Jɑ̂ŋ 3:35 - Kɑɑ Fí

³⁵ Tɑ̌ɑ Sɛ́ kɔŋ Mɔ́ɔ nɛ, mbɔ ɑ kɑ níꞋ yúu tsʉʉ nǔu lɑ́ɑpɔ́-Mɔ́ɔ nɛ.

Jɑ̂ŋ 3:35 Referans Kwoze

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Jɑ̂ŋ 5:22

Sɛ́ Tɑ́t, lɔ̌ɔ ńzɑ́Ꞌ ntsɑŋ ŋu pɔ́, ɑ kɑ nɑ́ yîyɑ́ zʉꞋ mbɔ̌ Mɔ́ɔ nɛ.

Jɑ̂ŋ 5:20

MbíꞋŋɡɔ Tɑ̌ɑ kɔŋ Mɔ́ɔ tɛꞋ, ńnyɛt wɛ́ nɛ́ mbɑ kʉ̈ɔ́ lɑ́ yi ɑ ɡɛnɛ. A pɛn ḿbɔ́ ŋ́ɡʉ ńnyɛt wɛ́ nɛ́ yúu mi ɛ́ ɡúꞋnɛ tɛ pʉʉ jʉ́ɔ ɛ́ tsuŋ ŋ́kʉꞋnɛ wʉ́ʉ.

Lúkɑ́shi 10:22

Yɛ́su pɛn ńcú ŋɡɔ: «Tɑ̌ɑ mɔ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ. Mbɔ wɛcɔ́ ŋu pɔɔ jí mɔ́ɔ pɔ́, ńdíꞋ ńdɑ́Ꞌ tɑ́t jínɛ wɛ́. Ŋu kɛ́ ḿbɔɔ Tɑ́t jí, ńdíꞋ ńdɑ́Ꞌ mɔ́ɔ nɛjí wɛ́, ḿbɛn ŋ́ɡɛ ŋu ẅi mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.»

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Ɛ́fɛ̂zɛ 1:22

Sɛ́ kɑ níꞋ yúu tsʉʉ mbɔ̌ wɛ́. Sɛ́ kɑ pɔ́ tɛ ńníꞋ kʉ̈ɔ́ lɑ́ nǔu mbɔ́ mɛ́, ŋ́ɡɛ ɑ pɔ́ mbɔ̌ cúꞋlɛ-pʉɔ Sɛ́, ḿbɔ́ tú, nɛpɔ́ yi pʉɔ-cúꞋlɛ ɡʉ ḿbɔ́ ńzúꞋ ntsu wɛ́.

Jɑ̂ŋ 13:3

Yɛ́su pɔ́ ńjí ŋɡɔ Tɑ́t wɛ kɑ níꞋ mɛtʉʉ nɛlɔk ŋ́ɡɛ yúu tsʉʉ mbɔ̌ wɛ́, ḿbɛn ḿbɔ́ ńjí ŋɡɔ ɑ kɑ fú mbɔ̌ Sɛ́, ɑ pɛn ḿbɔ́ ŋ́ɡʉ nɛ́ nɛjɔ́ŋ Sɛ́.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

1 Kɔlɛ̂ŋtɛ 15:27

Ɛ́ zɛɛ ḿbɔ́ tsɛt ŋwɑꞋnɛ-Sɛ́, Sɛ́ cú ŋɡɔ: «A lɔk mbɑ kʉ̈ɔ́ lɑ́ ŋ́ɡɛ ntíknɛ mɛku-Kɛlístɔ». Sɛ́ cú pɔ́Ꞌɔ, pɑ́Ꞌɑ, ɛ́ pɔɔ ńdɔk ḿbɔ́ ŋɡɔ jʉ́ Sɛ́ ɡʉ ńdɑ́Ꞌ ḿbɔ́ nǔu mbɔ́-Kɛlístɔ pɔ́, mbíꞋŋɡɔ Sɛ́ zɛɛnɛ ŋ́ɡɑ́ mɛtʉʉ mbɔ̌ Kɛlístɔ lɑ ɑ lɔk ɛ́sɑ́Ꞌ mbɑ kʉ̈ɔ́ lɑ́.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

Jɑ̂ŋ 15:9

«Pɑ́Ꞌ Tɑ̌ɑ mɔ kɔŋnɛ wɑ́ɑ lɑ́, mbɑ mɔ yɑ́ɑ, ŋ kɔŋ wʉ́ʉ. Pʉʉ lɑt mbʉʉ yʉʉ nǔu mɔ nǔu ntɛ́ yi ŋ ɡʉ ŋ́kɛ́ ḿbɔ́ ŋ́kɔŋ wʉ́ʉ kɔŋnɛ.»

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»