Jɑ̂ŋ 4:9 - Kɑɑ Fí

⁹ Mɑŋɡɛ́-Sɑmɑlîi cú mbɔ̌ Yɛ́su ŋɡɔ: «Ɔ ŋu-Pɑyúdɑ, ḿbɛn ńdɔ́ɔ ŋki nɔ́nɛ mbɔ̌ mɔ mɑŋɡɛ́-Sɑmɑlîi ɔɔ?» A kɑ pɔ́ ńcú pɔ́Ꞌɔ, mbíꞋŋɡɔ pɑyúdɑ pɔ́p Pɑsɑmɑlîi ŋkɑɑ ḿbɔ́ ńzúꞋnɛ pɔ́.

Jɑ̂ŋ 4:9 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 10:28

A cú mbɔ̌ pɔ́p ŋɡɔ: «Pʉʉ sɛ́ ńjí yʉ́ʉ ŋɡɔ nɛpʉ́ʉ-pɑyúdɑ tɔꞋ ŋu wɔp nɛpɔ́ súu-ŋu ẅi ɑ kɑ́ pɔ́ ŋu-Yúdɑ pɔ́. Tɛ ḿbʉ́ʉ mbɑ wɛ́ nɛkúu ndɑ́ yɛ́. Lɑ́, Sɛ́ kɑ nyɛt wɑ́ɑ nɛ́ yɛcɔ́ yúu. A kɑ nyɛt wɑ́ɑ ŋɡɔ ŋ kɑ́ ɡẅɛɛ nɛkʉ́ʉnɛ wɛcɔ́ ŋu ŋɡɔ ɑ kɑ́ pɔ́ ŋu-Sɛ́ pɔ́ ńdɔk ńcú ŋɡɔ ɑ ɡẅɛɛ lɔ́Ꞌ mbi Sɛ́ pɔ́.

Jɑ̂ŋ 8:48

Pɑyúdɑ cú mbɔ̌ Yɛ́su ŋɡɔ: «pɛk lɑɑ ɛ́fúŋ wú ŋɡɔ ŋu-Sɑmɑlîi, mbɔ pɛk kɑ́ ɛ́fɑɑnɛ pɔ́. Mbɑ nɛcú ŋɡɔ zẅikŋɛ kɛpɔŋ nǔu wu.»

Mɑtʉ̈ɔ 10:5

Yɛ́su ɡɔ́ ńtúu ɡɑŋntúu pɔnɛ ntsɔ̌ppɑ́ nɛ́ nɛɡɛ́m, ńcú mbɔ̌ pɔ́p ŋɡɔ: Kɔɔ pʉʉ ɡʉ tsɛt mɛlɑ́Ꞌ pʉɔ pínɛ pɔ́p kɑ́ pɔ́ Pɑyúdɑ pɔ́, kɔɔ pʉʉ kúu tsɛt mɛtʉ́sɔŋ Pɑsɑmɑlii.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

Jɑ̂ŋ 4:27

Yɛ́su pɔ́ ńcú pɔ́Ꞌɔ, ɡɑŋku pɛ́ tɔ́, ńjʉ́ɔ pɔ́p mɑŋɡɛ́ ɛ̂wɑ́ pɔ́ ɛ́sẅíŋɛ, ɛ́ kʉꞋnɛ wɔ́p tɛꞋ. Lɑ́, sɑ̌ɑ ŋu wɔp kɛ́ mbɔɔ kuꞋ nɛpíkŋɛ wɛ́ ŋɡɔ ɛ́ nu kʉ̈ɔ́ ɔɔ pɔ́, kɛ nɛcú ŋɡɔ pɔ́pmɛ sẅiŋɛ kʉ̈ɔ́ ɔɔ pɔ́.

Lúkɑ́shi 10:33

Lɑ́, wɛcɔ́ ŋu-Sɑmɑlîi pɔ́ ŋ́ɡʉ nɛ́ nɛnɛn, ŋ́ɡʉ tɛ ŋ́kúu zúꞋu, ńjʉ́ɔ wɛ́, mɛjʉ́ŋ mɛ́ kɔ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 10:32

Túu pʉɔ, pɔ́p ɡʉ Jɔp, ŋ́ɡɛ Símɔ̂ŋ ẅi pɛ́ pɛnnɛ ɛ́fúŋ wɛ́ ŋɡɔ Pyɛ̂ tɔ́. A tswɛ́ ndɑ́-Simɔ̂ŋ ẅí yɛ́ fɑꞋ nɛniitɛ mɛŋɡup-mɛyúumɛku, ndɑ́ ɛ̂yɑ́ pɔ́ mbʉʉ ŋki kɛ́ ndẅiklɛ.