́ pɔ́ pɑyúdɑ pɔ́. Ŋ́ɡʉ nǔu pɔ́p, pɔ́p ɡʉ ńzúꞋ ḿbɛ́m.» [

Jɑ̂ŋ 3:3

Yɛ́su pʉ̈ɔt mbɔ̌ wɛ́ ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ jʉ́ɔ nɛfɔɔ-Sɛ́ kɛ́ pɔ́ yi pɛ́ pɛn ḿbí wɛ́ yɛcɔ́ ŋkɑ́ pɔ́.»

Mɑ́lɛ́kúshi 6:13

Ḿbɛn ḿbɔ́ ńzuŋmɛzẅikŋɛ kɛpɔŋtɛ ńzɑ́ɑ, ńci mɛɡwɛ́t nǔu pɛɡɑŋɡɔɔ tɛ ńzɑ́ɑ pɔ́p fíitɛ.

Mɑ́lɛ́kúshi 4:30

Yɛ́su pɛn ńcú ŋɡɔ: «Ɛ́ lɑɑ ḿbɔ́ pɛkŋɛ lɔk kʉ̈ɔ́ ḿbɛ́ɛ fʉꞋ pɑꞋ Nɛfɔɔ-Sɛ́ pɔ́nɛ, ḿbɔ́ pɛkŋɛ lɔk yɛ́tɛ́ sɑknɛkɛt ńdɛꞋlɛ?

Mɑtʉ̈ɔ 4:17

Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Lúkɑ́shi 10:10

Lɑ́, pʉʉ lɑɑ ŋ́kɛ́ ŋ́kúu tsɛt yɛcɔ́ tʉ́sɔŋ, pʉɔ-zúꞋu lʉꞋ nɛcẅɛ́ɛ wʉ́ʉ, pʉʉ fú zúꞋu ŋ́ɡʉ tɛ ŋ́kúu ndǔ zɑ́n, ńcú mbɔ̌ lɑ́Ꞌ ŋɡɔ: