Biblia Todo Logo
Bib sou entènèt

- Piblisite -




Jɑ̂ŋ 8:51 - Kɑɑ Fí

51 Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńnɛn nǔu sẅiŋɛ yí n cúnɛ, mbɔ ŋɡɑŋ kɛ́ lɑ́Ꞌ ḿpfú pɔ́.»

Gade chapit la Kopi




Jɑ̂ŋ 8:51
15 Referans Kwoze  

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.


Pʉʉ kẅíitɛ nu yí ŋ kɑ cúnɛ mbɔ̌ pʉʉ ŋɡɔ: «mɔ́ɔ-fɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ɛ́ lɑɑ ḿbɔ́ yi pɔ́p kɑ pɑɑ wɑ́ɑ, mbɔ pɔ́p ɡʉ ḿbɛn ḿbɑɑ wʉ́ʉ ɡúu pɔ pɔ́Ꞌɔ, ḿbɔ́ yi pɔ́p kɑ ɡẅɛɛ sẅiŋɛ yɑ́ɑ, mbɔ pɔ́p ɡʉ ḿbɛn ŋ́ɡẅɛɛ yʉ́ʉ pɔ pɔ́Ꞌɔ.»


Lɑ́, yúujʉ́ pi ɛ́ fúnɛ tʉ́nɛ́pú ńcúŋ, ɛ́ yi ŋu lɑɑ ńjʉ́, ɑ pɔɔ pɛn ḿpfú pɔ́.


Mbɔ ɑ kɑ lɑ́Ꞌ ńzɑ́Ꞌ njí ɛ́sẅíi wɛ́ ŋɡɔ ɑ kɛ́ lɑ́Ꞌ ḿpfú kɛ́ pɔ yi ɑ ńzɑ́p lík nǔu Nzɑ́Ꞌŋkʉ ẅi ɑ túunɛ pɔ́.


Ɛ́ kɑ fú pɔ nǔu pɑ́Ꞌ Ɛnɔk kɑ zɑ́pnɛ tʉ́m yɛ́ nǔu Sɛ́, lɑ Sɛ́ lɔk wɛ́ ŋ́ɡʉ ɡʉnɛ tɛ ɑ pɔɔ pfú. Pɛ́ lɔɔ wɛ́ mbɔɔ pɛn ńjʉ́ɔ wɛ́ pɔ́, mbíꞋŋɡɔ ɛ́ kɑ ɡɔ́ ḿbɔ́, mbɔ Sɛ́ lɔk wɛ́ ŋ́ɡʉ. ŊwɑꞋnɛ-Sɛ́ cú ŋɡɔ Sɛ́ kɑ ɡɔ́ ńdɔk wɛ́ ŋ́ɡʉ, mbɔ nu yɛ́ pɔŋ wɛ́.


Ŋ́kɛ́ ḿbɔɔ ḿbɔ́ ńjí wɛ́ pɔ́, lɑ́ mɔ sɛ́ ńjí wɛ́. N dɑɑ ŋɡɔ Ŋ kɑ́ pɔ́ ńjí wɛ́ pɔ́, mbɔ mɔ ńtsʉ́Ꞌ ŋɡɑŋ cɔtnu pɑ́Ꞌ pʉʉ. Lɑ́ mɔ sɛ́ ńjí wɛ́, ḿbɛn ḿbɔ́ ńnɛn nǔu sẅiŋɛ yɛ́.


Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»


Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»


Pɑyúdɑ cú mbɔ̌ Yɛ́su ŋɡɔ: Ɛ́ nǔu ŋkɔ̂ɔnɛ, mbɔ pɛk jí ŋɡɔ zẅikŋɛ kɛpɔŋ nǔu ɡu. Ábɛlɛhɑ̂m kɑ pfú, pɛŋɡɛ́mndʉ̈ɔ́Ꞌ-Sɛ́ pɛn ḿpfú yɔ́p, ɔ pɛn ḿbɔ́ ńcú ŋɡɔ: Ŋu lɑɑ ńnɛn nǔu sẅiŋɛ yú, mbɔ ɑ kɛ́ lɑ́Ꞌ ḿpfú pɔ́.


Yɛ́su tsɔ́Ꞌ mbɔ̌ wɛ́ ŋɡɔ: «Ŋu lɑɑ ŋ́kɔŋ wɑ́ɑ, mbɔ ɑ ɡʉ ŋ́ɡẅɛɛ sẅiŋɛ yɑ́ɑ. Tɑ̌ɑ mɔ pɛn ŋ́kɔŋ wɛ́, pɛk Tɑ̌ɑ mɔ tɔ́ ńtsɛ́t wɛ́, ńtsʉ́Ꞌ ńnɑ́ŋ pɔ tsɛt tʉ́m yɛ́.


Ɔ kɑ fú ndǔmbí, ɛ́fyɑk pʉɔmɛsɔŋ, ŋ́ɡɑ́ mbɔ̌ mɔ, ŋ kɑ zíꞋ wɔ́p nɛjí ŋu ẅí ɔ jʉ́. Pɔ́p kɑ pɔ́ pʉɔ pú, ɔ pɛn ŋ́ɡɑ́ wɔ́p mbɔ̌ mɔ. Pɔ́p kɑ kɛ́ ńzúꞋ sẅiŋɛ yú, ŋ́ɡẅɛɛ.


Lɑ́, yúu mi pɛkŋɛ sɛ́ ńjʉ́ɔ ŋkɔ̂ɔnɛ pɔ́ pɔ ŋɡɔ Yɛ́su ẅí Sɛ́ kɑ kɔknɛ wɛ́ ŋ́ɡɑ́ sɛ́ tɛ pɛcʉ̈ɔ́Ꞌ-Sɛ́ lɛɛ wɛ́ mɔ́zʉꞋ, Sɛ́ kɑ kɛ́ tɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ, ḿbɛn ńníꞋ mɛkuꞋ mɛ́, mbíꞋŋɡɔ ɑ kɑ pɛ́m nɛjʉ́ɔ ŋɡʉ̈ɔ́Ꞌ lɑ ḿpfú. Yɛ́su lɑɑ ḿpfú nǔu tú-pʉɔmɛsɔŋ tsʉʉ, mbɔ ɛ́ fú pɔ nǔu pɑ́Ꞌ Sɛ́ tsɑ́ɑnɛ mɛjʉ́ŋ pʉɔ tɛꞋ.


Swiv nou:

Piblisite


Piblisite