Jɑ̂ŋ 8:18 - Kɑɑ Fí

¹⁸ Mɔ pɑ́Ꞌɑ ńcú nu yí n jínɛ nǔu túmbʉʉ yɑ́ɑ, Tɑ̌ɑ mɔ ẅí ɑ kɑ túunɛ wɑ́ɑ, ɑ pɛn ḿbɔ́ ńcú yɛ́ nu yí ɑ jínɛ nǔu mɔ.»

Jɑ̂ŋ 8:18 Referans Kwoze

Jɑ̂ŋ 8:58

Yɛ́su tsɔ́Ꞌ mbɔ̌ pɔ́p ŋɡɔ: Tsʉ́Ꞌnɛ ɛ sẅíi wʉʉ, kwɑꞋ nɛ́nẅín, Ábɛlɛhɑ̂m kɑ ɡɔ́ ḿbɔ́ ɡú, mbɔ kɑ pɔ́ mɔ́ ɡú.

Jɑ̂ŋ 8:38

Mɔ, n cú pɔ yúu mi ŋ kɑ jʉ́ɔnɛ mbɔ̌ Tɑ̌ɑ mɔ, lɑ́ pʉʉ pɛn ŋ́ɡɛ yʉ́ʉ pɔ yúu mi pʉʉ kɑ zúꞋnɛ mbɔ̌ tɑ̌ɑ wʉʉ.»

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 10:14

Mbyɛ́p mbí wɛ sʉ́Ꞌnɛ ɑ mɔ, mɔ sɛ́ ńjí mɛnjinjɔ mɑ́ɑ, pɔ́p pɛn ḿbɔ́ ńjí wɑ́ɑ.

Jɑ̂ŋ 10:11

Mbyɛ́p mbí wɛ sʉ́Ꞌnɛ pɔ́ pɔ mɔ. Mbyɛ́p mbí wɛ sʉ́Ꞌnɛ, ɡɑ́ tú yɛ́ ntɛ́ njinjɔ yɛ́.

Jɑ̂ŋ 10:9

Ntsuŋkɑ́Ꞌ pɔ́ pɔ mɔ, ŋu lɑɑ ńdɛɛ nǔu mɔ ŋ́kúu ŋkɑ́Ꞌ, mbɔ ŋɡɑŋ ɡʉ ŋ́ɡɛ ńduk. A ɡʉ ḿbɔ́ ŋ́kúu ŋkɑ́Ꞌ, ńcẅɛt pɑ́Ꞌ ɑ kɔŋnɛ, ḿbɔ́ ńjʉ́ɔ yúu kwɛ́tnɛ.

Jɑ̂ŋ 8:51

Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńnɛn nǔu sẅiŋɛ yí n cúnɛ, mbɔ ŋɡɑŋ kɛ́ lɑ́Ꞌ ḿpfú pɔ́.»

Jɑ̂ŋ 8:25

Pɔ́p píkŋɛ wɛ́ ŋɡɔ: Ɔ pɔ́ pɔ wɔ̌? Yɛ́su pʉ̈ɔt mbɔ̌ pɔ́p ŋɡɔ: Mɔ ŋu wɑ́ ẅi ŋ kɑ lɑ́Ꞌ ńzɛ nɛsẅíi wʉ́ʉ tɛ ɛ́fú nzɛnɛ lɑ́.

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 11:25

Yɛ́su pʉ̈ɔt mbɔ̌ wɛ́ ŋɡɔ: «Mɔ ŋu ẅí ɑ ɡɛnɛ pɛ́ zẅíimɛ nǔu nɛvú, ḿbɔ́ ŋu ẅí ɑ ɡɛnɛ pɛ́ pɔ́ ɡú. Ŋu lɑɑ ńzɑ́p tʉ́m nǔu mɔ ḿpfú mbɑ pfúnɛ, mbɔ ɑ ɡʉ ŋ́ɡɛ ḿbɔ́ ɡú.