Jɑ̂ŋ 8:6 - Kɑɑ Fí

⁶ Pɔ́p cú pɔ́Ꞌɔ, ɛ́ pɔ́ pɔ ŋkʉ nɛlɔk ŋ́ɡẅɛɛ wɛ́. Pɔ́p lɔɔ mbɛ̌tntɑ́ŋ nɛlɔk ɛ́fɛn wɛ́. Lɑ́ Yɛ́su ŋɔ́Ꞌnɛ sɛ́, ńzɛ nɛlɔk mɔ́ɔ-tɔ̂pɔ́ wɛ, ŋ́ŋwɑꞋnɛ yúu sɛ́.

Jɑ̂ŋ 8:6 Referans Kwoze

Lúkɑ́shi 10:25

Wɛcɔ́ ŋkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ sẅiŋɛ-Yɛ́su tɛ ńdɔ sɛ́, ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Cícɑ, ɛ́ píkŋɛ ŋɡɔ ŋ ɡɛ yɑ́ɑ ŋ́ɡɔ ku lɑ́ ŋ́ɡẅɛɛ luk kɛ́mɛ?»

Mɑtʉ̈ɔ 19:3

Pʉɔ nǔu nɔɔ-pɑfɑlísɑy tɔ́ ḿbɔ́ ńdɔɔ nɛkwɑꞋnɛ Yɛ́su, ḿbíkŋɛ wɛ́ ŋɡɔ: «Tɛ ɛ́ pɛ́Ꞌɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ tɛ mbɑ nǔu yɛ́tɛ́ nu yí ɑ fɑɑnɛ́nɛ?»

1 Kɔlɛ̂ŋtɛ 10:9

Pɛkŋɛ pɑ́ɑ nɛtsʉ́ʉnɛ Tsɑpʉɔ tsʉ́ʉnɛ́nɛ. Ɛ́ pɛn ḿbɔ́ pɑ́Ꞌ pɛcɔ́ pʉɔ tsɛtsɛt pɔ́p kɑ ɡɛnɛ lɑ mɛnɔ́ tsúktɛ wɔ́p pɔ́p pfútɛ.

Mɑ́lɛ́kúshi 10:2

Pɑfɑlísɑy tɔ́ yɔ́p, ḿbɔ́ ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Tɛ ɛ́ pɛꞋnɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ?»

Mɑ́lɛ́kúshi 8:11

Pʉɔ tsɛt nɔɔ-pɑfɑlísɑy tɔ́ nɛjɔ́ŋ yɛ́ ḿbɔ́ ńdɔɔ nu nǔu yɛ́, ńtsʉ́ʉnɛ wɛ́ ŋɡɔ ɑ ɡɛ ŋkʉꞋnɛ nu ŋɡɔ ɑ nyɛt ŋɡɔ Sɛ́ kɑ túunɛ wɛ́, ŋɡɔ ɑ nyɛt wɔ́p nɛ́ ntɛ́ yi ɛ́ nyɛtnɛ ŋɡɔ Sɛ́ túunɛ wɛ́.

Mɑtʉ̈ɔ 26:63

Lɑ́ Yɛ́su pɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Lɔk lík-Sɛ́ ẅi ɑ ntʉʉ, ŋ́kɑɑ ɛ́sẅíi wɛ́k ŋɡɔ ɔ Nzɑ́Ꞌŋkʉ ẅí ɑ mɔ́ɔ-Sɛ́ kɛ ɔ kɑ́ pɔ́ ńjʉ́ɔ pɔ́ ɔɔ?

Mɑtʉ̈ɔ 22:35

Wɛcɔ́ ŋu tsɛtsɛt pɔ́p, pɔ́ ŋkyɛ́Ꞌtɛ nɛpʉ́ʉ-Sɛ́ tɛ ḿbɔ́ wɛ́t, tɔ́ ŋ́kwɑꞋlɛ Yɛ́su, ḿbíkŋɛ wɛ́ ŋɡɔ:

Mɑtʉ̈ɔ 22:18

Lɑ́ Yɛ́su jí kwɑŋɛ kɛpɔŋ yɔ́p, ńcú mbɔ̌ pɔ́p ŋɡɔ: «Pɑŋkɔŋ-mík, pʉʉ kwɑꞋnɛ wɑ́ɑ mɛlɑ́Ꞌ kʉ̈ɔ́?»

Mɑtʉ̈ɔ 16:1

Pɑfɑlísɑy pɔ́p pɑsɑdukɑy tɔ́ ńzẅíꞋ ntsu-Yɛ́su, ḿbíkŋɛ wɛ́ ŋɡɔ ɑ ɡɛ tɑ́Ꞌ ŋkʉꞋnɛ nu yí ɛ́ nyɛtnɛ ŋɡɔ Sɛ́ túunɛ wɛ́.

Mɑtʉ̈ɔ 15:23

Lɑ́ Yɛ́su zúꞋ, mbɔɔ pʉ̈ɔt. Gɑŋku pɛ́ tɔ́ nɛjɔ́ŋ yɛ́, ḿbúꞋ mbɔ́ mbɔ̌ wɛ́, ḿbúꞋ mbɔ́ ŋɡɔ: «Gɛ mɑŋɡɛ́ wɑ́ ɡʉ, ɑ sɛ́ ńtsuꞋ tú yɛkŋɛ nɛ́ ɡwɑ́t yɛ́.»

Mɑtʉ̈ɔ 10:16

Tsuŋnɛ ńzúꞋ n túu wʉ́ʉ pɔ pɑ́Ꞌ ɛ́ lɑɑ ḿbɔ́ pɛ́ túu mbí tsɛtsɛt mɛnɑɑŋɡwɛ. Pʉʉ kɛ́ ŋ́ɡɔ́ ńnɛn ńdʉ́ɔꞋ pɑ́Ꞌ nɔ́, ḿbɛn ḿbɔ́ pɛmbúꞋ pɑ́Ꞌ puutɛ lɑ́.

Jɑ̂ŋ 8:2

ŋ́ɡɛ ḿmʉ́ʉ mbɑ́ꞋmbɑꞋɑ́ ḿbɛn ndɑ́-nɔŋpɔꞋ. Lɑ́Ꞌ pɔ́ ńtɔ́ nɛ́ nɛjɔ́ŋ yɛ́, ɑ nɑ́ŋ sɛ́, ḿbɔ́ ńzíꞋ wɔ́p nɛ́ yúu.

Lúkɑ́shi 11:16

Pɛcɔ́ pʉɔ pɔ́ ńtsʉ́ʉnɛ Yɛ́su tsʉ́ʉnɛ́nɛ, ḿbɔ́ ńdɔ́ɔ ŋɡɔ ɑ nyɛt ŋkʉꞋnɛ nu ŋɡɔ Sɛ́ túunɛ wɛ́.

Mɑ́lɛ́kúshi 12:15

Yɛ́su jʉ́ɔ pɑꞋ pɔ́p pɔ́ pɔ pɑŋkɔŋmík, ńtsɔ́Ꞌ mbɔ̌ pɔ́p ŋɡɔ: «Pʉʉ ŋ́kwɑꞋlɛ wɑ́ɑ mɛlɑ́Ꞌ kʉ̈ɔ́? Pʉʉ lɔk pɑk-ŋkɑ́p ńtɔ́ ńnyɛt wɑ́ɑ.»

Mɑ́lɛ́kúshi 3:2

Pɛcɔ́ pʉɔ pɔ́ zúꞋu, ḿbɔ́ ńdʉŋtɛ wɛ́ nɛjʉ́ɔ kɛ ɑ ɡʉ ŋ́ɡɛ ŋu ɛ̂wɑ́ fíitɛ lɛ́Ꞌnji ɛ̂yɑ́ ɔɔ, pɔ́p fú nǔu, ɛ́fɛn wɛ́ mbɔ̌ pɑŋɑkntsɑŋ.