Lúkɑ́shi 1:49 - Kɑɑ Fí

⁴⁹ mbíꞋŋɡɔ Sɛ́ ŋɡɑŋmɛtʉʉ tsʉʉ kɛ́ ŋ́ɡɛ ŋkʉꞋnɛ nu sʉ́Ꞌnɛ nǔu mɔ. Sɛ́ Sɛ́!»

Lúkɑ́shi 1:49 Referans Kwoze

Ɛ́fɛ̂zɛ 3:20

Jʉ́ Sɛ́, kuꞋ nɛɡɛ mbɑ kʉ̈ɔ́ lɑ́ nǔu pɛkŋɛ, ŋ́ɡɛ tɛ ńtsuŋ ńdɛɛ pɑ́Ꞌ pɛkŋɛ sɛ́ ńdɔ́ɔ, mbɑ pɑ́Ꞌ pɛkŋɛ sɛ́ ŋ́kwɑŋɛ. A ɡɔ́ ŋ́ɡɛ ńdɔk pɔ mɛtʉʉ mɛ́ mi ɛ́ fɑꞋnɛ tsɛt mɛtʉ́m mɛkŋɛ.

Mɛnu ɛ́ ńdɑ́Ꞌ ńcẅɛt 15:4

Tsɑpʉɔ, mbɔ wɔ̌ nɑ́ kɛ́ pɔ́k wú? Mbɔ wɔ̌ nɑ́ kɛ́ ɡúꞋlɛ lík yú. NdɑꞋ ɡu pɔ́nɛ Ndɛ́ɛnɛ Lɛ́ɛnɛ́nɛ; Mɛŋɡɔŋ tsʉʉ ɡʉ ŋ́ɡɛ ńtɔ́ ŋ́kẅíꞋlɛ mbi ɡu mbíꞋŋɡɔ mbɑ wɔ̌ lɑ́ ńjʉ́ɔ mɛfɑꞋ mú pɑ́Ꞌ ɛ́ tʉ́ʉnɛ ndʉ́ŋndʉŋ.»

Mɛnu ɛ́ ńdɑ́Ꞌ ńcẅɛt 4:8

Mbɑ wɛ́tɛ́ lɑ́ nǔu mɛyúumɛku ɛ̂mɑ́ mɛ́nɛ́kwɑ kɑ ɡẅɛɛ mɛpɑp mɛ́ mɛ́nɛ́ntúkú, mík pɔ́ nǔu zʉꞋ tsʉʉ, nzɛmpíi mbɑ nzɛm tsɛtú. Pɔ́p pɔ́ ńzɔp kɛ́ kɑ́ɑ nɛnɛm mbɑ nɛtúꞋ, ńcú ŋɡɔ: Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, ɑ Tsɑpʉɔ Sɛ́ Ŋɡɑŋmɛtʉʉ tsʉʉ, jʉ́ ẅi ɑ ḿbɔ́nɛ ɡú, ɑ ɡú, ɑ pɛn ḿbɔ́ ńtɔ́.

Mɑ́lɛ́kúshi 5:13

Yɛ́su pɛ́m, mɛzẅikŋɛ kɛpɔŋ ɡɔ́ɔ ŋ́kɛ́ ɛ́fú nǔu ŋu ɛ̂wɑ́, ńcẅɛt ŋ́kúu nǔu mɛnjínɑɑ. Kɑt-mɛnjínɑɑ tɑ́kŋɛ ɛ́fú ndǔ nɛŋkɔ́Ꞌ ḿbʉ̈ɔtnɛ ŋki, ńnɔ́ ŋki ḿpfútɛ. Pɔ́p kɑ pɔ́ yúu ntsɑ́Ꞌ yɛ́pɑ́.

Lúkɑ́shi 1:48

A kẅíitɛ wɑ́ɑ, lɑ́ ŋ kɛ́ ḿbɔ́ pɔ nzʉʉ nǔu pʉɔ pi pɔ́p zúꞋnɛ ntsu wɛ́: pʉɔmɛsɔŋ nǔu mɛzuŋ mɛzuŋ ŋ́ɡɛ ńdɑ́Ꞌ ńtsʉ́Ꞌ ɛ́fúŋ wɑ́ɑ nɛ́ pɔ́ttú,

Lúkɑ́shi 1:50

«A lɔ ŋ́ɡɛ nu sʉ́Ꞌnɛ nǔu pʉɔ pi pɔ́p ɡɛ́mtɛnɛ wɛ́, ḿbɛn ŋ́ɡɛ nǔu pɔ́ɔ pɔ́p nǔu mɛzuŋ mɛzuŋ