Jɑ̂ŋ 6:32 - Kɑɑ Fí

³² Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, Mɔ̌sɛ̂ɛ ŋkɑɑ ɡɑ́ yúujʉ́ pi ɛ́ fúnɛ tʉ́nɛ́pú mbɔ̌ pʉʉ pɔ́. Tɑ̌ɑ mɔ sɛ́nɛ́ ŋ́ɡɑ́ kwɑꞋ yúujʉ́ pi ɛ́ fúnɛ tʉ́nɛ́pú mbɔ̌ pʉʉ.»

Jɑ̂ŋ 6:32 Referans Kwoze

Jɑ̂ŋ 15:1

Yɛ́su pɛn ḿbɛ́ɛ yɔ fʉꞋ ńcú ŋɡɔ: «Mɔ kwɑꞋ nɛtsɛ́n-tʉ́ ni pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ. Tɑ̌ɑ mɔ pɔ́ ŋu ẅí ɑ fɑꞋnɛ nǔu.»

Jɑ̂ŋ 6:58

Yɔ pɑꞋ yúujʉ́ pi ɛ́ fúnɛ tʉ́nɛ́pú pɔ́nɛ, ɛ́ kɑ́ pɔ́ pɑ́Ꞌ yi pɛtɑ́t pʉ́ʉ kɑ kwɛ́tnɛ ŋ́kɛ́ ḿbɛn ḿpfú pfúnɛ pɔ́. Ŋu lɑɑ ńjʉ́ pɔ yúujʉ́ yi ɛ́ fúnɛ tʉ́nɛ́pú, mbɔ ŋɡɑŋ ɡʉ ńdɑ́Ꞌ ḿbɔ́ pɔ ɡú.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Jɑ̂ŋ 6:55

MbíꞋŋɡɔ mbɑp-mbʉʉ yɑɑ yúujʉ́ sʉ́Ꞌnɛ, mɛci mɑ́ɑ pɔ́ kwɑꞋ yúu nɔ́nɛ.

Jɑ̂ŋ 6:50

Lɑ́, yúujʉ́ pi ɛ́ fúnɛ tʉ́nɛ́pú ńcúŋ, ɛ́ yi ŋu lɑɑ ńjʉ́, ɑ pɔɔ pɛn ḿpfú pɔ́.

Jɑ̂ŋ 6:41

Pɑyúdɑ ɡɔ́ɔ ŋ́kɛ́ ńzɛ nɛcútɛ nzʉʉ Yɛ́su, mbíꞋŋɡɔ ɑ cú ŋɡɔ ɑ yúujʉ́ yi ɛ́ fúnɛ tʉ́nɛ́pú.

Jɑ̂ŋ 6:35

Yɛ́su pʉ̈ɔt mbɔ̌ pɔ́p ŋɡɔ: «Yúujʉ́ pi ɛ́ ɡɛnɛ ŋu pɔ́ ɡú, mɔ. Ŋu lɑɑ ńtɔ́ ńtsɛ́t wɑ́ɑ, mbɔ njí kɛ́ lɑ́Ꞌ ḿbɛn ńzɑ́ŋ wɛ́ pɔ́. Ŋu lɑɑ ńzɑ́p tʉ́m yɛ́ nǔu mɔ, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́.

Jɑ̂ŋ 6:33

«MbíꞋŋɡɔ yúujʉ́ pi ɛ́ fúnɛ mbɔ̌ Sɛ́, ɑ ŋu ẅí ɑ fúnɛ tʉ́nɛ́pú ńcúŋ, ŋ́ɡɛ pʉɔmɛsɔŋ ndǔmbí ɡẅɛɛ kwɑꞋ luk.»

Jɑ̂ŋ 1:9

Sẅiŋɛ ɛ̂yɑ́ kɑ pɔ́ kwɑꞋ kyɛꞌ yí ɛ́ tɔ́nɛ ndǔmbí nɛkyɛ́Ꞌ pʉɔtsʉʉ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Jɑ̂ŋ 6:31

Pɛmɑ́ŋɡɑpnjẅɛt pɛk kɑ kwɛ́t yúu mi pɛ́ fúŋnɛ ŋɡɔ mɑ̂ɑnɛ, kɔ̂ŋtɛt. Ɛ́ lɔk ḿbuutɛ nǔu pɑ́Ꞌ ŋwɑꞋnɛ-ndɛn kɑɑ sɛ́ ńcú ŋɡɔ: “A kɑ ɡɑ́ wɔ́p nɛ́ yúupɛjʉ́ pi ɛ́ fúnɛ tʉ́nɛpú.”»