Jɑ̂ŋ 3:34 - Kɑɑ Fí

³⁴ Ŋu ẅí Sɛ́ túunɛ wɛ́, ɑ cú mɛnu mí ɛ́ fúnɛ mbɔ̌ Sɛ́, mbíꞋŋɡɔ Sɛ́ ɡɑ́ Zẅikŋɛ yɛ́ mbɔ̌ wɛ́ kɛ́ ndẅiklɛ.

Jɑ̂ŋ 3:34 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

Jɑ̂ŋ 15:26

«Ncẅɛ́ɛntɑ́ŋ ẅi ŋ ɡʉ ŋ́ɡɛ ɛ́fú nɛjɔ́ŋ Tɑ̌ɑ mɔ túu mbɔ̌ pʉʉ, ɛ́ zẅikŋɛ yí ɛ́ fúnɛ mbɔ̌ Tɑ̌ɑ mɔ, ɛ́ lɛꞋlɛ nu nɛ́nẅín nǔu Sɛ́. Jʉ́ ɡʉnɛ ŋ́ɡɛ ɛ́sẅíi nu yí ɑ jínɛ nǔu mɔ.»

Mɑtʉ̈ɔ 12:18

A kɑ cú ŋɡɔ: «Yɔ ŋɡɑŋfɑꞋ wɑɑ ẅí ŋ kɑ tsɔ́Ꞌnɛ. Ŋ kɔŋ wɛ́ tɛꞋ, jʉ́ ɡɛnɛ tʉ́m yɑ́ɑ tsɑ́ɑtɛ. Mɔ ŋ́ɡɛ ńníꞋ Zẅikŋɛ yɑ́ɑ nǔu wɛ́, ɑ ɡʉ ńnyɛt ntɛ́ nɛsɑ́Ꞌ lɑ́Ꞌ yi ɛ́ ndʉ́ŋndʉŋ mbɔ̌ mɛlɑ́Ꞌ mi ɛ́ kɑ́ pɔ́ pɑíslɑyɛ̂l pɔ́.

Kɔlɔsíyɛ̂ŋ 2:9

MbíꞋŋɡɔ kʉ̈ɔ́ lɑ́ yi ɛ́ nǔu Sɛ́ ɔɔ, pɛ́ jʉ́ɔ nǔu Kɛlístɔ.

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

Jɑ̂ŋ 7:16

Yɛ́su tsɔ́Ꞌ mbɔ̌ pɔ́p ŋɡɔ: «Yúu mi n zíꞋnɛ pʉɔ kɑ́ fú mbɔ̌ mɔ pɔ́, ɛ́ fú pɔ mbɔ̌ Sɛ́ ẅí ɑ kɑ túunɛ wɑ́ɑ.»

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 1:16

Ŋɡɑŋ kɑ kɛ́ ńtɔ́, ńdɔk pɑ́Ꞌ ɑ ɡẅɛɛnɛ pɔŋ tʉ́m, ŋ́ɡɑ́ fuꞋ níinɛ yɛkŋɛ pɛtsʉʉ tɛꞋ, ńcʉ ɛ́shɔtnɛ ńcʉ, mbíꞋŋɡɔ ɑ ɡẅɛɛ ŋkɔŋɛ tɛꞋ.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Jɑ̂ŋ 8:47

Ŋu ẅí ɑ ŋu-Sɛ́ ɑ zẅíꞋlɛ sẅíŋɛ-Sɛ́. Pʉʉ pɛn ḿbɔɔ ńzẅíꞋlɛ sẅiŋɛ yɑ́ɑ pɔ́, mbíꞋŋɡɔ pʉʉ kɑ́ pɔ́ pʉɔ-Sɛ́ pɔ́.

Mɛnu ɛ́ ńdɑ́Ꞌ ńcẅɛt 22:1

Cʉ̈ɔꞋ-Sɛ́ pɑ́ɑtɛ ńnyɛt wɑ́ɑ nɛ́ mí ẅi ɛ́ ŋki ẅí ɛ́ ɡɛnɛ pɛ́ pɔ́ ɡú, ɛ́ pɔ́ ɛ́síi pɑ́Ꞌ tɛ ńdɛɛ túkcí yi pɛ́ fúŋnɛ ŋɡɔ kɛlistɑl lɑ́, ɛ́ pɔ́ ɛ́fú nǔu kɔꞋ-nɛfɔɔ-Sɛ́ pɔ́p Mɔ́ɔ-Njinjɔ ńcẅɛt.

Jɑ̂ŋ 16:7

Lɑ́ ŋ kɛ́ ḿbɔ́ ɛ́sẅíi wʉ́ʉ pɑ́Ꞌnɛ pɔ nɛ́ nu nɛ́nẅín, ŋɡɔ ɛ́ nu sʉ́Ꞌnɛ mbɔ̌ pʉʉ ŋɡɔ ŋ ɡʉ. Ɛ́ mbíꞋŋɡɔ n dɑɑ mbɔɔ ɡʉ, mbɔ Ncẅɛ́ɛntɑ́ŋ wʉʉ kɛ́ tɔ́ ńtsɛ́t wʉ́ʉ pɔ́. Lɑ́ ŋ kɛ ḿbɔ́ tɛ ŋ́ɡʉ, mbɔ ŋ ɡʉ ńtɔ́ ńtúu wɛ́ ŋ́ɡɑ́ mbɔ̌ pʉʉ.

Mɛnu ɛ́ ńdɑ́Ꞌ ńcẅɛt 21:6

ḿbɛn ńcú mbɔ̌ mɔ ŋɡɔ: Ɛ́ kuꞋ. Mɔ, Alfɑ, ḿbɔ́ Ɔmɛŋɡɑ, ḿbɔ́ nduŋmbi, ḿbɔ́ ndẅiknzʉʉ, mɔ nzɛnɛ ḿbɔ́ ndẅiklɛ́nɛ ɡɑ́k-ŋu lɑɑ ḿbɔ́ ɛ́shí, mbɔ ŋ ɡʉ ŋ́ɡɑ́ ŋki ẅí ɛ́ ɡɛnɛ pɛ́ kɛ ḿbɔ́ pɔ ɡú mbɔ̌ wɛ́. Ẅîwɑ́ ŋki fú nǔu nɛsɑ́Ꞌ-ŋki nɑ́ɑ, ŋ ɡʉ ŋ́ɡɑ́ pɔ níinɛ.

Jɑ̂ŋ 8:40

Ɛ sẅíi wʉ́ʉ nɛ́ nu nɛ́nẅín yi ŋ kɑ zúꞋnɛ mbɔ̌ Sɛ́, pʉʉ pɛn ḿbɔ́ ŋkɔ̂ɔnɛ ḿbɔ́ ńdɔɔ nɛjẅí wɑ́ɑ, mbɑ Ábɛlɛhɑ̂m ŋkɑɑ pɔ́Ꞌɔ ɡɛ.

ŊwɑꞋnɛ-Gɑŋntúu Yɛ́su Kɛlístɔ 1:2

ŋ́ɡʉ ŋ́kúu nǔu lɛ́Ꞌ yi Sɛ́ ɡɛnɛ ɑ kɔ́Ꞌ nɛ́ tʉ́nɛ́pú. A kɑ ɡɔ́ ŋ́kɔ́Ꞌ, ńdɛɛ nǔu Zẅikŋɛ Lɛ́ɛnɛ́nɛ, ńdɛꞋlɛ yúu mi ɡɑŋntúu pi ɑ kɑ tsɔ́Ꞌnɛ ɡʉ ńtsʉ́Ꞌ ḿbɔ́ ŋ́ɡɛ.