Jɑ̂ŋ 5:27 - Kɑɑ Fí

²⁷ A kɑ pɛn ŋ́ɡɑ́ wɛ́ nɛ́ mɛtʉʉ nɛlɔk ńzɑ́Ꞌ mɛtsɑŋ-pʉɔmɛsɔŋ, mbíꞋŋɡɔ jʉ́ pɔ́nɛ Mɔ́ɔ-Ŋu.

Jɑ̂ŋ 5:27 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 10:42

A kɑ pɛn ńtúu wɛ́k ŋɡɔ pɛk ɡʉ ɛ́sɑ́Ꞌ Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ lɑ́Ꞌ, ŋ́ɡɛ pɔ́p jí ŋɡɔ jʉ́ Yɛ́su kwɑꞋ ŋu ẅí Sɛ́ kɑ tsɔ́Ꞌnɛ ŋɡɔ ɑ zɑ́Ꞌ ntsɑŋ-pʉɔ ntʉʉ pɔ́p pɛpfú sɛ́.

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

Jɑ̂ŋ 5:22

Sɛ́ Tɑ́t, lɔ̌ɔ ńzɑ́Ꞌ ntsɑŋ ŋu pɔ́, ɑ kɑ nɑ́ yîyɑ́ zʉꞋ mbɔ̌ Mɔ́ɔ nɛ.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

1 Kɔlɛ̂ŋtɛ 15:25

Kɛlístɔ zɛɛ ŋ́ɡẅɛɛ nɛpɔ́ ɛ́sɑ́Ꞌ mbí tɛ ŋ́kúu ŋkɑ́ yi Tɑ́t wɛ lɔknɛ pɛɡɑŋ mbuu pɛ́ ŋ́ɡɛ zʉꞋ yi jʉ́ Kɛlístɔ ɡʉ tík mɛku mɛ́ zúꞋu.

Mɑtʉ̈ɔ 9:6

Ŋ ɡʉ ŋ́kɛ́ ńnyɛt wʉ́ʉ ŋɡɔ: Mɔ́ɔ-Ŋu ɡẅɛɛ mɛtʉʉ ndǔ tsɛ́tsɑ́Ꞌ yɔ, nɛlɔk ńdikŋɛ mɛnu kɛpɔŋ pʉɔmɛsɔŋ ŋ́ɡɑ́ mbɔ̌ pɔ́p.» Pɔ́Ꞌɔ lɑ́, ńcú mbɔ̌ ŋɡɑŋkẅíꞋlɛ ŋɡɔ: «Lɔ sɛ́, ńtíi pɑ́ŋtɛ wu, ńdɔk ŋ́ɡʉ nɛ́ njɛ́Ꞌ ɡu.»

Jɑ̂ŋ 9:39

Yɛ́su ńcú ŋɡɔ: «Ŋ kɑ tɔ́ ndǔ yɔ mbí nɛŋɑk, nɛpɔ́ yi pʉɔ pinɛ pɔ́p sɛ́ ńjʉ́ɔ zʉꞋ ɡʉ ḿbɔ́ ńtsʉ́Ꞌ pɛfʉ, pɛfʉ jʉ́ɔ zʉꞋ.»

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.