Jɑ̂ŋ 6:45 - Kɑɑ Fí

⁴⁵ Pɛ́ kɑ ŋwɑꞋnɛ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ ŋɡɔ: «Sɛ́ nɛ́ tú mbʉʉ yɛ́ ɡʉ ńdɑ́Ꞌ ńzíꞋ nu yɛ́ mbɔ̌ pʉɔ tsʉʉ. Ŋu lɑɑ ńzúꞋ nu yi ɛ́ fúnɛ mbɔ̌ Tɑ̌ɑ, ḿbɛ́m yúu mi ɑ zíꞋnɛ pʉɔ, mbɔ ẅîwɑ́ ŋu ɡʉ tɔ́ ńtsɛ́t wɑ́ɑ.

Jɑ̂ŋ 6:45 Referans Kwoze

Ɛ́bɛlʉʉ 10:16

Tsɑpʉɔ cúnɛ ŋɡɔ: Mîmɑ́ mɛlɛ́Ꞌ ńdɑ́Ꞌ ḿbɔ́ tɛ ńdɛɛ, lii-kɑɑ yi ŋ ɡʉ ńdɑ́Ꞌ ŋ́ɡwɑt tsɛtsɛt pɛk pɛpɔ́p, ɛ́ pʉ́ɔlɑɑ, ŋ ɡʉ ńdɑ́Ꞌ ŋ́ɡɛ tʉ́m yɔ́p tʉ́ʉ pɔ nǔu mbʉ́ʉ mɑ́ɑ. Mbɑ kwɑŋɛ yɔ́p tʉ́ʉ pɔ nǔu mbʉ́ʉ mɑ́ɑ.

1 Tɛsɑlɔník 4:9

Yɛcɔ́ yúu mi m bɔ́ ŋ́ŋwɑꞋnɛ ŋ́ɡɑ́ mbɔ̌ pʉʉ ntɛ́ ŋkɔŋɛ tsɛtsɛt pɔ́ɔpɛ́mɑ́ ɛ́ kɑ́ pɔ́ ɡú pɔ́, n cú mbíꞋŋɡɔ pʉʉ kɑ zíꞋ pɔ kwɑꞋ mbɔ̌ Sɛ́ nɛkɔŋ mɛmbʉʉ mʉ́ʉ.

Jɑ̂ŋ 6:65

Yɛ́su pɛn ńcú ŋɡɔ, ɛ́ yúu mi ɛ́ ḿbɔ́ ŋ́ɡɛ lɑ n cú mbɔ̌ pʉʉ ŋɡɔ, ɛ́ lɑɑ ḿbɔ́ ŋu pɔɔ tɔ́ ŋ́kẅɛ́ɛtɛ wɑ́ɑ kɛ́ pɔ́ yi Tɑ̌ɑ mɔ ɡɛnɛ ŋɡɔ ŋɡɑŋ tɔ́ pɔ́.

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

Jɑ̂ŋ 10:27

Mɛnjinjɔ mɑ́ɑ zúꞋ ŋɡi yɑɑ. N jí wɔ́p, pɔ́p cʉ́ɔ nzʉʉ mɔ.

Lúkɑ́shi 18:31

Yɛ́su fɑk ɡɑŋku pɛ́ ntsɔ̌ppɑ́ nɛ́ nɛɡɛ́m, pɔ́p pɛpɔ́p tʉ́ʉ, ɑ cú mbɔ̌ pɔ́p ŋɡɔ: «Pʉʉ zúꞋ sʉ́Ꞌnɛ, pɛkŋɛ sɛ̂ndúŋ ḿbɔ́ ḿbʉʉ nɛ́ Yɛlúsɑlɛm pɑꞋnɛ, ŋ́kúu zúꞋu, mbɑ kʉ̈ɔ́ lɑ́ yi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ ntɛ́ Mɔ́ɔ-ŋu puutɛ zúꞋu.

Lúkɑ́shi 1:70

ɛ́ pɔ́ nu yinɛ ɑ kɑ lɑ́Ꞌ ńcú tɛ ntí ɡú, ɔ́ɔŋ, ɑ kɑ lɔk ntsu-pɛɡɛ́mndʉ̈ɔ́Ꞌ pɛ́ ńcú ŋɡɔ:

Mɑ́lɛ́kúshi 1:2

Ɛ́ kɑ zɛ pɑꞋ Sɛ́ kɑ cúnɛ tsɛt ŋwɑꞋnɛ-ŋɡɛ́mndʉ̈ɔ́Ꞌ Ɛsɑ̌yɑ ŋɡɔ: «ZuꞋu, ŋ ɡʉ ńdɑ́Ꞌ ńtúu mɑ́ntúu wɑɑ ɑ pɔ́ mbi ḿbɔ́ ńniitɛ ndúŋ ẅi ɔ ńdɛɛ nǔu.»

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 7:42

Pɔ́p kɑ ɡɛ pɔ́Ꞌɔ, Sɛ́ tɛ́m ŋkwɛn yɛ, ńnɑ́ wɔ́p. Pɔ́p zɛ nɛɡúꞋlɛ yúu mi ɛ́ nɛpú. Ndʉ́ŋndʉŋ pɑ́Ꞌ pɛŋɡɛ́mndʉ̈ɔꞋ-Sɛ́ kɑ pɔ́ ŋ́ɡʉ ńtɑ́ɑ ńdɛꞋlɛ nu yɔ́p ŋɡɔ: «Pɔ́ɔ-pɑíslɑyɛ̂l, pʉʉ kɑ nɛn kɔ̂ŋtɛt ŋɡuꞋlɑ́Ꞌ mɛɡɛ́mɛ́nɛ́kwɑ pɛ́Ꞌɛ, ŋ́ɡwɑt mɛyúumɛku ŋ́ɡɑ́ yúujʉ́ ńdɔk ŋ́ɡúꞋlɛ mɔ Sɛ́ wɔ?»

ŊwɑꞋnɛ-Gɑŋntúu Yɛ́su Kɛlístɔ 13:40

Pɔ́Ꞌɔ lɑ́, pʉʉ kɛ ńdɑk tú yʉ́ʉ, ḿbɔ́k yúu mi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ nɛɡɛ wʉ́ʉ. Pɔ́p kɑ cú ŋɡɔ:

Filipɛ 3:15

Pɛkŋɛ pi pɛkŋɛ tsʉ́Ꞌnɛ pɔ pɛlʉ́m nǔu nɛzúꞋ nu-Sɛ́ lɑɑ, ɛ́ pɔŋ ŋɡɔ yɛkŋɛ kwɑŋɛ pɔ́ pɔ pɑ́Ꞌɑ, ŋ́kɛ́ ḿbɔ́ yi pɛcɔ́ pʉɔ pʉ́ʉ ɡẅɛɛ yɛcɔ́ kwɑŋɛ tɛ ɛ́ pɔɔ yɑ́ɑ pɔ́, mbɔ Sɛ́ ɡʉ ɛ́sɑ́ɑnɛ sɑ́ɑnɛ́nɛ, ɛ́sẅíi wʉ́ʉ nɛ́ nu ɛ̂yɑ́.

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.