Jɑ̂ŋ 4:6 - Kɑɑ Fí

⁶ Ŋki túŋnɛ ẅi pɛ́ kɑ pɔ́ ɛ́fúŋ nɛ́ ŋki-Yɑkɔ̂p pɔ́ zúꞋu. Yɛ́su ɡɔ́ ŋ́kúu zúꞋu, tẅɛp tsʉ́Ꞌ ŋ́kuꞋ kuꞋnɛ, mbɔ ɑ nɛn tɛ ŋ́kɑ́ɑ, ŋ́kɔkŋɛ ńnɑ́ŋ sɛ́ mbʉʉ-ŋki ɛ̂wɑ́.

Jɑ̂ŋ 4:6 Referans Kwoze

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Mɑtʉ̈ɔ 8:24

Ḿbɔ́ ŋ́ɡʉ, ɛ́ ɡɔ́ ḿbɔ́ yɛcɔ́ ŋkɑ́ mɑ́mɑ́ fɛ́m vu ndǔ ŋki, ńzɛ nɛtsʉꞌnɛ ńtíi ŋki tíinɛ tɛ ɛ́ tsʉꞋ ńdɔɔ pɔ nɛkẅíipɛ kɑnúꞋ. Ɛ́ ɡɔ ḿbɔ́ Yɛ́su pɔ́ ńdɛ́.

Mɑtʉ̈ɔ 27:45

Tẅɛp kɑ pɔ́ tɛ ŋ́kuꞋ, zʉꞋ tsʉʉ ndǔ ŋɡɔŋ puu sʉ́ʉ, tɛ ńdɑ́Ꞌ ŋ́kúu nǔu nɛm yɛ́tɑ́t mbɔ́tnjí.

Mɑtʉ̈ɔ 4:2

A nɑ́ŋ zúꞋu lɛ́Ꞌlɑ́Ꞌ mɛɡɛ́mɛ́nɛ́kwɑ kɛ́ kwɛ́t yúu tɛ njí zɑ́ŋ wɛ́.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

Jɑ̂ŋ 11:9

Yɛ́su cú ŋɡɔ: «Tɑ́Ꞌ lɛ́Ꞌlɑ́Ꞌ kɑ́ ɡẅɛɛ nɛm ntsɔ̌ppɑ́ nɛ́ nɛɡɛ́m pɔ́ ɔɔ? Ŋu lɑɑ ńnɛn nɛnɛm, mbɔ ɑ kɛ́ kɔɔtɛ pɔ́, mbíꞋŋɡɔ kyɛꞌ njí sɛ́ ŋ́ɡɛ pɛ́ jʉ́ɔ zʉꞋ.

Lúkɑ́shi 9:58

Yɛ́su tsɔ́Ꞌ mbɔ̌ wɛ́ ŋɡɔ: «Pɛndǔm ɡẅɛɛ mɛmbʉ́ nɛlɛ́ zúꞋu, pɛshʉ́ŋ pɛn ŋ́ɡẅɛɛ mɛŋkɑɑ mɔ́p, lɑ́ mɔ́ɔ-ŋu kɑ́ ɡẅɛɛ zʉꞋ yi ḿbɔ́ ɑ zẅiitɛ zúꞋu pɔ́.»

Lúkɑ́shi 2:7

A pí mɔ́ɔ nɛtú wɛ, ɑ pɔ́ mɔ́ɔ mbɛ́ɛnɛ. A lɔk yúu-ndẅí ŋ́kɑ́tɛ wɛ́, ńníꞋ tsɛt ŋkɔp-yúujʉ́-mɛyúumɛku, mbɔ pɔ́p lɑ́Ꞌ ńjɑ́k yɔ́p zʉꞋ nɛlɛ́ tsɛt ndɑ́-pɛɡʉʉ.

Jɑ̂ŋ 4:5

A ɡʉ tɛ ŋ́kúu tsɛt yɛcɔ́ tʉ́sɔŋ-pɑsɑmɑlîi, ẅi pɛ́ fúŋnɛ ŋɡɔ Sikɑɑ, ɛ́ pɔ́ mbʉʉ ŋkɑ́Ꞌ ẅi Yɑkɔ̂p kɑ ɡɑ́nɛ mbɔ̌ mɔ́ɔ nɛ Yɔsɛ̂p.

Jɑ̂ŋ 4:7

Wɛcɔ́ mɑŋɡɛ́-sɑmɑlîi tɔ́ nɛtúꞋ ŋki, Yɛ́su cú mbɔ̌ yɛ́ ŋɡɔ: «Sɛ́sẅíi, ɡɑ́ ŋki n nɔ́.»

Jɑ̂ŋ 4:12

Ńjí ŋɡɔ ɔ tsɑ tɑ̌ɑ wɛk Yɑkɔ̂p ẅí ɑ kɑ ɡɑ́nɛ wɔ ŋki túŋnɛ mbɔ̌ pɛk kɛkʉ̈ɔ́? Ŋ́ɡɔ́ ŋ́ɡɑ́, ńzɛɛ ńnɔ́ wɛ́, mbɔ́ŋkʉ̈ɔ́ pɛ́ pɔ́p mɛyúumɛku pɛn ńnɔ́ wɔ́p.»