Jɑ̂ŋ 3:18 - Kɑɑ Fí

¹⁸ Ŋu lɑɑ ńzɑ́p tʉ́m yɛ́ nǔu wɛ́, mbɔ pɛ́ ŋ́ɡʉ ŋ́ɡɛ ŋ́ŋɑk wɛ́ pɔ́. Ŋu ẅí ɑ kɛ́ mbɔɔ zɑ́p tʉ́m yɛ́ nǔu wɛ́ pɔ́ jí ŋɡɔ pɛ́ ŋɑk mɔ́ wɛ́, mbíꞋŋɡɔ ɑ kɑ́ zɑ́p tʉ́m yɛ́ nǔu mɔ́ɔ-Sɛ́ wɛ́mɔ́Ꞌ pɔ́.

Jɑ̂ŋ 3:18 Referans Kwoze

1 Jɑ̂ŋ 5:10

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, mbɔ mɔnɛ mɛnu mɛ́ntɑ́t ɡʉ ḿbɔ́ ɛ́fɑꞋ tʉ́m yɛ́. Ŋu ẅí ɑ kɑ́ pɛ́m nu yi Sɛ́ cúnɛ pɔ́, ŋɡɑŋ lɔk Sɛ́ ŋ́ɡɛ ɡɑŋ cɔtnu, mbíꞋŋɡɔ ɑ kɑ́ zɑ́p tʉ́m yɛ́ nǔu nu yi Sɛ́ cúnɛ mbíꞋ yúu mi jʉ́ Sɛ́ jínɛ nǔu nu-Mɔ́ɔ-nɛ pɔ́.

Mɑ́lɛ́kúshi 16:16

Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

1 Jɑ̂ŋ 5:12

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, mbɔ ŋɡɑŋ ɡẅɛɛ yîyɑ́ luk, lɑ́ ŋu ẅí ɑ kɛ́ mbɔɔ zɑ́p ɑ kɑ́ ɡẅɛɛ.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

1 Jɑ̂ŋ 4:9

Nu yi Sɛ́ kɑ lɔknɛ ńnyɛt wɛkŋɛ ŋɡɔ ɑ kɔŋ wɛkŋɛ pʉɔlɑɑ: A kɑ túu ndɑꞋ Mɔ́ɔ nɛ wɛ́mɔ́Ꞌ ndǔmbí ŋɡɔ pɛkŋɛ lɛɛ nzʉʉ wɛ́ ḿbɔ́ ɡú.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Jɑ̂ŋ 6:47

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m nǔu mɔ, mbɔ ŋɡɑŋ ɡʉ ŋ́ɡẅɛɛ luk kɛ́mɛ.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Ɛ́bɛlʉʉ 2:3

Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

Jɑ̂ŋ 1:12

Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Ɛ́bɛlʉʉ 3:19

Pɛkŋɛ lɔk ńjʉ́ɔ ŋɡɔ pɔ́p ŋ́kɑɑ ŋ́kúu tsɛt mɔ́fíitɛ ẅi Sɛ́ kɑ kɑꞋnɛ mbɔ̌ pɔ́p pɔ́, mbíꞋŋɡɔ pɔ́p ŋkɑɑ zúꞋ nu yi ɑ kɑ cúnɛ, tɛ ḿbɛ́m pɔ́.

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.