Jɑ̂ŋ 6:56 - Kɑɑ Fí

⁵⁶ Ŋu lɑɑ kwɛ́t mbɑp-mbʉʉ yɑɑ, ńnɔ́ mɛci mɑ́ɑ, mbɔ ɑ tɛmtɛ nǔu mɔ, n tɛmtɛ yɑ́ɑ ɡúu nǔu wɛ́.

Jɑ̂ŋ 6:56 Referans Kwoze

Jɑ̂ŋ 14:20

Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

1 Jɑ̂ŋ 3:24

Ŋu ẅí ɑ kúꞋlɛ́nɛ mbʉ́ʉ-Sɛ́, ɑ kɛ́ ńdɑt mbʉʉ yɛ nǔu Sɛ́ lɑtnɛ, Sɛ́ lɑt mbʉʉ yɛ nǔu wɛ́. Pɛkŋɛ fú nǔu Zẅikŋɛ Lɛ́ɛnɛ́nɛ yi Sɛ́ ɡɑ́nɛ mbɔ̌ pɛkŋɛ, ńjí ŋɡɔ Sɛ́ lɑt mbʉʉ yɛ nǔu pɛkŋɛ.

Mɛnu ɛ́ ńdɑ́Ꞌ ńcẅɛt 3:20

M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.

Jɑ̂ŋ 14:23

Yɛ́su tsɔ́Ꞌ mbɔ̌ wɛ́ ŋɡɔ: «Ŋu lɑɑ ŋ́kɔŋ wɑ́ɑ, mbɔ ɑ ɡʉ ŋ́ɡẅɛɛ sẅiŋɛ yɑ́ɑ. Tɑ̌ɑ mɔ pɛn ŋ́kɔŋ wɛ́, pɛk Tɑ̌ɑ mɔ tɔ́ ńtsɛ́t wɛ́, ńtsʉ́Ꞌ ńnɑ́ŋ pɔ tsɛt tʉ́m yɛ́.

1 Jɑ̂ŋ 4:12

Wɛcɔ́ ŋu ẅí ɑ kɑ zɑ́p mɔ́ lík nǔu Sɛ́ kɑ́ pɔ́ ɡú pɔ́. Lɑ́ ḿbɔ́ yi pɛkŋɛ lɑɑ ŋ́ɡẅɛɛ ŋkɔŋɛ tsɛtsɛt pɛkŋɛ, mbɔ pɛkŋɛ pɛ Sɛ́ pɔ́nɛ, ŋkɔŋɛ yɛ́ lɔk ńtsuŋ ḿbɔ́ nǔu pɛkŋɛ tɛ yúu pɔɔ jɑ́k nǔu pɔ́.

2 Kɔlɛ̂ŋtɛ 6:16

Mbɔ pɛ́ lɔk ndɑ́-nɔŋpɔꞋ-Sɛ́ pɔ́p yúu mi pɛ́ ɡúꞋlɛ ŋɡɔ ɛ́ mɛsɛ́ ńdɔk ɛ́fúŋ tɑ́Ꞌ yúu ŋɡɔ́ku? Pɛkŋɛ zɛɛ ḿbɔ́ ndɑ́-nɔŋpɔꞋ-Sɛ́ ẅi ɑ ḿbɔ́ ńcú mbɔ̌ pɔ́p, pɑ́Ꞌ kwɑꞋ jʉ́ kɑ cúnɛ ŋɡɔ: Mɔ, ŋ ɡʉ ŋ́ɡɛ ńtsʉ́Ꞌ ńnɑ́ŋ pɔ tsɛtsɛt pɔ́p, ḿbɔ́ nɛn tsɛtsɛt pɔ́p. Mɔ ŋ́ɡɛ ḿbɔ́ Sɛ́ wɔp, pɔ́p pɔ́ pʉɔ pɑ́ɑ.

Ɛ́fɛ̂zɛ 3:17

Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ kɛ́ ḿbɔ́ ńzɑ́p tʉ́m pɔ nǔu Yɛ́su Kɛlístɔ. Kɛlístɔ ɛ̂wɑ́ lɔk pɔ́Ꞌɔ, ŋ́kɛ́ ḿbɔ́ ńnɑ́ŋ ḿbɔ́ pɔ tsɛt tʉ́m pʉ́ʉ. Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ ŋɡɔ ɑ ɡɛ pʉʉ kɔŋ Sɛ́, ḿbɛn ŋ́ɡẅɛɛ ŋkɔŋɛ tsɛtsɛt pʉʉ, ɛ́ lɛɛ pɔ́Ꞌɔ, pʉʉ tɛntɛ pɑ́Ꞌ tʉ́ yi mɛŋɑŋ mɛ́ kúunɛ sɛ́ lɑ́, mbɑ pɑ́Ꞌ ndɑ́ yi cʉ́ kúunɛ sɛ́.

Jɑ̂ŋ 6:55

MbíꞋŋɡɔ mbɑp-mbʉʉ yɑɑ yúujʉ́ sʉ́Ꞌnɛ, mɛci mɑ́ɑ pɔ́ kwɑꞋ yúu nɔ́nɛ.

1 Jɑ̂ŋ 2:24

Ɛ́ yúu mi ɛ́ ɡɛnɛ n cú mbɔ̌ pʉʉ ŋɡɔ pʉʉ kúꞋlɛ sẅiŋɛ yi pʉʉ kɑ zúꞋnɛ tɛ ɛ́fú nzɛnɛ kwɑꞋ sʉ́Ꞌnɛ. Sẅiŋɛ yi pʉʉ kɑ zúꞋnɛ tɛ ɛ́fú nzɛnɛ lɑɑ ḿbɔ́ tsɛt tʉ́m pʉʉ, mbɔ pʉʉ yʉ́ʉ ɡʉ ńtɛmtɛ nǔu Mɔ́ɔ mbɑ nǔu Tɑ́t.