Jɑ̂ŋ 8:26 - Kɑɑ Fí

²⁶ Ŋ ɡẅɛɛ mɛnu mi ŋ ɡʉ ńcú mbɔ̌ pʉʉ tɛ ɛ́ zɑ́ɑ zɑ́ɑnɛ, mbɑ mi ŋ ɡʉ ŋ́ŋɑk wʉ́ʉ nǔu. Lɑ́ n cú mbɔ̌ pʉɔ ndǔmbí pɔ yúu mi ŋ kɑ zúꞋnɛ mbɔ̌ ŋu ẅí ɑ kɑ túunɛ wɑ́ɑ. A kɛ́ ńcú yɛ́ pɔ nu nɛ́nẅín.

Jɑ̂ŋ 8:26 Referans Kwoze

Jɑ̂ŋ 15:15

«M bɔɔ pɛn ɛ́fúŋ wʉ́ʉ ŋɡɔ mbɔ́ŋkʉ̈ɔ́ pɔ́, mbíꞋŋɡɔ mɔ́ɔ-fɑꞋ kɑ́ jí yúu mi tɑ́fɑꞋ wɛ sɛ́ ŋ́ɡɛ pɔ́. Ɛ fúŋ wʉ́ʉ ŋɡɔ pɛsúu pɑ́ɑ, mbíꞋŋɡɔ ŋɡɔŋ nu tsʉʉ yí ŋ kɑ zúꞋnɛ mbɔ̌ Tɑ̌ɑ mɔ, ŋ ɡɛ pʉʉ jí.»

Jɑ̂ŋ 8:40

Ɛ sẅíi wʉ́ʉ nɛ́ nu nɛ́nẅín yi ŋ kɑ zúꞋnɛ mbɔ̌ Sɛ́, pʉʉ pɛn ḿbɔ́ ŋkɔ̂ɔnɛ ḿbɔ́ ńdɔɔ nɛjẅí wɑ́ɑ, mbɑ Ábɛlɛhɑ̂m ŋkɑɑ pɔ́Ꞌɔ ɡɛ.

Jɑ̂ŋ 17:8

Ŋ kɑ kɛ́ ńcú mɛnu tsʉʉ mí ɔ kɑ níꞋnɛ mbɔ̌ mɔ mbɔ̌ pɔ́p, pɔ́p pɛ́m, ńtsuŋ ńjí ŋɡɔ ɛ fú nɛjɔ́ŋ ɡu, ḿbɛn ńjí ŋɡɔ ɡu kɑ túunɛ wɑ́ɑ.

Jɑ̂ŋ 7:28

Yɛ́su pɔ́ ŋkɑ́ ɛ̂yɑ́, ḿbɔ́ tsɛt ndɑ́-nɔŋpɔꞋ ḿbɔ́ ńzíꞋ pʉɔ nɛ́ yúu, ńcú nɛ́ ŋɡi tɛnnɛ ŋɡɔ: «Pʉʉ tsuŋ ḿbɔ́ ńjí wɑ́ɑ, ḿbɛn ḿbɔ́ ńjí zʉꞋ yi ɛ fúnɛ nɛ́ zúꞋu? Mɔ ŋkɑɑ zɑ́pnɛ ŋɡɔ ŋ ɡʉ ńtɔ́ pɔ́. Lɑ́ Sɛ́ ẅí ɑ kɑ túunɛ wɑ́ɑ, ɑ ŋu ẅí ɑ lɑɑ ńcú nu, mbɔ ɛ́ nu nɛ́nẅín. Pʉʉ kɑ́ pɔ́ ńjí wɛ́ pɔ́.

2 Kɔlɛ̂ŋtɛ 1:18

Ŋɡɑ́ŋ! Ɛ́ ɡʉ nǔu nu yi pɛk kɑ sẅíinɛ wʉ́ʉ, pɛk ŋkɑɑ ḿbɔ́ ńcú nu ḿbɛn ŋ́kúpmɛ pɔ́. Sɛ́ sɛ́ ńjí.

Jɑ̂ŋ 16:12

M bɛn ŋ́ɡẅɛɛ mɛnu mí ŋ ɡʉ ɛ́sẅíi wʉ́ʉ tɛꞋ, lɑ́ ḿbɔ́ pʉʉ pɔɔ zúꞋ ŋkɔ̂ɔnɛ pɔ́.

Jɑ̂ŋ 7:16

Yɛ́su tsɔ́Ꞌ mbɔ̌ pɔ́p ŋɡɔ: «Yúu mi n zíꞋnɛ pʉɔ kɑ́ fú mbɔ̌ mɔ pɔ́, ɛ́ fú pɔ mbɔ̌ Sɛ́ ẅí ɑ kɑ túunɛ wɑ́ɑ.»

Jɑ̂ŋ 3:11

Lɑ́ ɛ sẅíi wú, kwɑꞋ nɛ́nẅín, pɛk cú nu nǔu yúu mi pɛk sɛ́ ńjí, ńcú yi pɛk sɛ́ ńjí nǔu yúu mi pɛk kɑ jʉ́ɔnɛ, lɑ́ pʉʉ kɑ́ kɛ́ ḿbɛ́m nu yí pɛk cúnɛ pɔ́.»

Jɑ̂ŋ 8:25

Pɔ́p píkŋɛ wɛ́ ŋɡɔ: Ɔ pɔ́ pɔ wɔ̌? Yɛ́su pʉ̈ɔt mbɔ̌ pɔ́p ŋɡɔ: Mɔ ŋu wɑ́ ẅi ŋ kɑ lɑ́Ꞌ ńzɛ nɛsẅíi wʉ́ʉ tɛ ɛ́fú nzɛnɛ lɑ́.

Jɑ̂ŋ 8:27

Yɛ́su cú pɑ́Ꞌɑ, pɔ́p pɔɔ jí ŋɡɔ nu yí ɑ cúnɛ mbɔ̌ pɔ́p, ɑ cú pɔ nǔu Sɛ́ Tɑ̌ɑ pɔ́.

Jɑ̂ŋ 18:20

Yɛ́su tsɔ́Ꞌ mbɔ̌ wɛ́ ŋɡɔ: «Ŋ kɑ pɔ́ sɑ́ɑnɛ sɑ́ɑnɛ́nɛ ńcú nu mbɔ̌ lɑ́Ꞌ, ŋ kɑ pɔ́ ńzíꞋ pʉɔ tsɛt mɛndɑ́-cúꞋlɛ, mbɑ tsɛt ndɑ́-nɔŋpɔꞋ, zʉꞋ yí Pɑyúdɑ cúꞋlɛ́nɛ zúꞋu. Mɔ ŋkɑɑ ḿbɔ́ ńcú yɛcɔ́ nu pɔ ńdʉɔ lʉɔmɛ́nɛ pɔ́.