Jɑ̂ŋ 20:21 - Kɑɑ Fí

²¹ Yɛ́su pɛn ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ. Pɑ́Ꞌ Tɑ̌ɑ kɑ túunɛ wɑ́ɑ lɑ́, mɔ ńtúu wʉ́ʉ ɡúu.»

Jɑ̂ŋ 20:21 Referans Kwoze

Jɑ̂ŋ 13:20

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ŋ́kúkŋɛ ŋu ẅí n túunɛ wɛ́, mbɔ ɑ kúkŋɛ pɔ wɑ́ɑ. Ŋu ẅí ɑ pɛnnɛ ŋ́kúkŋɛ wɑ́ɑ, ɑ kúkŋɛ pɔ ŋu ẅí ɑ túunɛ wɑ́ɑ.

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

2 Timɔtɛ́ɛ 2:2

Nu yi ɔ kɑ pɔ́ ńzúꞋ n zíꞋ mbi pʉɔ tɛ ńzɑ́ɑ, kɛ́ ńzíꞋ pɔ yɛ́tɛ́ mbɔ̌ pʉɔ pi mbɔ ɔ tɛ́m ŋkwɛn ŋ́ɡɑ́ mbɔ̌ pɔ́p, lɑ pɔ́p kuꞋ yɔ́p nɛzíꞋ pɛcɔ́ pʉɔ.

Mɑtʉ̈ɔ 10:40

Ŋu kúkŋɛ wʉ́ʉ, mbɔ ɑ kúkŋɛ pɔ wɑ́ɑ, ŋu pɛn ŋ́kúkŋɛ wɑ́ɑ, mbɔ ɑ kúkŋɛ pɔ ŋu ẅí ɑ kɑ túunɛ wɑ́ɑ.

Mɑtʉ̈ɔ 10:16

Tsuŋnɛ ńzúꞋ n túu wʉ́ʉ pɔ pɑ́Ꞌ ɛ́ lɑɑ ḿbɔ́ pɛ́ túu mbí tsɛtsɛt mɛnɑɑŋɡwɛ. Pʉʉ kɛ́ ŋ́ɡɔ́ ńnɛn ńdʉ́ɔꞋ pɑ́Ꞌ nɔ́, ḿbɛn ḿbɔ́ pɛmbúꞋ pɑ́Ꞌ puutɛ lɑ́.

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

Jɑ̂ŋ 20:19

Ɛ́ pɔ́ ŋkɑ́ ntsuŋkẅɛ́Ꞌ, pɔ lɛ́Ꞌ ɛ̂yɑ́ yi ɛ́ kɑ pɔ́ sɔ́ndii, nduŋmbi lɛ́Ꞌlɑ́Ꞌ nǔu ŋɡɑp lɑ́Ꞌ, ɡɑŋku-Yɛ́su nɑ́ŋ ndɑ́, mbɔ pɔ́p lɑ́Ꞌ ńjʉ́ɔꞋ ntsundɑ́, ḿbɔ́k Pɑyúdɑ. Yɛ́su cẅɛt ńtʉ́ʉ tsɛtsɛt pɔ́p, ńcú nɛ́ pɔ́p ŋɡɔ: «Mbɔ́tnɛ pɔ́ nɛ́ pʉʉ.»

Lúkɑ́shi 24:36

Pɔ́p pɛ́t ɛ́sẅíŋɛ sẅiŋɛnɛ, Yɛ́su ɡɔ́ɔ ńcẅɛt ńtʉ́ʉ tsɛtsɛt pɔ́p, ńcɛꞋlɛ wɔ́p ŋɡɔ: «Mbɔ́tnɛ pɔ́ nɛ́ pʉʉ!»

Jɑ̂ŋ 20:22

Ńcú pɔ́Ꞌɔ, ɛ́fɑ́k zẅikŋɛ-ntsu wɛ́ nǔu pɔ́p, ńcú ŋɡɔ: «Pʉʉ cẅɛ́ɛ zẅikŋɛ Lɛ́ɛnɛ́nɛ.

Jɑ̂ŋ 20:26

Ɛ́ ɡɛ ńdɛɛ lɛ́Ꞌ pɛ́nɛ́fɔ́m, ɡɑŋku-Yɛ́su pɛn ńcúꞋlɛ sɛ́, Tɔmɑ́shi pɔ́ yɛ́ tsɛtsɛt pɔ́p, ɛ́ ɡɔ́ ḿbɔ́, mbɔ pɔ́p jʉ́ɔꞋ mɛntsu-ndɑ́, Yɛ́su cẅɛt ńtʉ́ʉ tsɛtsɛt pɔ́p ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ.»

ŊwɑꞋnɛ-Gɑŋntúu Yɛ́su Kɛlístɔ 1:2

ŋ́ɡʉ ŋ́kúu nǔu lɛ́Ꞌ yi Sɛ́ ɡɛnɛ ɑ kɔ́Ꞌ nɛ́ tʉ́nɛ́pú. A kɑ ɡɔ́ ŋ́kɔ́Ꞌ, ńdɛɛ nǔu Zẅikŋɛ Lɛ́ɛnɛ́nɛ, ńdɛꞋlɛ yúu mi ɡɑŋntúu pi ɑ kɑ tsɔ́Ꞌnɛ ɡʉ ńtsʉ́Ꞌ ḿbɔ́ ŋ́ɡɛ.

3 Jɑ̂ŋ 1:14

Mɔ sɛ́ ŋ́kwɑŋɛ nɛtɔ́ ńjʉ́ɔ wú, pûu nɑ́ŋ sɛ́ sẅiŋɛ.