Jɑ̂ŋ 6:15 - Kɑɑ Fí

¹⁵ Yɛ́su jʉ́ɔ shʉ́ yi pɔ́p sɛ́ ńdɔɔ nɛɡẅɛɛ wɛ́ ńdɔk wɛ́ ŋ́ɡɛ fɔɔ, ḿbɛn ńnɑ́ wɔ́p ŋ́ɡʉ nɛ́ ndǔ nɛŋkɔ́Ꞌ zɛ́nɛjʉ́.

Jɑ̂ŋ 6:15 Referans Kwoze

Jɑ̂ŋ 18:36

Yɛ́su tsɔ́Ꞌ ŋɡɔ: «Nɑ́ɑ nɛfɔɔ kɑ́ pɔ́ nɛ́ yɔ mbí pɔ́. Nɛfɔɔ nɑ́ɑ pɛ́Ꞌnɛ ḿbɔ́ nɛ́ yɔ mbí, mbɔ pʉɔ pɑ́ɑ lɑ́Ꞌ mbɔɔ nɑ́ nzʉʉ yɑɑ, tɛ pɛ́ níꞋ wɑ́ɑ mbɔ̌ pɛkɛ́m-Pɑyúdɑ pɔ́. Lɑ́, n zɛɛ ńcú ŋɡɔ nɑ́ɑ nɛfɔɔ kɑ́ pɔ́ nɛ́ ndǔmbí yɔ pɔ́.»

Lúkɑ́shi 19:38

ḿbɔ́ ńcú ŋɡɔ: «Mbɔ́tnɛ pɔ́ mbɔ̌ Fɔɔ ẅí ɑ tɔ́nɛ nǔu lík-Tsɑpʉɔ. Sɛ́ tʉ́nɛ́pú ḿbɔ́ Ŋɡɑŋ-mbɔ́tnɛ, ɡúꞋlɛ pɔ́ mbɔ̌ wɛ́ ẅi ɑ tɛ tʉ́nɛ́pú.»

Mɑ́lɛ́kúshi 11:9

LɑꞋ pɔ́ mbi, ḿbɔ́ nzʉʉ yɛ́ ńzɔp ŋɡɔ: «Wûuẅíi mbɔ́tnɛ pɔ́ mbɔ̌ ŋu ẅí, ɑ tɔ́nɛ nǔu lík-Tsɑpʉɔ.

Ɛ́bɛlʉʉ 4:13

Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.

Jɑ̂ŋ 5:41

Ŋ kɑ́ pɔ́ ńtsɑ́ɑ yɛcɔ́ nɛŋwɑ́ŋɛ ẅí ɛ́ fúnɛ mbɔ̌ pʉɔmɛsɔŋ pɔ́.

Jɑ̂ŋ 6:3

Yɛ́su ŋ́kɔ́Ꞌ ndǔ nɛcɔ́ nɛŋkɔ́Ꞌ, pɔ́p ɡɑŋku pɛ́ nɑ́ŋ sɛ́.

Mɑtʉ̈ɔ 5:1

Yɛ́su jʉ́ɔ nɔɔ-lɑ́Ꞌ, ŋ́kɔ́Ꞌ ndǔ nɛŋkɔ́Ꞌ, ńnɑ́ŋ sɛ́, ɡɑŋku pɛ́ tɔ́ ŋ́kẅɛ́ɛtɛ wɛ́.

Jɑ̂ŋ 6:22

Njí ɡɛ ŋ́kiɛ, lɑ́Ꞌ yi pɛ́ lɑ́Ꞌnɛ ńnɑ́ nǔu yɛcɔ́ njʉ́n-ŋki kẅíitɛ ŋɡɔ kɑnúꞋ lɑ́Ꞌ ḿbɔ́ sɛ́ ndɑꞋ wɛ́mɔ́Ꞌ, ɡɑŋku-Yɛ́su pɛn ŋ́ɡɔ ńdɔk ŋ́ɡʉ, pɔ́p pɛ́ Yɛ́su pɔɔnɛ pɔ́. Pɔ́p ɡʉ pɔ zɛ́nɛ pɔ́p.