Jɑ̂ŋ 4:46 - Kɑɑ Fí

⁴⁶ A pɛn tɛ ŋ́kúu Kɑ́nɑ pɔ́p Ŋɡɑlilɛɛ, ɛ́ pɔ́ tʉ́sɔŋ yi ɑ kɑ shɔtnɛ ŋki zúꞋu ńdɔk ŋ́ɡɛ mɛluꞋ lɑ́. Wɛcɔ́ ndʉ́m tsɛt fɑꞋ-ŋɡɔ́mɛnɑɑ pɔ́ tʉ́sɔŋ-Kɑpɛɛnɑwúm, mɔ́ɔ nɛ pɔ́ ŋ́ɡɔɔ.

Jɑ̂ŋ 4:46 Referans Kwoze

Lúkɑ́shi 8:42

ŋɡɔ ndɑꞋ mɔ́ɔ nɛ wɛ́mɔ́Ꞌ tsʉ́Ꞌ ḿpfú pfúnɛ. Ḿbɔ́ mɔ́ɔ mɑŋɡɛ́, tɛ ŋ́ɡẅɛɛ ŋɡuꞋ ntsɔ̌ppɑ́. Yɛ́su zúꞋ pɔ́Ꞌɔ, ńdɔ sɛ́ pɔ́pmɛ́ ɡʉ. Ḿbɔ́ ŋ́ɡʉ pɔ́Ꞌɔ, lɑ́Ꞌ zɑ́ɑ nzʉʉ yɛ, ńtíi wɛ́, ńtík sɔŋ tɛ zʉꞋ tsʉꞋ kʉ́ʉpɛ kʉ́ʉpɛ́nɛ.

Lúkɑ́shi 7:2

Wɛcɔ́ tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ pɔ́ tʉ́sɔŋ ɛ̂wɑ́, ŋ́ɡẅɛɛ ŋkwɑɑ wɛ, ŋ́kɔŋ wɛ́ tɛꞋ. Ŋkwɑɑ wɛ ɛ̂wɑ́ pɔ́, mbɔ ɑ vu ɡɔɔ, ńtsʉ́Ꞌ ḿpfú pfúnɛ.

Mɑtʉ̈ɔ 15:22

ŋ́kúu zúꞋu, wɛcɔ́ mɑŋɡɛ́ Kɑ̌nɑhɑ̂n fú zúꞋu ńtɔ́, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ, ŋu nǔu njẅɛt-fɔɔ Ndɑvît! Tsɑ́ɑ mɛjʉ́ŋ mɑ́ɑ zẅikŋɛ kɛpɔŋ sɛ́ ŋ́ɡɑ́ɑnɛ mɔ́ɔ wɑɑ wɛ mɑŋɡɛ́ tɛꞋ.»

Mɑtʉ̈ɔ 9:18

Yɛ́su pɔ́ ńcú nu mbɔ̌ pɔ́p pɔ́Ꞌɔ, wɛcɔ́ ŋkɛ́m tɔ́, ńnɔɔ mɛku wɛ́ ńcú ŋɡɔ: «Mɔ́ɔ wɑɑ wɛ mɑŋɡɛ́ pɛ́t ḿpfú pɔ ŋkɔ̂ɔnɛ, lɑ́ tɔ́ ńzɑ́p pɔ́ yú nǔu wɛ́ ɑ ɡɔ́ɔ ńduk.»

Jɑ̂ŋ 21:2

Pɛcɔ́ ɡɑŋku-Yɛ́su kɑ tɛmtɛ ńcúꞋlɛ tɑ́Ꞌ zʉꞋ. Yɔ kɑ pɔ́ Símɔ̂ŋ Pyɛ̂, nɛ́ Tɔmɑ́shi mɔ́ɔnɛfɑ́k, ŋ́ɡɛ Nɑtɑnɑyɛ̂l mɔ́ɔ-tʉ́sɔŋ-Kɑnɑ tsɛt pɑk-ŋɡɔŋ-Ŋɡɑlilɛɛ, nɛ́ mbɔ́ŋkʉ̈ɔ́ Zɛbɛdɛ̂, mbɑ pɛcɔ́ ɡɑŋku-Yɛ́su pɛ́pɑ́.

Mɑtʉ̈ɔ 4:13

ŋ́kúu Nɑ̌ɑzɑlɛt ŋ́ɡɛ ḿbɛn ŋ́ɡʉ ńtsʉ́Ꞌ ńnɑ́ŋ pɔ Kɑpɛɛnɑwûm. Ɛ́ pɔ́ tʉ́sɔŋ ḿbɔ́ mbʉʉ nɛkʉŋ-ŋki-Ŋɡɑlilɛɛ, lɑ́Ꞌ yi Zɑbulɔŋ pɔ́p Nɛftɑlî tʉ̈ɔ́tɛ́nɛ wɛ́ ńníꞋ sɔŋ.

Lúkɑ́shi 4:23

Yɛ́su pʉ̈ɔt mbɔ̌ pɔ́p ŋɡɔ: «Pʉʉ ɡʉ ŋ́ɡẅɛɛ kwɑŋɛ-sɑknɛkɛt nɛcú ŋɡɔ: Ŋɡɛmɛfu zɔŋ tú mbʉʉ yu! Pɛk zúꞋ ndɑɑkɑ́jʉ́ɔ mɛnu ɔ ŋ́ɡɛnɛ Kɑpɛɛnɑwûm, pɛn ŋ́ɡɛ zɑꞋnɛ lɑ́Ꞌ pʉʉ lɑ́.»

Jɑ̂ŋ 2:12

Yɔ nu lɛɛ, Yɛ́su pɔ́p mɑ́ wɛ, pɔ́p pɔ́ɔpɛ́mɑ́ pɛ́, ŋ́ɡɛ ɡɑŋku pɛ́, ɡʉ nɛ́ tʉ́sɔŋ-Kɑpɛɛnɑwúm, ŋ́kúu zúꞋu, ńnɑ́ŋ pɔ mɛcɔ́ mɛlɛ́Ꞌ.