Jɑ̂ŋ 3:31 - Kɑɑ Fí

³¹ Ŋu ẅí ɑ fúnɛ tʉ́nɛ́pú, ɑ lɛɛ pʉɔ pɛtsʉʉ. Ŋu ẅí ɑ ndǔ tsɛ́tsɑ́Ꞌ ɑ ŋu-tsɛ́tsɑ́Ꞌ, ḿbɛn ńcú nu pɔ nǔu mɛnu mí ɛ́ ndǔ tsɛ́tsɑ́Ꞌ. Lɑ́, ŋu ẅí ɑ fúnɛ tʉ́nɛ́pú ɑ lɛɛ pʉɔ tsʉʉ.

Jɑ̂ŋ 3:31 Referans Kwoze

Jɑ̂ŋ 8:23

A pɛn ńcú nɛ́ pɔ́p ŋɡɔ: «Ɛ́ ɡʉ nǔu pʉʉ, mbɔ pʉʉ pʉɔ-ndǔ tsɛ́tsɑ́Ꞌ, m bɔ́ ŋu tʉ́nɛ́pú. Pʉʉ pʉɔ ndǔ mbí, mɔ m bɔɔ ŋu yɔ mbí pɔ́.»

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Pʉɔ-Lɔ́mɑ 9:5

Pɛ́ mɑ̂ɑŋɡɑpnjẅɛt pɔ́p kɑ cẅɛt nǔu njẅɛt-Ábɛlɛhɑ̂m. Kɛlístɔ ẅi ɑ Sɛ́, kɑ cẅɛt yɛ́ nǔu yîyɑ́ njẅɛt, ŋkɑ́ yi pɛ́ kɑ pínɛ wɛ́ ɑ pɔ́ ŋumɛsɔŋ. A lɛɛ mbɑ kʉ̈ɔ́ lɑ́. Mbɔ́tnɛ pɔ́ nǔu wɛ́ mɛŋɡuꞋ mɛŋɡuꞋ. Ɛ́ pɔ́Ꞌɔ.

Jɑ̂ŋ 6:33

«MbíꞋŋɡɔ yúujʉ́ pi ɛ́ fúnɛ mbɔ̌ Sɛ́, ɑ ŋu ẅí ɑ fúnɛ tʉ́nɛ́pú ńcúŋ, ŋ́ɡɛ pʉɔmɛsɔŋ ndǔmbí ɡẅɛɛ kwɑꞋ luk.»

1 Jɑ̂ŋ 4:5

Pɑcẅi Ŋkʉʉ-Sɛ́ pɛ́ cɔtnu, pɔ́p nǔu ɡúŋ yɛ́ pʉɔ-ndǔmbí. Ɛ́ yúu mi ɛ́ ɡɛnɛ pɔ́p zíꞋ yúu ɛ́ pɔ́ pɔ yɛ́ ndǔmbí, pʉɔ-ndǔmbí pɛn ńzẅíꞋlɛ yɔ́p nu.

Jɑ̂ŋ 6:51

KwɑꞋ mɔ, mɔ yúujʉ́ yi ɛ́ kuꞋnɛ nɛɡɛ pɛ́ pɔ́ ɡú, ɛ́ yi ɛ́ fúnɛ tʉ́nɛ́pú ńcúŋ. Ŋu lɑɑ ńjʉ́ yîyɑ́ yúujʉ́, mbɔ ɑ ɡʉ ńdɑ́Ꞌ ḿbɔ́ pɔ ɡú mɛŋɡuꞋ mɛŋɡuꞋ. Yúujʉ́ yi ŋ ɡʉ ŋ́ɡɑ́, ɛ́ mbɑp-mbʉʉ yɑɑ. Ŋ ɡʉ ŋ́ɡɑ́ lɑ́ ɛ́ lɛɛ pɔ́Ꞌɔ, pʉɔmɛsɔŋ ndǔmbí pɔ́ ɡú.»

Mɛnu ɛ́ ńdɑ́Ꞌ ńcẅɛt 19:16

Mbɔ pɛ́ ŋwɑꞋnɛ yɛcɔ́ lík nǔu ndẅí-fɑ́k yɛ́, mbɑ nǔu ntɑ́ɑ wɛ́, ɛ́ pɔ́ ŋɡɔ: «Fɔɔ ńtsɑ pɛfɔɔ, mbɑ ŋɡɔ Tsɑpʉɔ pɛtsɑpʉɔ.»

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

Jɑ̂ŋ 1:27

Yɛ́ nu ɡʉ ḿbɑ́ɑtɛ yɑ́ɑ, n zɛ ḿbɔɔ kuꞋ nɛŋɔ́Ꞌnɛ sɛ́ ŋ́kíɛꞋ ŋkʉ-mɛtɑp mɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

Ɛ́bɛlʉʉ 9:1

Nduŋmbi kɑɑ kɑ ɡẅɛɛ yɛ́ ntɛ́ mɛndɛndɑ́k yi pɛ́ kɑ pɔ́ ńnɛn nǔu lɑ ńnɔŋ pɔꞋ. Pɛ́ kɑ pɛn ŋ́ɡẅɛɛ zʉꞋ yi pɛ́ nɔŋnɛ pɔꞋ-Sɛ́ zúꞋu, ɛ́ pɔ́ pɔ ndǔ tsɛ́tsɑ́Ꞌ.

Jɑ̂ŋ 1:30

A jʉ́ ẅi ŋ kɑ pɔ́ ɛ́sẅíi wʉ́ʉ lɑ́, pɑ́Ꞌ ŋ kɑ pɔ́ ńcú ŋɡɔ: «Ŋu ɑ nzʉʉ mɔ ḿbɔ́ ńtɔ́, ɑ lɛɛ wɑ́ɑ, mbíꞋŋɡɔ pɛ́ kɑ ɡɔ́ ḿbí wɑ́ɑ, ɑ pɔ́ pɔ ɡú.

Jɑ̂ŋ 1:15

Jɑ̂ŋ ɡɛ ńcú yúu mi ɑ jínɛ nǔu ŋu ɛ̂wɑ́, ńdɔk ŋɡi tɛnnɛ ŋɡɔ: «Yɑ́ ŋu ẅí ŋ kɑ pɔ́ ɛ́sẅíi wʉ́ʉ lɑ́, pɑ́Ꞌ ŋ kɑ pɔ́ ńcú ŋɡɔ: Ŋu nzʉʉ mɔ ḿbɔ́ ńtɔ́, ɑ lɛɛ wɑ́ɑ, mbíꞋŋɡɔ pɛ́ kɑ ɡɔ́ ḿbí wɑ́ɑ, ɑ pɔ́ pɔ ɡú.»

Jɑ̂ŋ 3:30

Ɛ́ sɛ́ ḿbíkŋɛ ŋɡɔ yɛ́ nu ɡɔ́ ŋ́kẅiꞋ ŋ́ɡʉ nɛ́ mbi, yɑ́ɑ pɔ́ ḿbɛn nɛ́ nzʉʉ.»