Jɑ̂ŋ 2:4 - Kɑɑ Fí

⁴ Yɛ́su pʉ̈ɔt mbɔ̌ wɛ́ ŋɡɔ: «Mɑ́ɑmɑɑ, ɔ cẅɛ́ɛ kʉ̈ɔ́ mbɔ̌ mɔ? Yɑ́ɑ ŋkɑ́ pɛ́t kɛ́ kuꞋ.»

Jɑ̂ŋ 2:4 Referans Kwoze

Jɑ̂ŋ 7:6

Yɛ́su pʉ̈ɔt mbɔ̌ pɔ́p ŋɡɔ: «Yɑ́ɑ ŋkɑ́ pɛ́t kɛ́ kuꞋ, lɑ́ ŋ́ɡʉ nǔu pʉʉ, mbɔ ŋkɑ́ kʉ̈ɔ́ lɑ́ ɛ́ mbɔ̌ pʉʉ ḿbɔ́ pɔ sʉ́Ꞌnɛ.

Jɑ̂ŋ 13:1

Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.

Jɑ̂ŋ 8:20

Yɛ́su kɑ ɡɔ́ ńcú mɔnɛ mɛnu pɑ́Ꞌɑ, ḿbɔ́ tsɛt ndɑ́-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́, ḿbɔ́ mbʉʉ zʉꞋ yi pɛ́ níꞋnɛ ŋkɑ́p yi pɛ́ ɡɑ́nɛ mbɔ̌ Sɛ́ zúꞋu. Ŋu kɛ́ mbɔɔ wɛ́ ɡẅɛɛ, mbíꞋŋɡɔ ɛ́ kɑ ɡɔ́ ḿbɔ́, mbɔ yɛ́ ŋkɑ́ kɑ́ kuꞋ.

Jɑ̂ŋ 7:30

Pɔ́p zúꞋ yɔ nu, ńdɔɔ nɛɡẅɛɛ wɛ́, lɑ́ ŋu kɛ́ mbɔɔ pɔ́ nǔu wɛ́ zɑ́p, mbíꞋŋɡɔ yɛ́ ŋkɑ́ kɑ pɛ́t kɛ́ kuꞋ.

Jɑ̂ŋ 12:23

Yɛ́su tsɔ́Ꞌ mbɔ̌ pɔ́p ŋɡɔ ŋkɑ́ yi pɛ́ ɡʉ ńjʉ́ɔ nɛɡúꞋ wɛ Mɔ́ɔ-ŋu ɛ́ kuꞋ.

Mɑtʉ̈ɔ 8:29

Pɔ́p kíi ńcú mbɔ̌ Yɛ́su ŋɡɔ: «Ɔ lɔɔ nɛɡɛ ŋɡɔ́ku nǔu pɛk, mɔ́ɔ-Sɛ́? Ɔ kɑ tɔ́ zɑꞋnɛ pɔ nɛzɑ́Ꞌ njí ńníꞋ wɛ́k tsɛt ŋɡʉ̈ɔ́Ꞌ kɛkʉ̈ɔ́?»

Jɑ̂ŋ 20:15

Yɛ́su cú nɛ́ jʉ́ ŋɡɔ: «Mɑ́mɔ́ɔ, ɔ kíi ku? Ɔ lɔɔ wɔ̌?» Lɑ́ ɑ ŋ́kwɑŋɛ ŋɡɔ kɛ ɑ pɔ́ pɔ ŋu ẅí ɑ pyɛ́pnɛ ŋkɑ́Ꞌŋɡɑ́ɑtɛ ɔɔ, ńcú nɛ́ jʉ́ ŋɡɔ: «Ndɛ, ɛ́ lɑɑ ḿbɔ́ yi ɡu lɑ́Ꞌnɛ tíi pfú-Yɛ́su, ɔ lɛꞋlɛ wɑ́ɑ nɛ zʉꞋ yí ɔ nɔŋnɛ zúꞋu, ŋ ɡʉ, tíi.»

Jɑ̂ŋ 20:13

Pɔ́p cú mbɔ̌ wɛ́ ŋɡɔ: «Mɑ́mɔ́ɔ ɔ kíi kʉ̈ɔ́?» A pʉ̈ɔt mbɔ̌ pɔ́p ŋɡɔ: «Pɛ́ tíi pfú-Tsɑpʉɔ wɑɑ, m bɛn ḿbɔɔ ḿbɔ́ ńjí zʉꞋ yi pɛ́ lɑ́Ꞌnɛ ńzɑ́p zúꞋu pɔ́.»

Lúkɑ́shi 2:49

A pʉ̈ɔt mbɔ̌ pɔ́p ŋɡɔ: «Pʉʉ pɛn ńdɔ́ɔ wɑ́ɑ pɔ́Ꞌɔ, mɛlɑ́Ꞌ ku? Pʉʉ kɑ́ pɔ́ ńjí ŋɡɔ ɛ́ pɔ́ŋ ɛ shɛp mɛnu-Tɑ̌ɑ mɔ pɔ́ ɔɔ?»

Mɑtʉ̈ɔ 15:28

Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.

2 Kɔlɛ̂ŋtɛ 5:16

Pɑ́Ꞌ ɛ́ pɔ́Ꞌɔ lɑ́, pɛk nǔu ŋkɔ̂ɔnɛ ńtsʉ́Ꞌ ḿbɔ́ɔ ńjí ŋu pɔ nǔu ntɛ́ yi pʉɔmɛsɔŋ lɔknɛ ńjí ŋu pɔ́. Ɛ́ lɑɑ ḿbɔ́ yi pɛk kɑ zɛɛ ńjí Kɛlístɔ nǔu yîyɑ́ ntɛ́, mbɔ pɛk ŋkɔ̂ɔnɛ ḿbɔɔ ḿbɛn ḿbɔ́ ńjí wɛ́ pɔ́Ꞌɔ pɔ́.

Jɑ̂ŋ 2:3

MɛluꞋ ɡɛ ḿmɛ, mɑ́ pɛ́ Yɛ́su cú mbɔ̌ wɛ́ ŋɡɔ: «Pʉɔ kɑ́ pɛn ŋ́ɡẅɛɛ mɛluꞋ mi pɔ́p ɡʉ ńnɔ́ pɔ́.»

Jɑ̂ŋ 7:8

Pʉʉ ɡʉnɛ ḿbʉʉ ŋ́ɡʉ zʉꞋ ndínɑ. Ɛ́ ɡʉ nǔu mɔ, mbɔ ŋ kɛ́ ɡʉ nɛ́ zúꞋu pɔ́, yɑ́ɑ ŋkɑ́ kɑ́ kuꞋ.»