Jɑ̂ŋ 21:12 - Kɑɑ Fí

¹² Yɛ́su cú mbɔ̌ pɔ́p ŋɡɔ: «Pʉʉ tɔ́ ŋ́kwɛ́t yúu.» Sɑ̌ɑ tɑ́Ꞌ ŋu nǔu ɡɑŋku-Yɛ́su pɔɔ sʉk tɛ ḿbíkŋɛ ŋɡɔ ɔ wɔ̌ pɔ́ ɔɔ? MbíꞋŋɡɔ pɔ́p kɑ pɔ́ ńjí ŋɡɔ ɑ Tsɑpʉɔ.

Jɑ̂ŋ 21:12 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 10:41

A ŋkɑɑ nyɛt mbɔ̌ lɑ́Ꞌ tsʉʉ pɔ́, ɑ kɑ nyɛt pɔ mbɔ̌ pɛk pɑjʉ́njʉ́ɔ pi Sɛ́ kɑ piitɛ́nɛ ńtsɔ́Ꞌ. A kɑ zẅíimɛ nǔu nɛvú pɔ́Ꞌɔ, pɛk pɛ́pɔ́p jʉ́ yúu ḿbɛn ńnɔ́.

Jɑ̂ŋ 16:19

Yɛ́su jʉ́ɔ pɑ́Ꞌ pɔ́p sɛ́ ńdɔɔ nɛpíkŋɛ wɛ́ nɛ́ nu, ńcú mbɔ̌ pɔ́p ŋɡɔ: «Ɛ sẅíi wʉ́ʉ ŋɡɔ ɛ́ ńtsʉ́Ꞌ mɔ́zʉꞋ pʉʉ pɔɔ pɛn ńjʉ́ɔ wɑ́ɑ pɔ́, ɛ́ pɛn ŋ́kɛ́ ŋ́ɡɔ́ ńdɑ́ɑtɛ, pʉʉ pɛn ńjʉ́ɔ wɑ́ɑ. Yɛ́t ɡɛnɛ lɑ́ pʉʉ lɔɔ nɛpíkŋɛ wɑ́ɑ nɛ́ nu kíi?

Jɑ̂ŋ 21:15

Pɔ́p kwɛ́t yúu tɛ ɛ́ kuꞋ, Yɛ́su cú mbɔ̌ Símɔ̂ŋ Pyɛ̂ ŋɡɔ: «Símɔ̂ŋ, mɔ́ɔ-Jɑ̂ŋ, tɛ ɔ kɔŋ wɑ́ɑ tɛ ńtsɑ pʉɔ pɔ?» A pʉ̈ɔt ŋɡɔ ɔ́ɔŋ, mbɑ̌ɑ Tsɑpʉɔ, ɔ jí ŋɡɔ ŋ ŋkɔŋ wú. Yɛ́su cú mbɔ̌ wɛ́ ŋɡɔ: «Tsiinɛ pɔ́ɔ-njinjɔ pɑ́ɑ.»

Mɑ́lɛ́kúshi 9:32

A cú pɔ́Ꞌɔ, ɡɑŋku pɛ́ kɛ́ mbɔɔ zúꞋ sʉ́Ꞌnɛ pɔ́, lɑ́ ḿbɛn ḿbɔ́ ḿbɔ́k nɛ́ píkŋɛ wɛ́ nɛ́ nu nǔu.

Jɑ̂ŋ 4:27

Yɛ́su pɔ́ ńcú pɔ́Ꞌɔ, ɡɑŋku pɛ́ tɔ́, ńjʉ́ɔ pɔ́p mɑŋɡɛ́ ɛ̂wɑ́ pɔ́ ɛ́sẅíŋɛ, ɛ́ kʉꞋnɛ wɔ́p tɛꞋ. Lɑ́, sɑ̌ɑ ŋu wɔp kɛ́ mbɔɔ kuꞋ nɛpíkŋɛ wɛ́ ŋɡɔ ɛ́ nu kʉ̈ɔ́ ɔɔ pɔ́, kɛ nɛcú ŋɡɔ pɔ́pmɛ sẅiŋɛ kʉ̈ɔ́ ɔɔ pɔ́.

Lúkɑ́shi 9:45

Lɑ́ ɡɑŋku pɛ́ pɔɔ tsúŋ ńzúꞋ yɔ nu sʉ́Ꞌnɛ pɔ́, mbɔ yɛcɔ́ yúu jʉ́ɔꞋ jínu yɔ́p nɛpɔ́ yi pɔ́p kɛ́ zúꞋ pɔ́. Wɛcɔ́ ŋu wɔp kɛ́ ḿbɔɔ sʉk tɛ ḿbíkŋɛ wɛ́ ŋɡɔ ɔ lɔɔ nɛcú ŋɡɔ kʉ̈ɔ́ pɔ́, mbíꞋŋɡɔ pɔ́p kɑ tsʉꞋ ḿbɔ́k pɔ́knɛ.

Mɑtʉ̈ɔ 22:46

Ɛ́ ɡʉ tsɛtsɛt pɑfɑlísɑy, ŋu pɔɔ kuꞋ nɛsii ḿbʉ̈ɔt pɔ tɑ́Ꞌ nu nǔu nu yí Yɛ́su píkŋɛ́nɛ pɔ́. Ɛ́ fú lɛ́Ꞌ ɛ̂yɑ́ ŋu pɔɔ pɛn, ŋ́ɡẅɛɛ sʉktʉ́m, nɛpíkŋɛ wɛ́ nɛ́ yɛcɔ́ nu pɔ́.

Jɑ̂ŋ 21:11

Símɔ̂ŋ Pyɛ̂ pɛn ŋ́kúu tsɛt kɑnúꞋ, ɛ́shuŋ mɛŋkʉ ḿmɑꞋ sɛ́, mɛshú pɔ́ tsɛtú mɛmɑ́ mɑ́ mbɑŋ ŋkʉ nɛ́ ntsɔ̌pɛ́tɑ́t nɛ́ mɛɡɛ́m yɛ́tɑɑ, ɛ́ zɛɛ ńzɑ́ɑ ndɛn wɔ lɑ́ mɛŋkʉ kɛ́ mbɔɔ ɛ́sɑnɛ.