Jɑ̂ŋ 7:12 - Kɑɑ Fí

¹² Lɑ́Ꞌ pɔ́ ɛ́sẅíŋɛ mɛtsu mɛtsu ntɛ́ Yɛ́su. Pɛcɔ́ pʉɔ pɔ́ ńcú ŋɡɔ ɑ kwɑꞋ ŋu. Pɛcɔ́ pɔ́ ńcú ŋɡɔ ɑ fu pʉɔ funɛ.

Jɑ̂ŋ 7:12 Referans Kwoze

Jɑ̂ŋ 9:16

Pɛcɔ́ ntɑ́Ꞌ-Pɑfɑlísɑy cú ŋɡɔ, ŋu ẅí ɑ ɡɛnɛ yîyɑ́ nu, Sɛ́ zɛɛnɛ ḿbɔɔ wɛ́ túu, mbíꞋŋɡɔ ɛ́ ḿbɔ́ lɛ́Ꞌnji. Pɛcɔ́ pʉɔ pɔ́p cú ŋɡɔ, mbɔ ŋu kɛpɔŋ ɡɛ pɑ́Ꞌɑ lɑ́ ŋ́ɡɛ yîyɑ́ ntɛ́ mɛnu mɑ̌ɑmɑɑnɛ? Tɑ́kŋɛ ɡɔ́ɔ ŋ́kɛ́ ḿvu tsɛtsɛt pɔ́p.

Jɑ̂ŋ 7:47

Pɑfɑlísɑy ɡɔ́ɔ ŋ́kɛ́ ńcú mbɔ̌ pɔ́p ŋɡɔ: Ńjí ŋɡɔ ɑ shɔt tú yʉ́ʉ ɡúu pɔ́ ɔɔ?

Jɑ̂ŋ 7:32

Pɑfɑlísɑy zúꞋ pɑ́Ꞌ lɑ́Ꞌ sɛ́ ɛ́sɔ́klɛ ntsu sɛ́ ŋ́kẅíi lík-Yɛ́su, pɔ́p ɡʉ ńjʉ́ɔ pɛtɑ́tndɑ́-pɑnɔŋpɔꞋ pɔ́p pɛpɔ́p túu pɑpyɛ́p ndɑ́-nɔŋpɔꞋ ŋɡɔ pɔ́p ɡʉ ŋ́ɡẅɛɛ Yɛ́su.

Filipɛ 2:14

Pʉʉ ɡɛ mbɑ kʉ̈ɔ́ lɑ́ kɛ́ sẅíitɛ, kɛ́ yɛcɔ́ zɔŋ nu tsɛtsɛt pʉʉ,

Pʉɔ-Lɔ́mɑ 5:7

Ɛ́ zɛɛ ńtɛn tɛꞋ lɑ ŋumɛsɔŋ pɛ́m nɛpfú nǔu tú wɛcɔ́, tɛ mbɑ pɑ́Ꞌ ẅîwɑ́ ŋu lɑɑ ḿbɔ́ pɔ ŋu ẅí ɑ kɑ́ kúꞋlɛ nɛpʉ́ʉ pɔ́. Líkcɔ́ mbɔ ŋu pɛ́m nɛpfú mbíꞋ ŋu ẅi ɑ ɡɛnɛ mɛnu sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 11:24

Pɑnɛpɑ́ɑshi ɛ̂wɑ́ zɛɛ ḿbɔ́ ŋu ŋ́ɡẅɛɛ tswɛ́ sʉ́Ꞌnɛ. Mbɔ Zẅikŋɛ Lɛ́ɛnɛ́nɛ kɑ jʉ́ mɔ́ wɛ́. A pɛn ńzɑ́p tʉ́m yɛ́ nǔu Tsɑpʉɔ tɛꞋ. Pʉɔ tɛ ńzɑ́ɑ fú lɛ́Ꞌ ɛ̂yɑ́, ńtsʉ́Ꞌ pʉɔ-Tsɑpʉɔ.

Jɑ̂ŋ 7:52

Lɑ́ pɛcɔ́ pʉɔ tsɔ́Ꞌ mbɔ̌ wɛ́ ŋɡɔ: «Ɔ yú ŋu-Ŋɡɑlilɛɛ kɛkʉ̈ɔ́? Ɔ lɑɑ ńdɔɔ sʉ́Ꞌnɛ, mbɔ ɔ ɡʉ ńjʉ́ɔ ŋɡɔ wɛcɔ́ ŋɡɛ́mndʉ̈ɔ́Ꞌ-Sɛ́ ŋkɑɑ mɔ́ cẅɛt Ŋɡɑlilɛɛ pɔ́.»

Jɑ̂ŋ 6:14

Lɑ́Ꞌ jʉ́ɔ nu mɑ̌ɑmɑɑnɛ yi Yɛ́su ɡɛnɛ, ńcú ŋɡɔ: «Ŋu wɔ kwɑꞋ ŋɡɛ́mndʉ̈ɔ́Ꞌ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ tɔ́ ndǔmbí.»

Lúkɑ́shi 23:50

Wɛcɔ́ ŋu m̄bɔ́ ɡú Yɛlúsɑlɛm, pɛ́ fúŋ wɛ́ ŋɡɔ Yɔsɛ̂p, mbɔ pɛ́ kɑ pí wɛ́ tsɛt yɛcɔ́ tʉ́sɔŋ-Pɑyúdɑ yi pɛ́ fúŋnɛ ŋɡɔ Alimɑtɛ̂ɛ, ḿbɔ́ ŋu sʉ́Ꞌnɛ, ŋ́kúꞋlɛ nɛpʉ́ʉ-Sɛ́ tɛꞋ, ḿbɛn ńtswɛ́ ḿbɔ́ ńzẅíꞋlɛ ŋkɑ́ yi Sɛ́ ɡʉ ɛ́sɑ́Ꞌ mbí. A m̄bɔ́ mbɑ tsɛtsɛt cúꞋlɛ-pɛkɛ́m-ŋɡɔŋ pinɛ pɔ́p kɑ pɔ́nɛ ɛ́sɑ́Ꞌ lɑ́Ꞌ. Lɑ́, ɑ ŋ́kɑɑ pɛ́m nu yi pɛcɔ́ pɛlʉ́m kɑ zɑ́pnɛ ḿbɛn ŋ́ɡɛ nǔu Yɛ́su pɔ́.

Lúkɑ́shi 23:47

Tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ zúꞋu kɑ jʉ́ɔ mbɑ kʉ̈ɔ́ lɑ́ yi ɛ́ lɛɛnɛ, tɛ yi mbʉ̈ɔt pɔ́ nɛcú ŋɡɔ: «Ŋu wɔ ŋ́kɑɑ fɑɑnɛ.» Sẅiŋɛ yɛ́ ɛ̂yɑ́ ɡɑ́ mɛkuꞋ mbɔ̌ Sɛ́.

Lúkɑ́shi 18:19

Yɛ́su tsɔ́Ꞌ ḿbíkŋɛ wɛ́ ŋɡɔ: «Ɔ fúŋ wɑ́ɑ ŋɡɔ ŋu sʉ́Ꞌnɛ mɛlɑ́Ꞌkʉ̈ɔ́? Ɛ́ kɑ́ Pɔ́ ndɑꞋ Sɛ́ pɔ́, mbɔ wɛcɔ́ ŋu sʉ́Ꞌnɛ kɑ́ pɔ́ ɡú pɔ́.

Lúkɑ́shi 7:16

Lɑ́Ꞌ yi ɛ́ ḿbɔ́nɛ sɛ́ kɑ jʉ́ɔ, pɔ́k ɡẅɛɛ wɔ́p pɛtsʉʉ, pɔ́p ɡúꞋlɛ Sɛ́, ńcú ŋɡɔ: «Mɑ́mɑ́ ŋɡɛ́mndʉ̈ɔ́Ꞌ-Sɛ́ tɔ́ lɑ́Ꞌ pɛkŋɛ, Sɛ́ tɔ́ ńcẅɛ́lɛ́ pʉɔ pɛ́.»

Lúkɑ́shi 6:45

Pʉʉ jí ŋɡɔ ŋu lɑɑ ŋ́ɡẅɛɛ tʉ́m sʉ́Ꞌnɛ, mbɔ ɑ ɡʉ ŋ́ɡẅɛɛ ntsu sʉ́Ꞌnɛ; ŋ́ɡẅɛɛ tʉ́m kɛpɔŋ, mbɔ sẅiŋɛ kɛpɔŋ ɡʉ ńcẅɛt ntsu wɛ́, mbíꞋŋɡɔ ŋu cú pɔ nu yi ɛ́ tsɛt tʉ́m yɛ́.»

Mɑtʉ̈ɔ 27:63

ńcú mbɔ̌ wɛ́ ŋɡɔ: «Zɑɑmɛtɑ́ɑ, pɛk sɛ́ ŋ́kẅíitɛ yɛcɔ́ nu.» Ŋɡɑŋcɔtnu wɑ́ kɑ pɛ́t ntʉʉ, ńcú ŋɡɔ: «Ŋ ɡʉ ńdɑ́Ꞌ ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 21:46

ńdɔɔ shʉ́ nɛɡẅɛɛ wɛ́, lɑ́ ḿbɔ́k mík-lɑ́Ꞌ, mbíꞌŋɡɔ lɑ́Ꞌ kɑ pɔ́ ńjí ŋɡɔ Yɛ́su Ŋɡɛ́mndʉ̈ɔ́Ꞌ-Sɛ́.

Mɑtʉ̈ɔ 10:25

Pɑ́Ꞌ pɛ́ piitɛ́nɛ ɛ́fúŋ ŋɡɑŋndɑ́ ŋɡɔ: Bɛlzɛbûl, pɛ́ ɡʉ ŋ́kúu nǔu pʉɔ-ndɑ́ pɛ́, lɑ ńnɑ́ kɛ́ fúŋ wɔ́p pɔ́Ꞌɔ, kɛkʉ̈ɔ́? Yúu mi ɛ́ ɡɛnɛ cícɑ, yîyɑ́ yúu ɡʉ ńdɑ́Ꞌ ŋ́ɡɛ ŋu ẅí ɑ sɛ́ ńzíꞋ nu yɛ́, ḿbɔ́ yi kʉ̈ɔ́ lɑ́ ɡɛ tɑ̌ɑ pɛ́ ŋkwɑɑ lɑ́, mbɔ yîyɑ́ yúu ɡʉ ḿbɛn ńdɑ́Ꞌ ŋ́ɡɛ ŋkwɑɑ ɡúu.