Jɑ̂ŋ 3:19 - Kɑɑ Fí

¹⁹ Pɛ́ ńdɑ́Ꞌ ŋ́ŋɑk pʉɔmɛsɔŋ ntɛ́ nu-kyɛꞋ yi ɛ́ kɑ tɔ́nɛ ndǔmbí, lɑ́ pʉɔmɛsɔŋ kɔŋ pɔ nzɛ́nzʉ́ʉ ńtsɑ kyɛꞌ ɛ̂yɑ́, mbíꞋŋɡɔ ŋɡɛnɛ mɛnu mɔ́p kɑ́ pɔŋ.

Jɑ̂ŋ 3:19 Referans Kwoze

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

2 Tɛsɑlɔník 2:12

Ɛ́ lɛɛ pɔ́Ꞌɔ, pʉɔ pi pɔ́p ŋ́kɑɑ pɛ́m nu yi ɛ́ nɛ́nẅín pɔ́, nu yi ɛ́ kɑ́ pɔ́ nu pɔ́ tsʉ́Ꞌnɛ ḿbɔŋ wɔ́p, pɔ́p ɡɔ́ɔ ŋ́kɛ́ ḿvu ntsɑŋ.

Pʉɔ-Lɔ́mɑ 2:8

Lɑ́ ŋ́kɛ́ ŋ́ɡʉ nǔu pʉɔ pi pɔ́p tʉʉ tú mbɔ̌ Sɛ́, ńdʉꞋ nu yi ɛ́ nɛ́nẅín, ńnɛn pɔ nǔu sɛ̂ndúŋ ẅi Sɛ́ kɑ́ pɔ́ ŋ́kɔŋ pɔ́, pɔ́p jʉ́ɔ pɑ́Ꞌ Sɛ́ zɑ́ŋnɛ lɔ́ŋ nǔu pɔ́p, mbɑ pɑ́Ꞌ nu yɔ́p pʉ́knɛ Sɛ́.

Jɑ̂ŋ 12:43

Ɛ́ ḿbɔ́ pɔ́Ꞌɔ, mbíꞋŋɡɔ pɔ́p kɑ kɔŋ mɛkuꞋ mi pʉɔmɛsɔŋ ɡɑ́nɛ mbɔ̌ pɔ́p, ńtsɑ mi ɛ́ fúnɛ mbɔ̌ Sɛ́.

Pʉɔ-Lɔ́mɑ 1:32

Pɔ́p sɛ́ ńtsuŋ ńjí ŋɡɔ ɛ́ mbɔ̌ Sɛ́, pʉɔ pi pɔ́p ɡẅɛɛnɛ mɔnɛ mɛmɑt, pɔ́p pʉɔ pi pɔ́p tʉ́ʉnɛ pɑ́Ꞌ pɛ́ ɡʉ ńdɑ́Ꞌ ńjẅí wɔ́p jẅínɛ. Lɑ́, pɔ́p kɑ́ fɑɑnɛ mɔnɛ mɛnu fɑɑnɛ́nɛ ndɑꞋ pɔ́, pɔ́p pɛn ńníꞋ mɛtʉʉ-pʉɔ pi pɔ́p sɛ́ ɛ́fɑɑnɛ yɔ́p mîmɑ́ mɛnu ɡúu.

Jɑ̂ŋ 5:44

Mbɔ pʉʉ zɑ́p tʉ́m nǔu mɔ ŋɡɔ́ku? Pʉʉ lɔɔ pɔ ŋɡɔ ŋumɛsɔŋ ɡɑ́nɛ nɛŋwɑ́ŋɛ wɛcɔ́, pʉʉ kɑ́ lɔɔ ŋɡɔ Sɛ́ zɛ́nɛ́jʉ́ ɡɑ́nɛ nɛŋwɑ́ŋɛ wʉʉ pɔ́, ɑ ndɑꞋ jʉ́ ḿbɔ́ Sɛ́.

2 Pyɛ̂ 3:3

Pʉʉ zɛɛ ḿbiitɛ ńjí ŋɡɔ, ɛ́ ŋ́ɡɛ ḿbɔ́ nǔu ndẅiknzʉʉ mɛlɛ́Ꞌlɑ́Ꞌ, pɛcɔ́ pʉɔ cẅɛt, ŋ́ɡɛ yɔ́p pɔ yúu mi mɛtʉʉ mɔ́p sɛ́ ńtsʉ́ʉnɛ wɔ́p ŋɡɔ pɔ́p ɡɛ. Pɔ́p ŋ́ɡɛ ŋ́ɡwɛ wʉ́ʉ,

Jɑ̂ŋ 1:4

Luk kɑ pɔ́ nǔu wɛ́, luk ɛ̂yɑ́ pɔ́ kyɛꞌ yí ɛ́ kyɛꞋnɛ pʉɔmɛsɔŋ.

Lúkɑ́shi 12:47

ŊɡɑŋfɑꞋ ẅí ɑ jí yúu mi tɑ̌ɑfɑꞋ wɛ sɛ́ ŋ́kɔŋ, ḿbɛn ŋ́kɛ́ ḿbɔɔ yɛcɔ́ yúu niitɛ, ŋ́kɛ́ ḿbɔɔ ɡɛ yúu mi tɑ̌ɑfɑꞋ wɛ sɛ́ ŋ́kɔŋ pɔ́, pɛ́ ɡɛ ńdɑ́Ꞌ ńtswɑ́ɑ wɛ́ tɛꞋ.

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.

Jɑ̂ŋ 7:7

Mbɔ pʉɔ-ndǔmbí pɔɔ wʉ́ʉ pɑɑ. Lɑ́ ŋ́ɡʉ nǔu mɔ, mbɔ pɔ́p pɑɑ wɑ́ɑ, mbíꞋŋɡɔ ŋ kɑ pɔ́ ɛ́sẅíi wɔ́p nɛ́ sẅíiŋɛ ŋɡɔ ŋɡɛnɛ nu yɔ́p kɑ́ pɔŋ.

Jɑ̂ŋ 7:17

Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.

Lúkɑ́shi 16:14

Yɛ́su cú pɔ́Ꞌɔ, Pɑfɑlísɑy pinɛ pɔ́p ḿbɔ́nɛ zúꞋu zúꞋ, sɔ́ɔ, ŋ́ɡwɛ wɛ́ mbíꞋŋɡɔ pɔ́p ɡʉ̈ɔꞋ ŋkɑ́p tɛꞋ.

Jɑ̂ŋ 1:5

Kyɛꞌ pɔ́ ŋ́kyɛꞋ nzɛ́nzʉ́ʉ, nzɛ́nzʉ́ʉ kɛ́ mbɔɔ kúpmɛ.

Jɑ̂ŋ 9:5

Ŋkɑ́ yi m bɛ́tnɛ ndǔmbí, mɔ, m bɔ́ kyɛꞌ ndǔmbí.

Jɑ̂ŋ 12:31

Ŋkɑ́ kuꞋ pɑ́Ꞌ Sɛ́ ɡʉ ŋ́ŋɑk yɔ píimbí. Ɛ́ ŋkɑ́ yi Sɛ́ ɡʉ ńcẅɛɛtɛ mɔ́ɔntɔ́Ꞌ yɔ píimbí, ŋ́ɡɑ́ wɛ́ píi.»

Jɑ̂ŋ 12:46

Mɔ njʉ̈ɔ́ kyɛꞌ, ŋ kɑ tɔ́ ndǔmbí nɛpɔ́ yi ŋu lɑɑ ńzɑ́p tʉ́m nǔu mɔ, ɑ pɔɔ ɡɔ́ŋ tsɛt nzɛ́nzʉ́ʉ pɔ́.