Jɑ̂ŋ 21:16 - Kɑɑ Fí

¹⁶ Ḿbɛn ḿbíkŋɛ wɛ́ nǔu ḿbɑ́ɑtɛ yɛ́pɑ́ ŋɡɔ: «Símɔ̂ŋ, mɔ́ɔ-Jɑ̂ŋ, tɛ ɔ kɔŋ wɑ́ɑ? A tsɔ́Ꞌ ŋɡɔ ɔ́ɔŋ, mbɑ̌ɑ Tsɑpʉɔ, ɔ jí ŋɡɔ ŋ kɔŋ wú.» Yɛ́su cú ŋɡɔ: «pyɛ́p njinjɔ yɑ́ɑ.»

Jɑ̂ŋ 21:16 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

1 Pyɛ̂ 5:2

N cú mbɔ̌ pʉʉ pɑcẅɛ́ɛmbi ŋɡɔ pʉʉ tsiinɛ nɔɔ-njinjɔ-Sɛ́ yi ɑ kɑ ɡɑ́nɛ mbɔ̌ pʉʉ, kɔɔ pʉʉ tsiinɛ pɔ pɑ́Ꞌ ŋkɑ́ yi pɛ́ ɡẅɛɛ wʉ́ʉ ɡẅɛɛnɛ lɑ́, pʉʉ tsiinɛ nɛ́ tʉ́m sʉ́Ꞌnɛ, pɑ́Ꞌ Sɛ́ sɛ́ ŋ́kɔŋ. Kɔɔ pʉʉ ɡɛ pɑ́Ꞌ ŋkɑ́ yi pʉʉ lɔɔ ŋkɑ́p lɑ́, pʉʉ lɔk pɔ ŋkɔŋɛ.

1 Pyɛ̂ 2:25

Ɛ́ pɔ́ ŋɡɔ pʉʉ kɑ pɔ́ yɛcɔ́ ŋkɑ́ mbɔ́ ŋ́kɑ́t ḿbúunɛ pɑ́Ꞌ mɛnjinjɔ mi ɛ́ fɑɑnɛ sɛ̂ndúŋ. Lɑ́ pʉʉ kɑ kɛ́mɔ́ ḿbɛn nzʉʉ, ńcʉ́ɔ nzʉʉ-ŋu ẅí ɑ sɛ́ ńdíŋɛ wʉ́ʉ, jʉ́ sɛ́nɛ́ ḿbyɛ́p wʉ́ʉ.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Jɑ̂ŋ 18:25

Pyɛ̂ kɛ́ ḿbɛ́t ḿbɔ́ ńzɔ́k pɔ múk, pɛ́ cú nɛ́ jʉ́ ŋɡɔ: «Gu yú, ɔ kɑ́ pɔ́ wɛcɔ́ tɑ́Ꞌ ŋɡɑŋku ŋu wɑ́ pɔ́ ɔɔ?» Pyɛ̂ muŋɛ, ńcú ŋɡɔ ŋ kɑ́ pɔ́ ŋɡɑŋku wɛ pɔ́.

Jɑ̂ŋ 18:17

Mɑŋɡɛ́ ɛ̂wɑ́ ẅi ɑ pyɛ́pnɛ ntsu-ntɔ́Ꞌ cú mbɔ̌ Pyɛ̂ ŋɡɔ: «Ɔ kɑ́ pɔ́ yú wɛcɔ́ tɑ́Ꞌ nǔu ɡɑŋku ŋu wɑ́ pɔ́ ɔɔ?» Pyɛ̂ tsɔ́Ꞌ ŋɡɔ: «Ŋ kɑ́ pɔ́ ŋɡɑŋku wɛ pɔ́.»

Lúkɑ́shi 19:10

Mɔ́ɔ-ŋu kɑ zɛɛ ńtɔ́ pɔ nɛlɔ́ɔ pʉɔ pinɛ pɔ́p kɑ kúunɛ pɛ́, ŋ́ɡɛ pɔ́p luk.»

Mɑtʉ̈ɔ 26:72

Pyɛ̂ pɛn ḿmuŋɛ, ńcú tɛ ŋ́kɑɑ ŋɡɔ: «ŋ kɑ́ jí ŋu ɛ̂wɑ́ pɔ́.»

Mɑtʉ̈ɔ 25:32

Mɛlɑ́Ꞌ tsʉʉ cúꞋlɛ mbi yɛ́, ɑ tíitɛ pʉɔ, ɛ́fɑk pɑ́Ꞌ mbyɛ́p mbí fɑk mɛnjinjɔ nǔu mbí ntʉʉ lɑ́,

Mɑtʉ̈ɔ 2:6

“Ɛ́ ɡʉ nǔu ɡu Mbɛ́tɛlɛhɛ̂m, tsɛt pɑk-ŋɡɔŋ-Judɛ̂, ɔ kɑ́ pɔ́ tsɛtsɛt mɛtʉ́sɔŋ-pɑyúdɑ ŋ́ɡɔ́ɔ ḿbɔ́ pɔ ndẅiknzʉʉ pɔ́, mbíꞌŋɡɔ fɔɔ ẅí ɑ ɡʉ ńdɑ́Ꞌ ɛ́sɑ́Ꞌ pʉɔ pɑ́ɑ pɑíslɑyɛ̂l ɡʉ ńdɑ́Ꞌ ńcẅɛt pɔ tsɛtsɛt pʉʉ.”»

Mɛnu ɛ́ ńdɑ́Ꞌ ńcẅɛt 7:17

MbíꞋŋɡɔ mɔ́ɔ-Njinjɔ ẅí ɑ tʉ́ʉnɛ tsɛtsɛt kɔꞋ-nɛfɔɔ ɡʉ ḿbɔ́ ŋɡɑŋpyɛ́p wɔ́p, ńdɔk wɔ́p ŋ́ɡʉ nǔu mɛtẅɛ́Ꞌ-ŋki, zʉꞋ yi ŋki ɡʉ ŋ́ɡɛ pɛ́ pɔ́ ɡú. Sɛ́ ɡʉ ńtuk ŋki-mík mɔ́p tsʉʉ.

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»