Jɑ̂ŋ 20:1 - Kɑɑ Fí

¹ Ɛ́ ɡɛ ḿbɔ́ Sɔ́ndii, nduŋmbi lɛ́Ꞌlɑ́Ꞌ nǔu ŋɡɑplɑ́Ꞌ, lɑ́ ḿbɛ́t ḿbɔ́ pɔ mbɑꞋmbɑꞋɑ́, zʉꞋ pɛ́t kɛ́ fúk, Mɑlíyɑ-Mɑkdɑlɑ ɡʉ zʉꞋ-nɛshi, ŋ́kúu zúꞋu, ńjʉ́ɔ mbɔ pɛ́ lɑ́Ꞌ ɛ́fú ntsu-nɛshi, ŋ́kẅɛ́Ꞌlɛ ŋɡɔꞋ.

Jɑ̂ŋ 20:1 Referans Kwoze

Mɑ́lɛ́kúshi 16:9

Yɛ́su kɑ zẅíimɛ nǔu nɛvú, mbɑꞋmbɑꞋɑ́ nduŋmbi lɛ́Ꞌ nǔu ŋɡɑplɑ́Ꞌ, ḿbiitɛ ńnyɛt mbʉʉ yɛ mbɔ̌ Mɑlíyɑ-Mɑkdɑlɑ wɑ́ ẅi mɛzẅikŋɛ kɛpɔŋ sɑɑmbɑ́ kɑ ɡẅɛɛnɛ wɛ́ ḿbɔ́ ḿbúunɛ wɛ́ lɑ́; Yɛ́su cẅɛ́ɛ wɛ́ mbɔ̌ pɔ́p lɑ́.

Mɑtʉ̈ɔ 27:60

ńtíi wɛ́ ńdɔk ŋ́ɡʉ ńníꞋ tsɛt nɛshi ni ɑ kɑ pɛ́t ɛ́sʉꞋ nǔu ŋɡɔꞋ, ɛ́ pɔ́ nɛ́ Yɔsɛ̂p. A níꞋ Yɛ́su tsɛtú, ńtsʉ́ʉ mɑ́mɑ́ ŋɡɔꞋ ńdɔk ńjʉ́ɔꞋ ntsu-nɛshi ɛ̂nɑ́ ŋ́ɡʉ.

Mɑ́lɛ́kúshi 15:46

Yɔsɛ̂p ɡʉ ńzúu pɔ́-ndẅi, ŋ́ɡʉ nǔu tʉ́ mbɑ́ŋtɛ pɑ́ŋtɛ́nɛ, ŋ́kɔk pfú-Yɛ́su ńdɔk ndẅí ɛ̂yɑ́ ŋ́kɑ́tɛ wɛ́, ńtíi ńdɔk ŋ́ɡʉ, ńníꞋ tsɛt nɛshi ní pɛ́ kɑ sʉ́Ꞌnɛ nǔu mɑ́mɑ́ ŋɡɔꞋ, ḿbɛn ńtsʉ́ʉ yɛcɔ́ ŋɡɔꞋ ńdɔk ńjʉ́ɔꞋ ntsu-nɛshi ɛ̂nɑ́.

Jɑ̂ŋ 20:26

Ɛ́ ɡɛ ńdɛɛ lɛ́Ꞌ pɛ́nɛ́fɔ́m, ɡɑŋku-Yɛ́su pɛn ńcúꞋlɛ sɛ́, Tɔmɑ́shi pɔ́ yɛ́ tsɛtsɛt pɔ́p, ɛ́ ɡɔ́ ḿbɔ́, mbɔ pɔ́p jʉ́ɔꞋ mɛntsu-ndɑ́, Yɛ́su cẅɛt ńtʉ́ʉ tsɛtsɛt pɔ́p ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ.»

Jɑ̂ŋ 19:25

Mɑ́ pɛ́ Yɛ́su pɔ́p mɔ́ɔmɑ́ wɛ wɛ mɑŋɡɛ́, ŋ́ɡɛ Mɑlíyɑ nzwɛ́-Kɛlɔ́pɑs, mbɑ Mɑlíyɑ-Mɑkdɑlɑ kɑ tʉ́ʉ mbʉʉ tʉ́ mbɑ́ŋtɛ pɑ́ŋtɛ́nɛ-Yɛ́su.

Mɛnu ɛ́ ńdɑ́Ꞌ ńcẅɛt 1:10

Ɛ́ ɡɛ ḿbɔ́ lɛ́Ꞌlɑ́Ꞌ-Tsɑpʉɔ, Zẅikŋɛ-Sɛ́ jʉ́ wɑ́ɑ. N zúꞋ yɛcɔ́ ŋɡi tɛnnɛ pɔ́ nzʉʉ mɔ, ḿbɔ́ ńcʉ́ɔ pɑ́Ꞌ ŋɡi-ntɑŋ lɑ́,

Mɑtʉ̈ɔ 27:64

Ɛ́ pɔ́Ꞌɔ, lɑ́ pɛk sɛ́ ḿbíkŋɛ ŋɡɔ ɔ cú pɑlʉ̈ɔ́Ꞌntsɔ pyɛ́p nɛshi tɛ ŋ́kúu nǔu mbɑ́ɑtɛ lɛ́Ꞌ pɛtɑ́t. Tɛ ɛ́ pɔɔ pɔ́Ꞌɔ pɔ́, mbɔ ḿbɔ́ ɡɑŋku pɛ́ tɔ́ ńjɔ pfú yɛ́, ŋ́ɡɔ́ɔ ŋ́kɛ́ ŋ́ɡʉ ɛ́sẅíi lɑ́Ꞌ ŋɡɔ ɑ zẅíimɛ nǔu nɛvú! Yîyɑ́ cɔtnu mɛkŋɛ ḿbʉ́k tɛ ńtsɑ yi mbi.

1 Kɔlɛ̂ŋtɛ 16:2

Ɛ́ pɔŋ ŋɡɔ ɛ́ nɑ́ŋ ḿbɔ́ mbɑ wɛ́tɛ́ sɔ́ndii lɑ́, mbɑ wɛ́tɛ́ ŋu wʉʉ, ɡʉ nǔu yúu mi ɑ ɡẅɛɛnɛ, ńdʉŋtɛ ḿbɛ́ɛ yɛcɔ́ ndɛn-ŋkɑ́p nǔu, ńdẅɛꞋ ndɑ́ yɛ́, ńjí ŋɡɔ pɛ́ kɛ́ ɡɛ ńzẅíꞋlɛ tɛ n tɔ́ lɑ pɛ́ mɑꞋ ntsup pɔ́.

ŊwɑꞋnɛ-Gɑŋntúu Yɛ́su Kɛlístɔ 20:7

Ɛ́ pɔ́ nduŋmbi lɛ́Ꞌlɑ́Ꞌ nǔu ŋɡɑplɑ́Ꞌ, pɛk cúꞋlɛ zúꞋu nɛjʉ́ yúu pɛjʉ́-Tsɑpʉɔ. Njí pɔ́ ŋ́ɡʉ kiɛ Pɔ̂l ɡʉ. A pɔ́ ɛ́sẅíi nu-Sɛ́ mbɔ̌ pɔ́ɔpɛ́mɑ́, ŋ́kɛ́ ɛ́sẅíi wɔ́p sẅíinɛ tɛ ŋ́kúu tʉʉtúꞋ.

Mɑtʉ̈ɔ 27:56

Ɛ́ m̄bɔ́ tsɛtsɛt pɔ́p, yɔ pɔ́ Mɑlíyɑ-Mɑkdɑlɑ, ŋ́ɡɛ Mɑlíyɑ mɑ́ pɛ́ Jɑ̂k pɔ́p Yɔsɛ̂p, ḿbɛn ŋ́ɡɛ mɑ́ pɛ́ pɔ́ɔ-Zɛbɛ́dɛ́ɛ.

Mɑtʉ̈ɔ 27:66

Pɔ́p ɡʉ ńdɔk yɛcɔ́ yúu ńnɑŋ ŋɡɔꞋ yí pɛ́ lɑ́Ꞌnɛ ńdɔk ńjʉ́ɔꞋ nɛshi, ŋ́ɡɔ́ɔ ńtík pɑlʉ̈ɔ́Ꞌntsɔ, pɔ́p pɔ́ ḿbyɛ́p, ḿbɔ́k yúu nɛɡɛ nǔu nɛshi.

Mɑtʉ̈ɔ 28:1

Lɛ́Ꞌnji-Pɑyúdɑ ɡɛ ńdɛɛ, ɛ́ pɔ́ mbɑ́ꞋmbɑꞋɑ́ nǔu nduŋmbi lɛ́Ꞌ nǔu ŋɡɑplɑ́Ꞌ, Mɑlíyɑ-Mɑkdɑlɑ pɔ́p wɛcɔ́ Mɑlíyɑ pɔ́ ŋ́ɡʉ nɛjʉ́ɔ nɛshi,

Mɑtʉ̈ɔ 28:2

ŋ́ɡɔ́ ŋ́kúu zúꞋu, ńzúꞋ tsɛ́tsɑ́Ꞌ puu ńtsʉ́Ꞌnɛ tɛꞋ. MbíꞋŋɡɔ Cʉ̈ɔꞋ-Sɛ́ ɛ́fú tʉ́nɛ́pú ńcúŋ, ńtɔ́ ŋ́kiimɛ ŋɡɔꞋ yí pɛ́ kɑ lɔknɛ ńjʉ́ɔꞋ ntsu-nɛshi, ŋ́kɔ́Ꞌ ńnɑ́ŋ ndǔ ŋɡɔꞋ ɛ̂yɑ́.

Jɑ̂ŋ 11:38

Yɛ́su pɛn ńjẅi, ŋ́ɡʉ zʉꞋ-nɛshi, ɛ́ pɔ́ yɛcɔ́ mvuꞋ zʉꞋ, mbɔ pɛ́ kɑ lɔk ŋɡɔꞋ ńjʉ́ɔꞋ ntsu wɛ́.

Jɑ̂ŋ 11:41

Pɛ́ pɔ́ tɛ kẅɛ́Ꞌlɛ ŋɡɔꞋ, Yɛ́su pʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋ ɡɑ́ pɑꞋlɑ́ pɑ́Ꞌ n cɛꞋlɛ́nɛ wú, ɔ zúꞋ.»