Biblia Todo Logo
Bib sou entènèt

- Piblisite -




Jɑ̂ŋ 6:69 - Kɑɑ Fí

69 Pɛk kɑ lɑ́Ꞌmɔ́ ḿbɛ́m, ḿbɛn ḿbɔ́ ńjí ŋɡɔ ɔ kwɑꞋ ŋu ẅí ɑ fúnɛ nɛjɔ́ŋ Sɛ́.»

Gade chapit la Kopi




Jɑ̂ŋ 6:69
18 Referans Kwoze  

A cú ŋɡɔ: «Ɔ́ɔŋ mbɑ̌ɑ Tsɑpʉɔ. Mɔ, m bɛ́m ŋɡɔ ɔ Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ mɔ́ɔ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ ńtɔ́ ndǔmbí.»


Yɛ́su píkŋɛ wɔ́p ŋɡɔ: «KwɑꞋ pʉʉ yʉ́ʉ cú ŋɡɔ mɔ wɔ̌?» Pyɛ̂ tsɔ́Ꞌ ŋɡɔ: «Ɔ Nzɑ́Ꞌŋkʉ ẅi ɑ fúnɛ mbɔ̌ Sɛ́.»


A píkŋɛ wɔ́p ŋɡɔ: «KwɑꞋ pʉʉ yʉ́ʉ cú ŋɡɔ mɔ wɔ̌?» Pyɛ̂ tsɔ́Ꞌ ŋɡɔ: «Ɔ Nzɑ́Ꞌŋkʉ ẅí Sɛ́ kɑ kɑꞋnɛ.»


Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.


Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.


Ẅîwɑ́ Ŋkʉʉ cú nu nǔu Mɔ́ɔ nɛ Yɛ́su Kɛlístɔ ẅí ɑ Tsɑpʉɔ wɛkŋɛ. A kɑ shɔtnɛ ńtsʉ́Ꞌ ŋumɛsɔŋ pɛ́ pí wɛ́ nǔu njẅɛtndɑ́-fɔɔ Ndɑvît.


Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.


Tɔmɑ́shi tsɔ́Ꞌ mbɔ̌ wɛ́ ŋɡɔ: «Tsɑpʉɔ wɑɑ, ḿbɔ́ Sɛ́ wɑɑ.»


Ndɛlɛ́yɑ ɛ̂wɑ́ ɡʉ ḿbiitɛ ɛ́sẅíi mɔ́ɔmɑ́ wɛ Símɔ̂ŋ, ńcú mbɔ̌ wɛ́ ŋɡɔ: «Pɛk jʉ́ɔ Nzɑ́Ꞌŋkʉ, ẅi Sɛ́ kɑ kɑꞋnɛ ɑ pɔ́ Kɛlístɔ.»


Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»


«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»


Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»


Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»


Nzɛnɛ Ŋkʉʉ Sʉ́Ꞌnɛ nǔu Yɛ́su Kɛlístɔ mɔ́ɔ-Sɛ́, pʉ̈ɔ́lɑ́.


mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?


Ɛ́ kẅiꞋ ŋ́ɡʉ nɛ́ mbi tɛ pɛkŋɛ tsʉ́Ꞌ ŋ́ɡẅɛɛ pɔ tɑ́Ꞌ ntsu ẅí ɛ́ fúnɛ nǔu pɑ́Ꞌ pɛkŋɛ zɑ́pnɛ tʉ́m yɛkŋɛ pɔ nǔu Yɛ́su mɔ́ɔ-Sɛ́, ḿbɛn ńjí wɛ́, ŋ́ɡúꞋ tɛ yɛcɔ́ yúu pɔɔ pɛn ńjɑ́k wɛkŋɛ pɔ́, pɑ́Ꞌ ɛ́ nǔu wɛ́ ḿbɔ́ pɔ́Ꞌɔ.


Ɛ́ ɡʉ nǔu pɛk, mbɔ pɔ́p sɛ́ ńjí pɑ́Ꞌ Sɛ́ kɔŋnɛ wɛ́k pɔ́Ꞌɔ, pɛk kɑ jʉ́ɔ yîyɑ́ ntɛ́ ŋkɔŋɛ tɛ ḿbɛ́m. Sɛ́ ɡẅɛɛ pɔ ŋkɔŋɛ, ŋu lɑɑ ḿbɔ́ ŋ́kɔŋ pʉɔmɛsɔŋ, mbɔ ŋɡɑŋ ńdɑt mbʉʉ yɛ nǔu Sɛ́, Sɛ́ lɑt yɛ nǔu wɛ́.


Swiv nou:

Piblisite


Piblisite