Lúkɑ́shi 1:68 - Kɑɑ Fí

⁶⁸ «Mbɔ́tnɛ mbɔ̌ Tsɑpʉɔ Sɛ́ pɑ Íslɑɛ̂l, pɑ́Ꞌ ɑ tɔ́nɛ ńcẅɛ́lɛ́ pʉɔ pɛ́, ńtsúꞋ wɔ́p ndɑ́-kwɑɑ.

Lúkɑ́shi 1:68 Referans Kwoze

Lúkɑ́shi 7:16

Lɑ́Ꞌ yi ɛ́ ḿbɔ́nɛ sɛ́ kɑ jʉ́ɔ, pɔ́k ɡẅɛɛ wɔ́p pɛtsʉʉ, pɔ́p ɡúꞋlɛ Sɛ́, ńcú ŋɡɔ: «Mɑ́mɑ́ ŋɡɛ́mndʉ̈ɔ́Ꞌ-Sɛ́ tɔ́ lɑ́Ꞌ pɛkŋɛ, Sɛ́ tɔ́ ńcẅɛ́lɛ́ pʉɔ pɛ́.»

Ɛ́fɛ̂zɛ 1:3

Pɛkŋɛ sɛ́ ŋ́ɡúꞋlɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ ɡɛ nu sʉ́Ꞌnɛ nǔu pɛkŋɛ, ŋ́ɡɑ́ yúu sʉ́Ꞌnɛ tsʉʉ yi ɛ́ fúnɛ tɛ tʉ́nɛpú mbɔ̌ pɛkŋɛ, ŋ́ɡɑ́ pɔ́Ꞌɔ, ńdɛɛ nǔu pɑ́Ꞌ ɑ kɑ lɑ́Ꞌnɛ tɛmtɛ wɛkŋɛ pɛ́ Kɛlístɔ,

Lúkɑ́shi 2:38

Yɛcɔ́ lɛ́Ꞌ ɑ tɔ́ ndɑ́-nɔŋpɔꞋ pɑ́Ꞌ ɑ lɔ ńzɛɛ ńtɔ́. Ŋ́ɡɔ kúu zúꞋu ŋkɑ́ ɛ̂yɑ́, mbɔ pɛ́ lɔk mɔ́ɔ ńtɔ́, ɑ jʉ́ɔ wɛ́, ŋ́ɡɛ́mtɛ Sɛ́, ŋ́ɡɔ́ɔ ŋ́kɛ́ ńzɛ nɛsẅíi nu nǔu wɔ mɔ́ɔ mbɔ̌ pʉɔ tsʉʉ pi pɔ́p kɑ pɔ́ ḿbyɛ́p lɛ́Ꞌ yinɛ Sɛ́ ŋ́ɡɛ ńdɑ́Ꞌ ńcẅɛ́ɛ Yɛlúsɑlɛm.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

Lúkɑ́shi 19:44

Pɔ́p ɡʉ ŋ́ɡɛ ńtɔ́, ŋ́ɡɔꞋ wʉ́ʉ, pɔ́p pɔ́ɔ pʉ́ʉ tsʉʉ, ḿbɛn ɛ́sɑt tʉ́sɔŋ yʉ́ʉ tɛ ḿbɔɔ nɑ́ ŋɡɔꞋ pɛn ńzɑ́pmɛ nǔu yɛcɔ́ pɔ́. Ɛ́ zɛɛ ḿbɔ́ pɔ́Ꞌɔ, mbíꞋŋɡɔ pʉʉ kɑ muŋɛ ŋkɑ́ yi Sɛ́ ńtɔ́ nɛɡɛ nu sʉ́Ꞌnɛ nǔu pʉʉ.

Lúkɑ́shi 1:71

“Mɔ ŋ́ɡɛ ńdɑ́Ꞌ ńcẅɛɛtɛ wʉ́ʉ mbɔ̌ pɛɡɑŋ mbuu pʉ́ʉ, mbɑ nǔu mbɔ́ pʉɔ pi pɔ́p sɛ́ ḿbɔɔ ŋ́kɔŋ nɛjʉ́ɔ wʉ́ʉ pɔ́.”

Lúkɑ́shi 24:21

Lɑ́ mbɔ pɛk m̄bɔ́ ŋ́kwɑŋɛ ŋɡɔ jʉ́ ɡɛnɛ ńdɑ́Ꞌ ńzɑ́Ꞌ ŋkʉ-ŋɡʉ̈ɔ́Ꞌ, lɔ́ŋ-Islɑɛ̂l. Mɔ mɛnu ɡɛ, ɛ́ ŋkɔ̂ɔnɛ ḿbɔ́ lɛ́Ꞌlɑ́Ꞌ yɛ́tɑ́t.

Ɛ́bɛlʉʉ 9:12

Kɛlístɔ kɑ kúu kwɑꞋ tsɛt zʉꞋ yi Sɛ́ zúꞋu. A kɑ kúu pɔ tɑ́Ꞌ ŋkɑ́ ɛ́ kuꞋ. A kɑ ɡɔ́ ŋ́kúu, mbɔɔ ɡẅɛɛ mɛci pʉ̈ɔp, kɛ mɛ́ pɔ́ɔ-fɔŋ nɛnyɛt mbɔ̌ Sɛ́ pɔ́. A kɑ lɔk pɔ kwɑꞋ mɛci mɛ́ ŋ́kúu. Yɔ pɑ́Ꞌ ɑ kɑ cẅɛɛtɛ́nɛ wɛkŋɛ ndɑ́tsɑ́ŋ pɔ́Ꞌɔ, tɑꞋ ŋkɑ́.