Jɑ̂ŋ 3:6 - Kɑɑ Fí

⁶ Ŋu ẅí ŋu mbɛ́ɛnɛ pɔ́p mɑŋɡɛ́ pínɛ wɛ́, ɑ pɔ́ pɔ ŋumɛsɔŋ, ŋu ẅí Zẅikŋɛ Lɛ́ɛnɛ́nɛ pínɛ wɛ́, ɑ ŋu-Zẅikŋɛ Lɛ́ɛnɛ́nɛ.»

Jɑ̂ŋ 3:6 Referans Kwoze

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

1 Jɑ̂ŋ 3:9

Mbɑ wɔ̌ lɑ́ ẅi ɑ piitɛ́nɛ tɛ ńtsʉ́Ꞌ mɔ́ɔ Sɛ́, ɑ kɑ́ pɛn ńnɑ́ŋ ŋ́ɡɛ nu kɛpɔŋ pɔ́, mbíꞋŋɡɔ luk yi ɛ́ fúnɛ nǔu Sɛ́ ɛ́ nǔu wɛ́ ḿbɔ́ pɑ́Ꞌ mbiyúu lɑ́. A kɑ́ pɛn ŋ́kuꞋ nɛɡɛ nu kɛpɔŋ pɔ́, mbíꞋŋɡɔ ɑ mɔ́ɔ-Sɛ́.

1 Kɔlɛ̂ŋtɛ 6:17

Lɑ́, ŋu ẅí ɑ lɑtnɛ yɛ́ mbʉʉ pɔ nǔu Tsɑpʉɔ, pɔ́pnɛ́ tsʉ́Ꞌ ŋ́ɡẅɛɛ pɔ tɑ́Ꞌ Zẅikŋɛ.

Pʉɔ-Lɔ́mɑ 7:18

Mɔ sɛ́ ńjí ŋɡɔ nu sʉ́Ꞌnɛ ŋkɑɑnɛ wɑ́ɑ jʉ́, n dɑꞋ mɔ ŋumɛsɔŋ ẅi n zɑŋɛ zɑŋɛ́nɛ. N tsɑ́ɑ nɛɡɛ nu sʉ́Ꞌnɛ ŋkɑ́ tsʉʉ lɑ́ ŋ́kɛ́ mbɔɔ kuꞋ nɛɡɛ pɔ́.

Pʉɔ-Lɔ́mɑ 8:13

Pʉʉ lɑɑ ńnɑ́ŋ nǔu ntɛ́ yi mbʉʉ yʉʉ sɛ́ ɛ́sẅíi wʉ́ʉ, mbɔ pʉʉ ɡʉ ḿpfútɛ, lɑ́ ŋ́kɛ́ ḿbɔ́ yi pʉʉ lɑɑ ńdɔk mɛtʉʉ-Zẅikŋɛ-Sɛ́ ḿbík mɑt kɛpɔŋ ẅi ɛ́ fúnɛ nǔu mbʉʉ, mbɔ pʉʉ ɡʉ ḿbɔ́ ɡú.

Ɛ́fɛ̂zɛ 2:3

Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

Kɔlɔsíyɛ̂ŋ 2:11

Pʉʉ pɛ Kɛlístɔ kɑ pɔ́ tɛ ńtɛmtɛ, Sɛ́ ɡɛ lii nǔu pʉʉ. Ɛ́ pɔ́ yi ɛ́ nyɛtnɛ ŋɡɔ pʉʉ pʉɔ pɛ́. A kɑ pɔ́ yɛcɔ́ ŋkɑ́ ńcú mbɔ̌ pɑyúdɑ ŋɡɔ pɔ́p ɡɛ pɛ́ púꞋ wɔ́p, ɛ́ pɔ́ lii, lɑ́ ɛ́ kɛ́ ŋ́ɡʉ nǔu pʉʉ, mbɔ lii yi ɑ ɡɛnɛ nǔu pʉʉ, ɛ́ kɑ́ pɔ́ ɛ́fú mbɔ̌ pʉɔmɛsɔŋ pɔ́, ɛ́ fú pɔ mbɔ̌ Kɛlístɔ. Ńdɔk ńcẅɛɛtɛ nu kɛpɔŋ yi ɛ́ ḿbɔ́nɛ mbʉʉ pʉʉ.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Jɑ̂ŋ 1:13

Nɛpɔ́ pʉɔ-Sɛ́, pɔɔ pɔ́ nǔu nɛkɔŋ wɛ ŋumɛsɔŋ pɔ́. Nɛpɔ́ pʉɔ-Sɛ́, Sɛ́ kɔŋnɛ yîyɑ́ ntɛ́ nɛpí.

Pʉɔ-Lɔ́mɑ 7:5

Ɛ́ kɑ zɛɛ ḿbɔ́ ŋkɑ́ yi mbʉʉ yɛkŋɛ kɑ pɛ́tnɛ ɛ́sɑ́Ꞌ wɛkŋɛ, nɛtsɑ́ɑ nɛɡɛ nu yi ɛ́ kɑ́ pɔŋ pʉ́Ꞌtɛ mbʉʉ yɛkŋɛ, mbíꞋŋɡɔ nɛpʉ́ʉ tɔꞋ, ḿbɛn ŋ́kẅiꞋ ḿbʉ́Ꞌtɛ wɛkŋɛ, pɛkŋɛ fɑꞋ pɔ mɛfɑꞋ mi ɛ́ ɡʉ ɛ́fúŋ pɔ nɛvú ńníꞋ nǔu pɛkŋɛ.

Pʉɔ-Lɔ́mɑ 7:25

Sɛ́ ɡʉnɛ ńtɔ́ tsɛtú ńcẅɛɛtɛ wɑ́ɑ. Ńdɛɛtɛ nǔu Tsɑpʉɔ wɛkŋɛ Yɛ́su Kɛlístɔ, ɡúꞌlɛ pɔ́ mbɔ̌ wɛ́. Ɛ́ pɔ́Ꞌɔ, jínu yɑ́ɑ pɔ́ ɛ́sẅíi wɑ́ɑ ŋɡɔ mɔ ɡẅɛɛnɛ nɛpʉ́ʉ-Sɛ́, lɑ́ mbɑp-mbʉʉ-ŋumɛsɔŋ yi ŋ ɡẅɛɛnɛ pɔ́ ńtsʉ́ʉnɛ wɑ́ɑ ŋ kúꞋlɛ pɔ nɛpʉ́ʉ-nu kɛpɔŋ.

Jɑ̂ŋ 3:7

Pɑ́ɑ nɛmɑɑ pɑ́Ꞌ n cúnɛ mbɔ̌ ɡu ŋɡɔ pɛ́ ɡẅɛɛ nɛpɛn ḿbí wʉ́ʉ fí fí.