Jɑ̂ŋ 4:42 - Kɑɑ Fí

⁴² Ḿbɔ́ ńcú mbɔ̌ mɑŋɡɛ́ ɛ̂wɑ́ ŋɡɔ: «Pɛk kɑ́ pɛ́t ńzɑ́p tʉ́m nǔu Yɛ́su ntɛ́ pɔ sẅiŋɛ yú ndɑꞋ pɔ́, pɛk zɑ́p tʉ́m nǔu wɛ́ ŋkɔ̂ɔnɛ, mbíꞌŋɡɔ pɛk yɛ́k tsuŋ ńzúꞋ sẅiŋɛ yɛ́, lɑ ńjí ŋɡɔ ɑ ŋu ẅí ɑ ɡʉ ŋ́ɡɛ pʉɔmɛsɔŋ pínɛ pɔ́p ndǔmbí luk.»

Jɑ̂ŋ 4:42 Referans Kwoze

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Jɑ̂ŋ 1:29

Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»

1 Timɔtɛ́ɛ 4:10

Yɔ yúu mi ɛ́ ɡɛnɛ pɛk fɑꞋ fɑꞋ-Sɛ́ tɛ ŋ́kíɛ ziꞋnɛ, ḿmɑꞋ ntsɔ. Pɛk fɑꞋ, ḿbɔ́ ńzẅíꞋlɛ mbɑ kʉ̈ɔ́ lɑ́ pɔ mbɔ̌ Sɛ́ ẅi ɑ ntʉʉ. Jʉ́ ɡɛnɛ pɑ́Ꞌ pʉɔmɛsɔŋ tsʉʉ ɡʉ ńduk, lɑ́ ŋu kɛ́ ŋ́ɡɔ́ ńduk, ɛ́fú pɔ nǔu pɑ́Ꞌ ɑ zɑ́pnɛ tʉ́m nǔu Yɛ́su.

2 Kɔlɛ̂ŋtɛ 5:19

Sɛ́ kɑ zɛɛ ḿbɔ́ ŋ́ɡɑ́ Kɛlístɔ, ḿbɔ́ ḿmik mbuu yí pɔ́p pʉɔmɛsɔŋ ndǔmbí ɡẅɛɛnɛ, pɔ́Ꞌɔ, kɛ́ pɛn sɑ́ŋ mɛnu kɛpɔŋ mɔ́p, ŋ́ɡɛ ńdẅiklɛ sẅiŋɛ lɔk ḿmik mbuu mbɔ̌ pɛk.

ŊwɑꞋnɛ-Gɑŋntúu Yɛ́su Kɛlístɔ 4:12

«Pʉɔ kɛ́ ŋ́ɡẅɛɛ nɛlɛɛ pɔ nǔu Yɛ́su lɑ́ ńduk, mbíꞌŋɡɔ wɛcɔ́ ŋu ndɛꞋ kɑ́ pɔ́ ndǔ yɔ mbí ḿbɔ́ ẅi Sɛ́ kɑ ńzɑ́pnɛ wɛ́ nɛpɔ́ yi pɛkŋɛ ɡʉ ńdɛɛ nǔu wɛ́ ńduk pɔ́.»

Jɑ̂ŋ 17:8

Ŋ kɑ kɛ́ ńcú mɛnu tsʉʉ mí ɔ kɑ níꞋnɛ mbɔ̌ mɔ mbɔ̌ pɔ́p, pɔ́p pɛ́m, ńtsuŋ ńjí ŋɡɔ ɛ fú nɛjɔ́ŋ ɡu, ḿbɛn ńjí ŋɡɔ ɡu kɑ túunɛ wɑ́ɑ.

Jɑ̂ŋ 4:29

«Pʉʉ tɔ́ ńjʉ́ɔ wɛcɔ́ ŋu ẅí ɑ sẅíinɛ wɑ́ɑ nɛ́ mɛnu tsʉʉ mí ŋ kɑ ɡɛnɛ. Tɛ ɑ kɑ́ pɔ́ pɔ Nzɑ́Ꞌŋkʉ ẅi Sɛ́ kɑ kɑꞋnɛ pɔ́ ɔɔ?»

Lúkɑ́shi 2:32

Ɛ́ pɔ́ kyɛꞌ yi ɛ́ ɡʉ ŋ́ɡɛ pɛ́ jí wú zʉꞋ tsʉʉ. Pɔ́Ꞌɔ, ɔ lɔk ŋ́ɡɑ́ ɡúꞋlɛ mbɔ̌ Íslɑɛ̂l, lɑ́Ꞌ yú.»

Jɑ̂ŋ 11:17

Yɛ́su ɡʉ tɛ ŋ́kúu zúꞋu, ńjʉ́ɔ, mbɔ Lɑzɑ̂ɑ nɔɔ tsɛt nɛshi lɛ́Ꞌ pɛ́nɛ́kwɑ.

Mɑtʉ̈ɔ 1:21

A ɡʉ ńtɑ́ɑ ḿbí mɔ́ɔ mbɛ́ɛnɛ, ɔ cẅi lík yɛ́ ŋɡɔ Yɛ́su, ńdɔk ńcú ŋɡɔ ɛ́fúŋ wɛ́ pɔ́Ꞌɔ, mbíꞋŋɡɔ jʉ́ ɡʉnɛ ŋ́ɡɛ pʉɔ-lɑ́Ꞌ pɔ́p luk ndɔɔ-mɛnu kɛpɔŋ mɔ́p. Yɛ́su lɔk ńcú ŋɡɔ luk.»

Jɑ̂ŋ 4:41

Pʉɔ pɛn ŋ́kẅiꞋ ńzɑ́p tʉ́m nǔu wɛ́ tɛ ńzɑ́ɑ, ntɛ́ sẅiŋɛ yɛ́.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

ŊwɑꞋnɛ-Gɑŋntúu Yɛ́su Kɛlístɔ 13:23

Sɛ́ pɛn ŋ́ɡʉ nǔu njẅɛtndɑ́-fɔɔ Ndɑvît, ŋ́ɡɛ pɛ́ pí Nzɑ́Ꞌŋkʉ pɑ́Ꞌ ɑ kɑ kɑꞋnɛ, ŋɡɑŋ pɔ́ Yɛ́su.

1 Jɑ̂ŋ 2:2

A kɑ zɛɛ ńdɔk tú yɛ́, ńnɔŋ pɔꞋ pɑ́Ꞌ ɛ́ lɑɑ ḿbɔ́ Sɛ́ likŋɛ mɛnu kɛpɔŋ mɛkŋɛ. Pɑ́Ꞌ ɛ́ lɑɑ ḿbɔ́ ɑ pɔɔ likŋɛ pɔ ndɑꞋ mɛkŋɛ pɔ́, pɑ́Ꞌ mbɔ ɑ pɛn ńdikŋɛ mɛ́ pʉɔmɛsɔŋ tsʉʉ ndǔmbí.