Jɑ̂ŋ 3:29 - Kɑɑ Fí

²⁹ Ŋu ẅí ɑ zɔ́Ꞌnɛ mɑŋɡɛ́ pɔ́nɛ ndúu-mɑŋɡɛ́. Súu-ndúu tʉ́ʉ nɛjɔ́ŋ ndúu, ɑ cú nu, ɑ zúꞋ ŋɡi yɛ, nu pɔŋ wɛ́ tɛꞋ. Mɔ sɛ́ ńtsɑ́ɑtɛ yɑ́ɑ pɔ pɔ́Ꞌɔ, ḿbɛn ńtsɑ́ɑtɛ tɛ ḿmik tʉ́m yɑ́ɑ.

Jɑ̂ŋ 3:29 Referans Kwoze

Mɑtʉ̈ɔ 9:15

Yɛ́su tsɔ́Ꞌ mbɔ̌ pɔ́p ŋɡɔ: «Tɛ ɛ́ lɑɑ ḿbɔ́ pɛ́ ɡʉ nɛlúŋ-ŋu, ɑ pɛ́t ńnɑ́ŋ nɑ́ŋnɛ pɛsúu pɛ́ pi pɛ́ lɑ́Ꞌnɛ ɛ́fúŋ nɑ́ŋ tsɛt nɛmʉk mɛlɑ́Ꞌ kʉ̈ɔ́? Lɑ́ pɛ́ ɡʉ ńdɑ́Ꞌ ɛ́fú mbɔ̌ pɔ́p yɛcɔ́ lɛ́Ꞌ ɛ́sɑꞋ wɛ́, pɔ́Ꞌɔ lɑ́, pɔ́p nɑ́ŋ nji ŋkɑ́ ɛ̂yɑ́.»

Mɛnu ɛ́ ńdɑ́Ꞌ ńcẅɛt 21:9

Wɛcɔ́ Cʉ̈ɔꞋ-Sɛ́ pɛn ńtɔ́ nɛjɔ́ŋ mɔ, ḿbɔ́ wɛcɔ́ tɑ́Ꞌ nǔu pɛcʉ̈ɔ́Ꞌ-Sɛ́ sɑɑmbɑ́ pi pɔ́p kɑ ɡẅɛɛnɛ mɛntúꞋ ɛ̂mɑ́ sɑɑmbɑ́, mɛlẅiknzʉʉ ŋɡʉ̈ɔ́Ꞌ sɑɑmbɑ́ pɔ́ tsɛtú tɛ ńdúu lɑ́, ńtɔ́ pɔ́Ꞌɔ, ńcú mbɔ̌ mɔ ŋɡɔ: «Tɔ́, Mɔ ńnyɛt wú nɛ́ nzwɛ́ŋɡʉʉ, nzwɛ́-mɔ́ɔ-Njinjɔ.»

Filipɛ 2:2

Pɑ́Ꞌ ɛ́ pɔ́Ꞌɔ lɑ́, pʉʉ ɡɛ n tsɑ́ɑtɛ nɛ́ tʉ́m yɑ́ɑ tsʉʉ, pʉʉ kɛ ḿbɔ́ ŋ́ɡẅɛɛ pɔ tɑ́Ꞌ kwɑŋɛ, ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m, ḿbɛn ŋ́ɡẅɛɛ pɔ tɑ́Ꞌ ntɛ́ nɛtsɑ́ɑ nu.

Jɑ̂ŋ 16:24

Lɑ́ ŋ́kúu ŋkɔ̂ɔnɛ, pʉʉ ŋkɑɑ zɛɛ ńdɔk lík yɑ́ɑ ńdɔ́ɔ yɛcɔ́ yúu mbɔ̌ Sɛ́ pɔ́. Pʉʉ lɔ́ɔ ɑ ɡɑ́ mbɔ̌ pʉʉ, tsɑ́ɑtɛ niitɛ ńdúu tsɛt tʉ́m yʉ́ʉ.

1 Jɑ̂ŋ 1:4

Pɛk ŋwɑꞋnɛ yɔ nu ŋ́ɡɑ́ mbɔ̌ pʉʉ, nɛpɔ́ yi yɛcɔ́ yúu kɛ́ ɡɛ ńjɑ́k nǔu yɛ́k tsɑ́ɑtɛ pɔ́.

2 Kɔlɛ̂ŋtɛ 11:2

Pʉʉ jí ŋɡɔ ŋ kɔŋ wʉ́ʉ tɛ ŋ kɑ́ pɛ́m ŋɡɔ ŋu ɡɔ́ ŋ́ɡɛ yúu nǔu pʉʉ m bɔ́ ńjʉ́ɔ pɔ́. Yîyɑ́ ntɛ́ ŋkɔŋɛ yi ŋ ɡẅɛɛnɛ nzʉʉ pʉʉ fú pɔ mbɔ̌ Sɛ́, mbíꞋŋɡɔ pʉʉ mbɔ̌ mɔ, ḿbɔ́ pɑ́Ꞌ mɔ́ɔ mɑŋɡɛ́ ẅi ŋ kɑ pʉ́nɛ mbɔ̌ tɑ́Ꞌ ŋu wɛ́mɔ́Ꞌ, ŋɡɑŋ pɔ́ Kɛlístɔ. Mɔ sɛ́ ńdɛꞋlɛ wʉ́ʉ mbɔ̌ wɛ́ ŋɡɔ pʉʉ pɑ́Ꞌ mɔ́ɔŋɡɔɔ ẅi ɑ kɑ́ tíi yɛcɔ́ lɔ́Ꞌ pɔ́.

Lúkɑ́shi 15:6

ńdɔk ḿbɛn tɛ ŋ́kúu njɛ́Ꞌ yɛ. Ŋ́kúu njɛ́Ꞌ yɛ pɔ́Ꞌɔ, ɛ́fúŋ pɛsúu pɛ́ mbɑ pɛtɑ̌ɑlɑ́Ꞌ pɛ́ ńcú mbɔ̌ pɔ́p ŋɡɔ: Pɛkŋɛ tsɑ́ɑtɛ mbíꞋŋɡɔ n jʉ́ɔ njinjɔ wɑɑ ẅi ɑ kɑ pɛ́nɛ lɑ́.

Mɑtʉ̈ɔ 25:1

Yɛ́su pɛn ńcú ŋɡɔ: «Pɔ́Ꞌɔ lɑ́, nu-nɛfɔɔ-Sɛ́ ɡʉ ńdɑ́Ꞌ ɛ́fí nu-pɔ́ɔŋɡɔɔ nɛɡɛ́m pi pɔ́p kɑ tíinɛ mɛkyɛꞋ mɔ́p, ŋ́ɡʉ nɛzɑ́Ꞌ ŋu mbɛ́ɛnɛ ẅí ɑ ɡʉ ńzɔ́Ꞌ.

2 Jɑ̂ŋ 1:12

Ŋ ɡẅɛɛ mɛnu tɛ ɛ́ zɑ́ɑ zɑ́ɑnɛ mi m bɔ́ ɛ́sẅíi wʉ́ʉ, lɑ́ n jʉ́ɔ ŋɡɔ ŋ kɛ́ ŋwɑꞋnɛ ŋwɑ́Ꞌnɛ́nɛ pɔ́, mbíꞋŋɡɔ mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ, nu cẅɛt ntsu mɔ ŋ́kúu ntsu pʉʉ, ńjí ŋɡɔ tsɑ́ɑtɛ yɛkŋɛ tsuŋ ḿbuutɛ.

Jɑ̂ŋ 17:13

Ɛ́ nǔu ŋkɔ̂ɔnɛ mɔ sɛ́ ńtɔ́ nɛ́ nɛjɔ́ŋ ɡu. Lɑ́ ŋ kɛ́ ńtʉ́ʉ ndǔmbí ńcú yɔ sẅiŋɛ nɛpɔ́ yi pɔ́p ɡʉ ŋ́ɡẅɛɛ yɔ tsɑ́ɑtɛ tʉ́m pɔ́p, kwɑꞋ tsɑ́ɑtɛ.

Mɑtʉ̈ɔ 22:2

«Pʉʉ jʉ́ɔ pɑ́Ꞌ nɛfɔɔ-Sɛ́ pɔ́nɛ. Ɛ́ pɔ́ pɔ pɑ́Ꞌ nu-wɛcɔ́ fɔɔ ẅí ɑ kɑ lɑ́Ꞌnɛ ńniitɛ mɑ́mɑ́ ndínɑ nǔu nu-lɑ́ɑndɑ́ mɔ́ɔ nɛ wɛ mbɛ́ɛnɛ.

Jɑ̂ŋ 3:30

Ɛ́ sɛ́ ḿbíkŋɛ ŋɡɔ yɛ́ nu ɡɔ́ ŋ́kẅiꞋ ŋ́ɡʉ nɛ́ mbi, yɑ́ɑ pɔ́ ḿbɛn nɛ́ nzʉʉ.»

Jɑ̂ŋ 15:11

«N cú yɔ nu mbɔ̌ pʉʉ nɛpɔ́ yi tsɑ́ɑtɛ yí ɛ́ tsɛt tʉ́m mɔ ɡʉ ḿbɛn ḿbɔ́ tsɛt tʉ́m yʉ́ʉ, pʉʉ ɡẅɛɛ kwɑꞋ tsɑ́ɑtɛ.»