Jɑ̂ŋ 6:40 - Kɑɑ Fí

⁴⁰ Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

Jɑ̂ŋ 6:40 Referans Kwoze

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Jɑ̂ŋ 6:54

Ŋu lɑɑ ŋ́kwɛ́t mbɑp-mbʉʉ yɑɑ, ńnɔ́ mɛci mɑ́ɑ, ɑ ɡẅɛɛ luk kɛ́mɛ. Ŋ ɡɛ ńzẅíimɛ ŋɡɑŋ nǔu nɛvú ndẅiknzʉʉ lɛ́Ꞌ.

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 11:25

Yɛ́su pʉ̈ɔt mbɔ̌ wɛ́ ŋɡɔ: «Mɔ ŋu ẅí ɑ ɡɛnɛ pɛ́ zẅíimɛ nǔu nɛvú, ḿbɔ́ ŋu ẅí ɑ ɡɛnɛ pɛ́ pɔ́ ɡú. Ŋu lɑɑ ńzɑ́p tʉ́m nǔu mɔ ḿpfú mbɑ pfúnɛ, mbɔ ɑ ɡʉ ŋ́ɡɛ ḿbɔ́ ɡú.

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

Jɑ̂ŋ 12:45

Ŋu ẅí ɑ jʉ́ɔnɛ wɑ́ɑ, ɑ pɛn ńjʉ́ɔ ŋu ẅí ɑ kɑ túunɛ wɑ́ɑ.

Jɑ̂ŋ 6:27

Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Lúkɑ́shi 2:30

Ɔ́ɔŋ, n dɔk mík mɑ́ɑ ńjʉ́ɔ pɑ́Ꞌ ɔ ɡʉ ŋ́ɡɛ pʉɔmɛsɔŋ luk.

1 Jɑ̂ŋ 2:25

Kɛlístɔ kɑ kɑꞋ mbɔ̌ pɛkŋɛ ŋɡɔ, pɛkŋɛ pɛ Sɛ́ ɡʉ ńdɑ́Ꞌ ḿbɔ́ pɔ ŋkɑ́ tsʉʉ.

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Jɑ̂ŋ 10:28

Ŋ ɡɑ́ luk kɛ́mɛ mbɔ̌ pɔ́p, pɔ́p ŋ́ɡʉ ńdɑ́Ꞌ ḿbɛn ńtíi ndɔɔ kɛ́mɛ pɔ́. Sɑ̌ɑ ŋu pɛn mbɔɔ kuꞋ nɛfú mbɔ̌ mɔ ɛ́sɑꞋ wɔ́p pɔ́.

Jẅidɛ 1:21

Pʉʉ ɡɛ Sɛ́ kɛ́ ḿbɔ́ ŋ́kẅiꞋ ŋ́kɔŋ wʉ́ʉ kɔŋnɛ, ḿbɔ́ ńzẅíꞋlɛ ŋɡɔ Tsɑpʉɔ wɛkŋɛ Yɛ́su Kɛlístɔ ŋ́ɡʉ ŋ́ɡɛ pʉʉ ɡẅɛɛ luk kɛ́mɛ, mbíꞋŋɡɔ ɑ tsɑ́ɑ mɛjʉ́ŋ mʉ́ʉ.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Pʉɔ-Lɔ́mɑ 5:21

Ɛ́ lɛɛ pɔ́Ꞌɔ, Sɛ́ lɔk pɑ́Ꞌ ɑ tsɑ́ɑnɛ mɛjʉ́ŋ mɔ́p, jʉ́ tsʉ́Ꞌnɛ ŋ́ɡẅɛɛ wɔ́p, ŋ́ɡɛ pɔ́p tsʉ́Ꞌ pʉɔ pi pɔ́p ndʉ́ŋndʉŋ mbi yɛ́, ɛ́ lɔk ɛ́fí pɑ́Ꞌ nu kɛpɔŋ kɑ ɡɛnɛ nɛvú ɡẅɛɛ pʉɔmɛsɔŋ, ńjẅítɛ wɔ́p. Sɛ́ tsɑ́ɑ mɛjʉ́ŋ mɛkŋɛ ŋ́ɡɑ́ fuꞋ níinɛ yɛkŋɛ pɔ́Ꞌɔ, pɛkŋɛ lúꞋnɛ Tsɑpʉɔ Yɛ́su Kɛlístɔ lɑ ŋ́ɡẅɛɛ luk kɛ́mɛ.

Jɑ̂ŋ 12:50

M bɛn ḿbɔ́ ńjí ŋɡɔ Ŋkʉʉ ẅí ɑ kɑ fɛ́ɛnɛ mbɔ̌ mɔ ɛ́ luk kɛ́ mɛ. Ɛ́ pɔ́Ꞌɔ, nu yí n cúnɛ, n cú pɔ pɑ́Ꞌ Tɑ̌ɑ mɔ kɑ cúnɛ.

Jɑ̂ŋ 8:56

Tʉ́m tɑ́t wʉ́ʉ Ábɛlɛhɑ̂m kɑ pɔ́ ńtsɑ́ɑtɛ ŋɡɔŋ ŋ́kɑ́ tsʉʉ yi ɑ kɑ pɔ́ ńtsɑ́ɑ nɛjʉ́ɔ ŋkɑ́ yi mɔ ŋ́ɡɛ ńtɔ́. A kɑ kɛ́ ńjʉ́ɔ, ńtsɑ́ɑtɛ tɛꞋ.

Mɑ́lɛ́kúshi 16:16

Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.

Ɛ́bɛlʉʉ 11:1

Nɛzɑ́p tʉ́m nǔu Sɛ́, ɛ́ nɛtsuŋ ńjí sʉ́Ꞌnɛ ŋɡɔ, yúu mi pɛ́ sɛ́ ńzẅíꞋlɛ ŋɡɔ Sɛ́ ɡɑ́, ɑ ɡʉ ńdɑ́Ꞌ ŋ́ɡɑ́, ḿbɛn ḿbɔ́ nɛtsuŋ ńjí ŋɡɔ, yúu mi pɛ́ kɑ́ pɔ́ ńdɔk mík ńjʉ́ɔ pɔ́ ńtsuŋ ḿbɔ́ ɡú.

Ɛ́bɛlʉʉ 11:27

Ɛ́ kɑ fú pɔ nǔu pɑ́Ꞌ ɑ kɑ zɑ́pnɛ tʉ́m yɛ́ nǔu Sɛ́, lɑ́ fɔɔ Ɛ́ɡíptɔ zɛ nɛzɑ́ŋ lɔ́ŋ, ɑ fú zúꞋu ńcẅɛt ŋ́ɡʉ kɛ́ pɔ́k yúu mi ḿbɔ́ ɑ ɡɛ nǔu wɛ́. Tʉ́m yɛ́ tɛntɛ tɛntɛnɛ, mbíꞋŋɡɔ ɛ́ kɑ pɔ́ ŋkɑ́ yi ɑ sɛ́ ńdɔk mík ńjʉ́ɔ Sɛ́ ẅi ḿbɔ́ ŋu pɔɔ wɛ́ jʉ́ɔ.

Jɑ̂ŋ 14:17

Ncẅɛ́ɛntɑ́ŋ ɛ̂wɑ́ pɔ́ pɔ zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́. Pʉɔ-ndǔmbí kɑ́ kuꞋ nɛkúkŋɛ zẅikŋɛ ɛ̂yɑ́ pɔ́, mbíꞋŋɡɔ pɔ́p kɑ́ pɔ́ ńjʉ́ɔ mɛfɑꞋ mɛ́ pɔ́, ḿbɛn ŋ́kɛ́ ḿbɔɔ pɔ́ ńjí wɛ́ pɔ́. Lɑ́ pʉʉ pɔ́ ńjí wɛ́, mbíꞋŋɡɔ ɑ nɛjɔ́ŋ pʉʉ, ḿbɛn ḿbɔ́ nǔu pʉʉ.

Mɑtʉ̈ɔ 10:15

Mɔ ɛ́sẅíi wʉ́ʉ, kwɑꞋ nɛ́nẅín, lɛ́Ꞌ yi Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛtsɑŋ-pʉɔmɛsɔŋ, ŋɡʉ̈ɔ́Ꞌ-pîpɑ́ pʉɔ zɑ́ɑ ńtsɑ yɛ́ pʉɔ-Sɔdɔ́m pɔ́p yɛ́ pʉɔ-Ŋɡɔmɔ̂ɔ.

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Jɑ̂ŋ 6:39

Yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, ɛ́ pɔ́ pɔ ŋɡɔ kɔɔ mɔ nɑ́ tɛ wɛcɔ́ tɑ́Ꞌ nǔu pʉɔ pí ɑ kɑ ɡɑ́nɛ mbɔ̌ mɔ pɛ́. Ndẅiknzʉʉ lɛ́Ꞌlɑ́Ꞌ ńdɑ́Ꞌ ḿbɔ́, n zẅíimɛ wɔ́p nǔu nɛvú.

Jɑ̂ŋ 6:44

Wɛcɔ́ ŋu lɑɑ ḿbɔ́ ɑ pɔɔ tɔ́ ńtsɛ́t wɑ́ɑ kɛ́ pɔ́ yi Tɑ̌ɑ mɔ ẅí ɑ kɑ túunɛ wɑ́ɑ zɛɛnɛ ɛ́shuŋ wɛ́ pɔ́. Mɔ, m bɛn ńdɑ́Ꞌ nǔu ndẅiknzʉʉ lɛ́Ꞌlɑ́Ꞌ, ńzẅíimɛ wɛ́ nǔu nɛvú.»

Jɑ̂ŋ 11:24

Mɑ́ktɑ pʉ̈ɔt ŋɡɔ: «N jí ŋɡɔ ɑ ɡʉ ŋ́ɡɛ ńzẅíimɛ nǔu ndẅiknzʉʉ lɛ́Ꞌlɑ́Ꞌ pɑ́Ꞌ pɛpfú ɡʉ ńdɑ́Ꞌ ḿbɔ́ ńzẅíimɛ.»