Jɑ̂ŋ 7:30 - Kɑɑ Fí

³⁰ Pɔ́p zúꞋ yɔ nu, ńdɔɔ nɛɡẅɛɛ wɛ́, lɑ́ ŋu kɛ́ mbɔɔ pɔ́ nǔu wɛ́ zɑ́p, mbíꞋŋɡɔ yɛ́ ŋkɑ́ kɑ pɛ́t kɛ́ kuꞋ.

Jɑ̂ŋ 7:30 Referans Kwoze

Jɑ̂ŋ 10:39

Pɔ́p pɛn ńdɔɔ shʉ́ nɛɡẅɛɛ wɛ́, lɑ́ ɑ sẅiklɛ tsɛt mbɔ́ mɔ́p.

Jɑ̂ŋ 8:20

Yɛ́su kɑ ɡɔ́ ńcú mɔnɛ mɛnu pɑ́Ꞌɑ, ḿbɔ́ tsɛt ndɑ́-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́, ḿbɔ́ mbʉʉ zʉꞋ yi pɛ́ níꞋnɛ ŋkɑ́p yi pɛ́ ɡɑ́nɛ mbɔ̌ Sɛ́ zúꞋu. Ŋu kɛ́ mbɔɔ wɛ́ ɡẅɛɛ, mbíꞋŋɡɔ ɛ́ kɑ ɡɔ́ ḿbɔ́, mbɔ yɛ́ ŋkɑ́ kɑ́ kuꞋ.

Jɑ̂ŋ 7:6

Yɛ́su pʉ̈ɔt mbɔ̌ pɔ́p ŋɡɔ: «Yɑ́ɑ ŋkɑ́ pɛ́t kɛ́ kuꞋ, lɑ́ ŋ́ɡʉ nǔu pʉʉ, mbɔ ŋkɑ́ kʉ̈ɔ́ lɑ́ ɛ́ mbɔ̌ pʉʉ ḿbɔ́ pɔ sʉ́Ꞌnɛ.

Jɑ̂ŋ 7:32

Pɑfɑlísɑy zúꞋ pɑ́Ꞌ lɑ́Ꞌ sɛ́ ɛ́sɔ́klɛ ntsu sɛ́ ŋ́kẅíi lík-Yɛ́su, pɔ́p ɡʉ ńjʉ́ɔ pɛtɑ́tndɑ́-pɑnɔŋpɔꞋ pɔ́p pɛpɔ́p túu pɑpyɛ́p ndɑ́-nɔŋpɔꞋ ŋɡɔ pɔ́p ɡʉ ŋ́ɡẅɛɛ Yɛ́su.

Jɑ̂ŋ 11:57

Ɛ́ kɑ ɡɔ́ ḿbɔ́, mbɔ pɛtɑ́tndɑ́-pɑnɔŋpɔꞋ, pɔ́p pɑfɑlísɑy kɑ cú ŋɡɔ, ŋu lɑɑ ḿbɔ́ ńjí zʉꞋ yí Yɛ́su zúꞋu, ɑ kíɛꞋ, pɛ́ ɡʉ ŋ́ɡẅɛɛ wɛ́.

Jɑ̂ŋ 9:4

Ɛ́ sɛ́ ḿbíkŋɛ ŋɡɔ, njí lɑɑ ḿbɛ́t ɡú pɑ́Ꞌɑ, pɛkŋɛ fɑꞋ mɛfɑꞋ-Sɛ́ ẅí ɑ kɑ túunɛ wɑ́ɑ. TúꞋ ɡʉ ɛ́sʉ́ʉ, wɛcɔ́ ŋu pɔɔ pɛn ŋ́kuꞋ nɛfɑꞋ fɑꞋ pɔ́.

Jɑ̂ŋ 8:59

Pɔ́p zúꞋ pɔ́Ꞌɔ, ńdɑk mɛŋɡɔꞋ nɛlɔk ńtɛ́mtɛ Yɛ́su ńjẅí. A sɔ́ ḿbɛ́, ɛ́sɔ́ ɛ́fú tsɛt ndɑ́-nɔŋpɔꞋ ńcẅɛt.

Jɑ̂ŋ 8:37

Mɔ sɛ́ ńjí ŋɡɔ pʉʉ njẅɛt-Ábɛlɛhɑ̂m, lɑ́ pʉʉ sɛ́ ńdɔɔ nɛjẅí wɑ́ɑ, mbíꞋŋɡɔ pʉʉ sɛ́ ńdʉꞋ sẅiŋɛ yɑ́ɑ lʉꞋnɛ.

Jɑ̂ŋ 7:19

Mɔ̌sɛ̂ɛ ŋkɑɑnɛ ɡɑ́ nɛpʉ́ʉ mbɔ̌ pʉʉ pɔ́ ɔɔ? Tɛ wɔ̌ nǔu pʉʉ wɔ ḿbɔ́ ńnɛn nǔu? Pʉʉ pɛn ńdɔɔ nɛjẅí wɑ́ɑ mɛlɑ́Ꞌ kʉ̈ɔ́?

Jɑ̂ŋ 7:8

Pʉʉ ɡʉnɛ ḿbʉʉ ŋ́ɡʉ zʉꞋ ndínɑ. Ɛ́ ɡʉ nǔu mɔ, mbɔ ŋ kɛ́ ɡʉ nɛ́ zúꞋu pɔ́, yɑ́ɑ ŋkɑ́ kɑ́ kuꞋ.»

Lúkɑ́shi 22:53

Lɑ́ mɔ, ŋ kɑ pɔ́ lɛ́Ꞌ tsʉʉ, ŋ́kɛ́ ḿbɔ́ pɔ tsɛtsɛt pʉʉ tsɛt ndɑ́-nɛnɔŋpɔꞋ, pʉʉ kɛ ḿbɔɔ lɔ́ɔ nɛɡẅɛɛ wɑ́ɑ pɔ́. Lɑ́, yʉʉ ŋkɑ́ pʉ́ɔ, mbɔ ɛ́ ɡɔ́ɔ mɔ́ ŋ́kɛ́ ŋ́kuꞋ, ḿbɔ́ ŋkɑ́ yi Fɔɔ-mɛnu-nzɛ́nzʉ́ʉ tɔ́ mɔ́ tɛ ḿbɔ́ ɛ́sɑ́Ꞌ lɑ́Ꞌ yɛ.»

Lúkɑ́shi 20:19

PɑꞋ pɛtɑ́tndɑ́-pɑnɔ́ŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, kɑ zúꞋnɛ yɔ sɑknɛkɛt, ńdii ŋɡɔ ɑ cú pɔ mbɔ̌ pɔ́p lɑ́, pɔ́p lɔ́ɔ shʉ́ nɛɡẅɛɛ wɛ́ ŋkɑ́ ɛ̂yɑ́, lɑ́ ḿbɔ́k mík-lɑ́Ꞌ.

Mɑ́lɛ́kúshi 11:18

Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńzúꞋ, ńzɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí wɛ́. Pɔ́p kɑ pɔ́ ḿbɔ́k ŋɡɔ nu yɛ́ ɡʉ ńjʉ́ lɑ́Ꞌ, mbíꞌŋɡɔ lɑ́Ꞌ tsʉʉ kɑ pɔ́ ŋ́ɡʉ̈ɔꞋtɛ yúu mi ɑ kɑ pɔ́ ńzíꞋ pʉɔ.

Mɑtʉ̈ɔ 21:46

ńdɔɔ shʉ́ nɛɡẅɛɛ wɛ́, lɑ́ ḿbɔ́k mík-lɑ́Ꞌ, mbíꞌŋɡɔ lɑ́Ꞌ kɑ pɔ́ ńjí ŋɡɔ Yɛ́su Ŋɡɛ́mndʉ̈ɔ́Ꞌ-Sɛ́.

Jɑ̂ŋ 10:31

Pɑyúdɑ pɛn ńdɑk mɛŋɡɔꞋ, nɛlɔk ńtɛ́mtɛ Yɛ́su ńjẅí.

Mɑtʉ̈ɔ 12:14

Ɛ́ tsɑ pɑfɑlísɑy, pɔ́p fú ndɑ́-cúꞋlɛ ńcẅɛt, ńcúꞋlɛ ńdɔɔ shʉ́ pɑ́Ꞌ pɔ́p ɡʉ ŋ́ɡɛ lɑ ńjẅí Yɛ́su.