Lúkɑ́shi 10:39 - Kɑɑ Fí

³⁹ Mɑ́ɑtɑ kɑ ɡẅɛɛ mɔ́ɔmɑ́ wɛ wɛ mɑŋɡɛ́, lík yɛ́ pɔ́ ŋɡɔ Mɑlíyɑ. Yɛ́su tɔ́ tɛ ńnɑ́ŋ sɛ́, Mɑlíyɑ tɔ́ ńnɑ́ŋ nɛjɔ́ŋ yɛ́, ḿbɔ́ ńzúꞋ sẅiŋɛ yɛ́.

Lúkɑ́shi 10:39 Referans Kwoze

Lúkɑ́shi 8:35

Lɑ́Ꞌ zúꞋ, ŋ́ɡɔ́ɔ ńcẅɛt, ńtɔ́ nɛjʉ́ɔ nu ɛ̂yɑ́. Ŋ́ɡʉ tɛ ŋ́kúu zʉꞋ yi Yɛ́su kɑ pɔ́nɛ zúꞋu, ńjʉ́ɔ ŋu ẅi mɛzẅikŋɛ kɛpɔŋ lɑ́Ꞌnɛ ńcẅɛt nǔu wɛ́ lɑ́, ɑ nɑ́ŋ nɛjɔ́ŋ Yɛ́su, mbɔ ɑ fíitɛ, jínu yɛ́ pɛn tɛ ɑ mɑꞋ ndẅí. Pɔ́p jʉ́ɔ pɔ́Ꞌɔ, ŋ́ɡɔ́ɔ ńtsʉ́Ꞌ ḿbɔ́k pɔ́knɛ.

Jɑ̂ŋ 12:3

Mɑlíyɑ nɑ́ŋ tɛ ńtíi kɛm-lítɑ lɑmɛ́ndɑɑ yí ɛ́ cɔ́k ŋkɑ́p tɛꞋ, mbɔ pɛ́ kɑ lɔk wɛcɔ́ nɛɡíi ẅi pɛ́ fúŋnɛ ŋɡɔ nɑ̂d ńniitɛ. A lɔk ńzɔ́Ꞌ mɛku-Yɛ́su, ńdɔk mɛnuk-tú mɛ́ ńtuk. Jɑ́k-lɑmɛndɑɑ kɔ́Ꞌ ḿbúu ńjʉ́ ndɑ́.

ŊwɑꞋnɛ-Gɑŋntúu Yɛ́su Kɛlístɔ 22:3

«Mɔ mɔ́ɔ-Yúdɑ. Pɛ́ pí wɑ́ɑ tʉ́sɔŋ-Tɑ́lsɔ, tsɛt ŋɡɔŋ-Silisî. Lɑ́ mbɔ ŋ kɑ ɡúꞋ pɔ Yɛlúsɑlɛm wɔ; lɑ́ Ŋɡɑmɑlíyɛ̂l pɔ́nɛ cícɑ wɑɑ. A kɑ ŋ́kẅiꞋ niitɛ ńzíꞋ wɑ́ɑ nɛ́ nɛpʉ́ʉ-pɛmɑ́ŋɡɑpnjẅɛt pɛk. Mɔ ḿbɔ́ ŋ́kúꞋlɛ nu-Sɛ́ kɛ́ kɑ́ɑ pɔ pɑ́Ꞌ pʉʉ pɛtsʉʉ ɡɛnɛ lɔ́Ꞌnɛ lɑ́.

Lúkɑ́shi 2:46

Ɛ́ ɡɔ ŋ́kuꞋ lɛ́Ꞌ pɛ́tɑ́t, pɔ́p jʉ́ɔ wɛ́ ndɑ́-nɛnɔŋpɔꞋ. A nɑ́ŋ tsɛtsɛt pɑkyɛ́Ꞌtɛ nɛpʉ́ʉ-Sɛ́, ḿbɔ́ ńzúꞋ mɛnu mi pɔ́p ḿbɔ́nɛ ńcú, ḿbɛn ḿbɔ́ ḿbíkŋɛ wɔ́p nɛ́ mɛcɔ́.

Jɑ̂ŋ 11:1

Wɛcɔ́ ŋu ɡɛ ḿvu ɡɔɔ, lík yɛ́ pɔ́ ŋɡɔ Lɑzɑ̂ɑ. Pɔ́p pɔ́ɔpɛ́mɑ́ pɛ́ pɛ́ pɑŋɡɛ́ pɛ́pɑ́, Mɑ́ktɑ pɔ́p Mɑlíyɑ pɔ́ ńtswɛ́ tsɛt lɑ́Ꞌ-Mbɛtɑni.

Lúkɑ́shi 10:42

Lɑ́ tɑ́Ꞌ yúu ɡú, ḿbɔ́ yɛ́ tʉʉ ndɛn, Mɑlíyɑ kɑŋ yîyɑ́, ḿbɔ́ ŋu pɔɔ fú mbɔ̌ wɛ́ ńcẅɛɛtɛ pɔ́.»

Jɑ̂ŋ 11:19

nɛzɑ́ɑ pɑyúdɑ ɡɔ́ ḿbɔ́, mbɔ pɔ́p tɔ́ njɛ́Ꞌ-Mɑ́ktɑ pɔ́p Mɑlíyɑ, nɛzíi ŋki-mík mɔ́p, ntɛ́ mɔ́ɔmɑ́ wɔp ẅí ɑ kɑ pfúnɛ.