Lúkɑ́shi 10:11 - Kɑɑ Fí

¹¹ «Pɛk púꞋ pɛ́pɛ́p yʉ́ʉ nǔu mɛku mɛk ŋɡɔ ɛ́ pɛn nzʉʉ ŋ́kúu tú pʉʉ, lɑ́ pʉʉ kɛ ńjí ŋɡɔ ŋkɑ́ yi Sɛ́ ɡɛ ńnyɛt nɛfɔɔ nɛ́ pɑ́ɑtɛ tɛ ḿbɔ́ nɛjɔ́ŋ pʉʉ.»

Lúkɑ́shi 10:11 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 13:51

Pɔ̂l pɔ́p Pɑnɛpɑ́ɑshi ɡɔ́ ɛ́fú lɑ́Ꞌ ɛ̂yɑ́ ńcẅɛt, ḿbúꞋ pɛ́pɛ́p nǔu mɛku mɔ́p nɛlɔk ɛ́sẅíi wɔ́p ŋɡɔ ɛ́ tsʉ́Ꞌ ńdíŋɛ pɔ wɔ́p, ŋ́ɡɔ́ɔ ŋ́ɡʉ nɛ́ Ikɔnyɔm.

Lúkɑ́shi 10:9

Gɑŋɡɔɔ pɔ́ zúꞋu pʉʉ ɡɛ pɔ́p fíitɛ, ńcú mbɔ̌ lɑ́Ꞌ ŋɡɔ: «Ŋkɑ́ yi Sɛ́ ɡɛ ńzɛ nɛnyɛt nɛfɔɔ nɛ́ pɑ́ɑtɛ tɛ ḿbɔ́ nɛjɔ́ŋ pʉʉ.»

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

ŊwɑꞋnɛ-Gɑŋntúu Yɛ́su Kɛlístɔ 13:46

Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

ŊwɑꞋnɛ-Gɑŋntúu Yɛ́su Kɛlístɔ 13:40

Pɔ́Ꞌɔ lɑ́, pʉʉ kɛ ńdɑk tú yʉ́ʉ, ḿbɔ́k yúu mi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ nɛɡɛ wʉ́ʉ. Pɔ́p kɑ cú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

Mɑ́lɛ́kúshi 6:11

Pʉɔ yɛcɔ́ lɑ́Ꞌ lɑɑ ńdʉꞋ nɛkúkŋɛ wʉ́ʉ, ńdʉꞋ nɛzúꞋ sẅiŋɛ yʉ́ʉ, pʉʉ fú zúꞋu ŋ́ɡɔ ŋ́ɡʉ, ḿbúꞋ pɛ́pɛ́p-mɛku mʉ́ʉ, nɛlɔk ńnyɛt wɔ́p ŋɡɔ nu yí pɔ́p ɡɛnɛ, ɛ́ tsʉꞋ ńdíŋɛ pɔ wɔ́p.»

Mɑtʉ̈ɔ 10:14

Pʉʉ lɑɑ ŋ́kúu njɛ́Ꞌ-ŋu kɛ pɔ tsɛt yɛcɔ́ tʉ́sɔŋ ɔɔ, pɛ́ lʉꞋ nɛkúkŋɛ wʉ́ʉ, ńdʉꞋ nɛzúꞋ sẅiŋɛ yʉ́ʉ, pʉʉ ɛ́fú zúꞋu ŋ́ɡʉ, ŋ́ɡɔ ŋ́ɡʉ ḿbúꞋ pɛ́pɛ́p nǔu mɛku mʉ́ʉ ḿmɛꞋ.

Pʉɔ-Lɔ́mɑ 10:21

Lɑ́ ŋ́ɡʉ nǔu pɑíslɑyɛ̂l, Sɛ́ cú ŋɡɔ: «N júk lɛ́Ꞌ tsʉʉ pɔ nɛcɑklɛ pɔ́ ńdɔk ɛ́fúŋ wɔ́p, pɔ́p tʉʉ tú tʉʉnɛ, ɛ́shɔt shʉ́-nu yi n cúnɛ shɔtnɛ.»

Pʉɔ-Lɔ́mɑ 10:8

ŊwɑꞋnɛ-Sɛ́ ɡʉ ńcú pɔ ŋɡɔ sẅiŋɛ-sɛ́ nɛjɔ́ŋ ɡu, ɛ́ ntsu ɡu, ḿbɔ́ tʉ́m ɡu. Yîyɑ́ sẅiŋɛ ɛ́ nu yi pɛk sɑ́Ꞌnɛ mbɔ̌ pʉɔ ŋɡɔ pɛ́ zɑ́p tʉ́m nǔu Kɛlístɔ.

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 10:7

Pʉʉ ɡʉ ńnɛn mɛzʉꞋ mɛzʉꞋ ɛ́sɑ́Ꞌ ɛ́sẅíi pʉɔ ŋɡɔ: Nɛfɔɔ-Sɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.

Lúkɑ́shi 9:5

Mbɑ ɡʉ̈ɔ́ lɑ́ yi pʉʉ ŋ́kúu zúꞋu pɛ́ lʉꞋ nɛcẅɛ́ɛ wʉ́ʉ, pʉʉ fú zúꞋu, ŋ́ɡɔ ŋ́ɡʉ, ŋ́kwɛt pɛ́pɛ́p-mɛku pʉʉ nɛlɔk ɛ́sẅíi wɔ́p ŋɡɔ ɛ́ tsʉꞋ ńdíŋɛ pɔ wɔ́p.»

Lúkɑ́shi 10:10

Lɑ́, pʉʉ lɑɑ ŋ́kɛ́ ŋ́kúu tsɛt yɛcɔ́ tʉ́sɔŋ, pʉɔ-zúꞋu lʉꞋ nɛcẅɛ́ɛ wʉ́ʉ, pʉʉ fú zúꞋu ŋ́ɡʉ tɛ ŋ́kúu ndǔ zɑ́n, ńcú mbɔ̌ lɑ́Ꞌ ŋɡɔ: