Jɑ̂ŋ 8:58 - Kɑɑ Fí

⁵⁸ Yɛ́su tsɔ́Ꞌ mbɔ̌ pɔ́p ŋɡɔ: Tsʉ́Ꞌnɛ ɛ sẅíi wʉʉ, kwɑꞋ nɛ́nẅín, Ábɛlɛhɑ̂m kɑ ɡɔ́ ḿbɔ́ ɡú, mbɔ kɑ pɔ́ mɔ́ ɡú.

Jɑ̂ŋ 8:58 Referans Kwoze

Kɔlɔsíyɛ̂ŋ 1:17

Ndǔmbí kɑ pɛ́t pɔ kɛ́ pɔ́ ɡú, Kɛlístɔ pɔ́ pɔ ɡú, kʉ̈ɔ́ lɑ́ pɛn ńdɛɛtɛ pɔ nǔu wɛ́ lɑ ḿbɔ́ ɡú.

Jɑ̂ŋ 17:5

Ɛ́ nǔu ŋkɔ̂ɔnɛ mbɑ̌ɑ Tɑ̌ɑ mɔ, m bɔ́ ńdɔ́ɔ ŋɡɔ ɔ pɛn ŋ́ɡɑ́ wɑɑ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, ɛ́ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, tɛ yɔ njí pɛ́t kɛ́ pɔ́ ɡú.

Mɛnu ɛ́ ńdɑ́Ꞌ ńcẅɛt 1:8

Tsɑpʉɔ Sɛ́ ẅi ɑ ɡú, mbɔ ɑ kɑ pɔ́ ɡú, ɑ pɛn ḿbɔ́ ńtɔ́, ɑ ŋɡɑŋmɛtʉʉ tsʉʉ, ɑ sɛ́ ńcú ŋɡɔ: Mɔ Alfɑ, ḿbɔ́ Ɔmɛŋɡɑ, nduŋmbi ḿbɔ́ ndẅiknzʉʉ.

Ɛ́bɛlʉʉ 13:8

Yɛ́su Kɛlístɔ ŋ́kɑɑ kɑ́ kúpmɛ, ɑ kɑ́ kúpmɛ, ɑ kɛ́ lɑ́Ꞌ lɛ́Ꞌ ŋ́kúpmɛ pɔ́.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Mɛnu ɛ́ ńdɑ́Ꞌ ńcẅɛt 2:8

Ŋ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Smilnɛ. Ŋwɑꞌnɛ ŋɡɔ: Ŋu ẅí ɑ nduŋmbi, ḿbɔ́ ndẅiknzʉʉ, ŋu ẅí ɑ kɑ pfúnɛ ḿbɛn fú lɑ́Ꞌ-pɛpfú, ɑ sɛ́ ńcú ŋɡɔ:

Jɑ̂ŋ 8:51

Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńnɛn nǔu sẅiŋɛ yí n cúnɛ, mbɔ ŋɡɑŋ kɛ́ lɑ́Ꞌ ḿpfú pɔ́.»

Mɛnu ɛ́ ńdɑ́Ꞌ ńcẅɛt 1:11

ḿbɔ́ ńcú ŋɡɔ: «CúꞋlɛ kʉ̈ɔ́ lɑ́ yi ɔ sɛ́ ńjʉ́ɔ, ŋ́ŋwɑꞋnɛ tsɛt nɛpúꞋ-ŋwɑꞋnɛ, ńtúu ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt mɛtʉ́sɔŋ mɔnɛ: Ɛ́fɛ̂zɛ, Sɛmilnɛ, Pɛlŋɡɑmɛ, Tyɑtîi, Sɑldɛs, Filɑdɛlfîi, Lɑɔdisɛ́.»

Jɑ̂ŋ 8:34

Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉɔtsʉʉ pinɛ pɔ́p ɡɛnɛ nu kɛpɔŋ, pɔ́p pɛkwɑɑ nu kɛpɔŋ.

Jɑ̂ŋ 8:24

Ɛ́ yúu mi ɛ́ lɑ́Ꞌnɛ ŋ́ɡɛ lɑ n cú mbɔ̌ pʉʉ ŋɡɔ: Pʉʉ ɡʉ ŋ́ɡɛ ḿpfú tsɛt mɛnu kɛpɔŋ mʉ́ʉ. MbíꞋŋɡɔ pʉʉ lɑɑ ḿbɛ́m ŋɡɔ ŋu ẅí pɛ́ fúŋnɛ wɛ́ ŋɡɔ Mɔ ɡú ɑ mɔ pɔ́, mbɔ pʉʉ ɡʉ ḿpfú tsɛt mɛnu kɛpɔŋ mʉ́ʉ.

Jɑ̂ŋ 8:28

Yɛ́su cú mbɔ̌ pɔ́p ŋɡɔ: Pʉʉ lɑɑ ŋ́ɡɛ ŋ́kɑꞋ Mɔ́ɔ-Ŋu tɛ ŋ́ɡɑ́ tʉ́ nǔu tʉ́ mɛkʉ́Ꞌ, mbɔ pʉʉ ɡʉ ŋ́kɛ́ ńjí ŋɡɔ Mɔ ŋu ẅí «mɔ jʉ́», ɑ pɔ́ mɔ, ḿbɛn ńjí ŋɡɔ mɔ ŋ́ɡɛ yɛcɔ́ yúu pɔ nɛ́ yɑ́ɑ tú pɔ́. N cú pɔ yúu mi Tɑ̌ɑ mɔ kɑ zíꞋnɛ wɑ́ɑ.

Jɑ̂ŋ 10:25

Yɛ́su pʉ̈ɔt mbɔ̌ pɔ́p ŋɡɔ: «Mɔ ńdɑ́Ꞌ mɔ́ ɛ́sẅíi wʉ́ʉ, lɑ́ pʉʉ pɔɔ ḿbɔ́ ḿbɛ́m pɔ́. MɛfɑꞋ mí mɔ sɛ́ ńdɔk lík-Tɑ̌ɑ mɔ ŋ́ɡɛ ńdɛꞋlɛ ŋu ẅí mɔ jʉ́.