Jɑ̂ŋ 7:31 - Kɑɑ Fí

³¹ Nɛzɑ́ɑ pʉɔ tsɛt nɔɔ-lɑ́Ꞌ kɛ́ ḿbɔ́ ńzɑ́p tʉ́m nǔu wɛ́ zɑ́pnɛ, ḿbɔ́ ńcú ŋɡɔ, tɛ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ŋ́ɡɛ ńtɔ́ ḿbɛn ŋ́ɡɛ mɛcɔ́ mɛnu mɑ̌ɑmɑɑnɛ tɛ ɛ́ lɛɛ mi ŋu wɑ́ sɛ́ ŋ́ɡɛ lɑ́?

Jɑ̂ŋ 7:31 Referans Kwoze

Jɑ̂ŋ 12:42

Pɛ́ kɑ zɛɛ ḿbɔ́ ŋ́ɡwɑ́k Yɛ́su ɡwɑ́knɛ lɑ́, pɛcɔ́ nɛzɑ́ɑ pɛkɛ́m-Pɑyúdɑ zɑ́p tʉ́m nǔu wɛ́. Lɑ́ ŋ́ɡɛ pɔ ńdʉ̈ɔmɛ lʉɔmɛ́nɛ, ḿbɔ́k pɑfɑlísɑy nɛzuŋ wɔ́p ndɑ́-cúꞌlɛ.

Mɑtʉ̈ɔ 12:23

Lɑ́Ꞌ tsʉʉ jʉ́ɔ ḿmɑɑ tɛꞋ, ńcú ŋɡɔ: «Lɛ́Ꞌcɔ́ ɑ ŋu nǔu njẅɛt-fɔɔ Ndɑvît pɛ́ pyɛ́pnɛ lɑ́.»

ŊwɑꞋnɛ-Gɑŋntúu Yɛ́su Kɛlístɔ 8:13

Mbɑ Símɔ̂ŋ ɛ̂wɑ́ zúꞋ, ḿbɛ́m yɛ́, pɛ́ nuꞋ wɛ́ ŋki. A pɔɔ pɛn ɛ́fú nɛjɔ́ŋ Filîp ŋ́kẅɛ́Ꞌlɛ pɔ́, ḿbɔ́ ńjʉ́ɔ mɛnu mɑ̌ɑmɑɑnɛ pɔ́p ŋkʉꞋnɛ nu yi Sɛ́ lɛɛnɛ nǔu Filîp ŋ́ɡɛ ɛ́ kʉꞋnɛ wɛ́ tɛꞋ.

Jɑ̂ŋ 11:45

Nɛzɑ́ɑ pɑyúdɑ pí pɔ́p lɑ́Ꞌnɛ ńtɔ́ njɛ́Ꞌ pɛ́ Mɑlíyɑ, pínɛ pɔ́p jʉ́ɔnɛ yúu mi Yɛ́su ɡɛnɛ, zɑ́p tʉ́m yɔ́p nǔu Yɛ́su.

Jɑ̂ŋ 9:16

Pɛcɔ́ ntɑ́Ꞌ-Pɑfɑlísɑy cú ŋɡɔ, ŋu ẅí ɑ ɡɛnɛ yîyɑ́ nu, Sɛ́ zɛɛnɛ ḿbɔɔ wɛ́ túu, mbíꞋŋɡɔ ɛ́ ḿbɔ́ lɛ́Ꞌnji. Pɛcɔ́ pʉɔ pɔ́p cú ŋɡɔ, mbɔ ŋu kɛpɔŋ ɡɛ pɑ́Ꞌɑ lɑ́ ŋ́ɡɛ yîyɑ́ ntɛ́ mɛnu mɑ̌ɑmɑɑnɛ? Tɑ́kŋɛ ɡɔ́ɔ ŋ́kɛ́ ḿvu tsɛtsɛt pɔ́p.

Jɑ̂k 2:26

Ndʉ́ŋndʉŋ pɑ́Ꞌ zẅikŋɛ lɑɑ mbɔɔ nǔu mbɑp-mbʉʉ pɔ́, mbɔ ɛ́ pfú lɑ́, nɛzɑ́p tʉ́m nǔu Sɛ́, nɛzɑ́p ẅi pɛ́ kɑ́ pɔ́ ńjʉ́ɔ mɛfɑꞋ pɔ́, mbɔ yîyɑ́ nɛzɑ́p fɛ̌ɛ.

Jɑ̂ŋ 12:11

Pɔ́p ḿbɔ́ ńdɔɔ nɛɡɛ pɔ́Ꞌɔ, mbíꞋŋɡɔ nɛzɑ́ɑ Pɑyúdɑ kɑ fú pɔ nǔu nu-Lɑ̂ɑzɑ̂ɑ, ńtsʉ́Ꞌ ŋ́kʉɔ wɔ́p kʉɔnɛ, ńzɑ́p tʉ́m pɔ nǔu Yɛ́su.

Jɑ̂ŋ 6:2

Nɔɔ-lɑ́Ꞌ pɔ́ ńcʉ́ɔ nzʉʉ yɛ́ tɛꞋ, mbíꞋŋɡɔ pʉɔ kɑ pɔ́ ńjʉ́ɔ mɛnu mɑ̌ɑmɑɑnɛ mi ɑ kɑ pɔ́ ŋ́ɡɛ nǔu ɡɑŋɡɔɔ.

Jɑ̂ŋ 4:39

Ɛ́ kɑ fú nǔu sẅiŋɛ-mɑŋɡɛ́ ɛ̂wɑ́ yi ɑ kɑ pɔ́ ńcú ŋɡɔ: «A sẅíi wɑ́ɑ nɛ́ mbɑ kʉ̈ɔ́ lɑ́ yi ŋ kɑ ɡɛnɛ, Pʉɔ-Sɑmɑlîi tɛ ńzɑ́ɑ pi pɔ́p m̄bɔ́nɛ nǔu yîyɑ́ tʉ́sɔŋ zɑ́p tʉ́m nǔu Yɛ́su,

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 2:11

Yɔ pɑ́Ꞌ Yɛ́su kɑ zɛnɛ nɛɡɛ mɛnu mɑ̌ɑmɑɑnɛ. Ɛ́ kɑ pɔ́ Kɑ́nɑ, tsɛt pɑk-ŋɡɔŋ-Ŋɡɑlilɛɛ, Yɛ́su lɔk pɔ́Ꞌɔ, ńdɛꞋlɛ nɛɡúꞋ wɛ. Gɑŋku pɛ́ zɑ́p tʉ́m nǔu wɛ́.

Lúkɑ́shi 8:13

Mbiyúu mi ɛ́ vunɛ zʉꞋ-mɛŋɡɔꞋ pɔ́ pʉɔ pinɛ pɔ́p zúꞋ sẅíŋɛ-Sɛ́, ɛ́fɛ́Ꞌnɛ ḿbɛ́m nɛ́ tsɑ́ɑtɛ lɑ́ ɛ́ pɔɔ lɑt mɛŋɑŋ pɔ́, ḿbɔ́ pʉɔ lɛ́Ꞌ lɑ́Ꞌ, ŋɡʉ̈ɔ́Ꞌ pɔ́ tɛ ńtɔ́, pɔ́p ɡɔ́ɔ mɛꞋ.

Jɑ̂ŋ 4:29

«Pʉʉ tɔ́ ńjʉ́ɔ wɛcɔ́ ŋu ẅí ɑ sẅíinɛ wɑ́ɑ nɛ́ mɛnu tsʉʉ mí ŋ kɑ ɡɛnɛ. Tɛ ɑ kɑ́ pɔ́ pɔ Nzɑ́Ꞌŋkʉ ẅi Sɛ́ kɑ kɑꞋnɛ pɔ́ ɔɔ?»

Jɑ̂ŋ 7:26

KwɑꞋ jʉ́, sɛ́ sɑ́ɑnɛ sɑ́ɑnɛ́nɛ ńcú nu, ŋu kɑ pɔ́ ńtsɔ́p pɔ́. Lɛ́Ꞌcɔ́ pɑsɑ́Ꞌlɑ́Ꞌ pɛkŋɛ jʉ́ɔ ŋɡɔ ɑ Nzɑ́Ꞌŋkʉ nɛ́nẅín ẅi Sɛ́ kɑ kɑꞋnɛ.