Jɑ̂ŋ 2:11 - Kɑɑ Fí

¹¹ Yɔ pɑ́Ꞌ Yɛ́su kɑ zɛnɛ nɛɡɛ mɛnu mɑ̌ɑmɑɑnɛ. Ɛ́ kɑ pɔ́ Kɑ́nɑ, tsɛt pɑk-ŋɡɔŋ-Ŋɡɑlilɛɛ, Yɛ́su lɔk pɔ́Ꞌɔ, ńdɛꞋlɛ nɛɡúꞋ wɛ. Gɑŋku pɛ́ zɑ́p tʉ́m nǔu wɛ́.

Jɑ̂ŋ 2:11 Referans Kwoze

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 6:2

Nɔɔ-lɑ́Ꞌ pɔ́ ńcʉ́ɔ nzʉʉ yɛ́ tɛꞋ, mbíꞋŋɡɔ pʉɔ kɑ pɔ́ ńjʉ́ɔ mɛnu mɑ̌ɑmɑɑnɛ mi ɑ kɑ pɔ́ ŋ́ɡɛ nǔu ɡɑŋɡɔɔ.

Jɑ̂ŋ 6:30

Pɔ́p pɑꞋ ŋɡɔ: «Nu mɑ̌ɑmɑɑnɛ yi ɔ ɡʉ ŋ́ɡɛ pʉk jʉ́ɔ fú nǔu ńzɑ́p tʉ́m nǔu ɡu ɛ́ kʉ̈ɔ́? Yúu mi ɔ ɡʉ ŋ́ɡɛ ɛ́ ku?

Jɑ̂ŋ 6:26

Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ kɑ pɔ́ sii ńdɔɔ wɑ́ɑ pɔ mbíꞋŋɡɔ pʉʉ kɑ jʉ́ɔ mɛnu mɑ̌ɑmɑɑnɛ mi ŋ kɑ ɡɛnɛ, ɛ́ nyɛt mɛtʉʉ-Sɛ́ pɔ́, pʉʉ lɔɔ wɑ́ɑ ntɛ́ pɔ pɑ́Ꞌ pʉʉ kɑ kwɛ́tnɛ mbɛlɛ̂ɛt tɛ ńzwɛ́t lɑ́.

Jɑ̂ŋ 6:14

Lɑ́Ꞌ jʉ́ɔ nu mɑ̌ɑmɑɑnɛ yi Yɛ́su ɡɛnɛ, ńcú ŋɡɔ: «Ŋu wɔ kwɑꞋ ŋɡɛ́mndʉ̈ɔ́Ꞌ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ tɔ́ ndǔmbí.»

2 Kɔlɛ̂ŋtɛ 4:17

Mɔ́ɔ mɔ́yúu ŋɡʉ̈ɔ́Ꞌ ẅi pɛk ŋkɔ̂ɔnɛ ḿbɔ́ ńjʉ́ɔ, ɛ́ lɛɛ lɛɛnɛ. Pɛ́ lɑɑ ŋ́ɡʉ ḿbɛ́ɛ fʉꞋ, ɛ́ pɔɔ kuꞋ yɛcɔ́ yúu nǔu nɛɡúꞋ kɛ́ ndɛn ẅi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́, ẅi yîyɑ́ ŋɡʉ̈ɔ́Ꞌ lɔk ńtsɔ́Ꞌ sɛ̂ndúŋ ŋ́ɡɑ́ mbɔ̌ pɛkŋɛ.

Jɑ̂ŋ 14:13

Pʉʉ ɡʉ ńdɔk lík yɑ́ɑ ńdɔ́ɔ kʉ̈ɔ́ mbɔ̌ Sɛ́ lɑ́, mbɔ ŋ ɡʉ ŋ́ɡɛ. Ɛ́ lɛɛ pɔ́Ꞌɔ, mɔ Mɔ́ɔ, n nyɛt nɛɡúꞋ-Tɑ̌ɑ mɔ.

Jɑ̂ŋ 12:41

Ɛ́sɑ̌yɑcú nu zɑꞋnɛ nǔu Yɛ́su, mbíꞋŋɡɔ ɑ kɑ zɑ́Ꞌ njí ńjʉ́ɔ nɛɡúꞋ Yɛ́su.

Jɑ̂ŋ 12:37

Yɛ́su kɑ pɔ́ ŋ́ɡɛ mɛnu mɑɑnɛ tɛꞋ mbi pʉɔ lɑ́, pɔ́p kɛ́ mbɔɔ ńzɑ́p tʉ́m nǔu wɛ́ pɔ́.

Jɑ̂ŋ 2:23

Yɛ́su pɛ́t ḿbɔ́ pɔ Yɛlúsɑlɛm, pɛ́ pɔ́ ńjʉ́ ndínɑ-pɑ́skɑ-pɑyúdɑ, lɑ́Ꞌ jʉ́ɔ mɛnu mɑ̌ɑmɑɑnɛ mi ɑ ɡɛnɛ, pʉɔ tɛ ńzɑ́ɑ zɑ́p tʉ́m nǔu wɛ́.

Jɑ̂ŋ 1:50

Yɛ́su pʉ̈ɔt mbɔ̌ wɛ́ ŋɡɔ: «Ɔ pɛ́m ŋkɔ̂ɔnɛ, mbíꞋŋɡɔ n cú ŋɡɔ n dɑ́Ꞌ ńjʉ́ɔ pɑ́Ꞌ ɔ nɑ́ŋnɛ nɛtsɛ́n ŋɡɛ̌m. Ɔ ɡʉ ḿbɛn ńjʉ́ɔ mɛnu mí ɛ́ ɡúꞋnɛ ńdɛɛ mîmɑ́.»

1 Jɑ̂ŋ 5:13

Ŋ ŋwɑꞋnɛ mɔnɛ mɛnu ńdɔk ɛ́sẅíi wʉ́ʉ wi pʉʉ zɑ́pnɛ tʉ́m nǔu mɔ́ɔ-Sɛ́ ŋɡɔ: Pʉʉ ɡẅɛɛ luk kɛ́mɛ.

Jɑ̂ŋ 4:46

A pɛn tɛ ŋ́kúu Kɑ́nɑ pɔ́p Ŋɡɑlilɛɛ, ɛ́ pɔ́ tʉ́sɔŋ yi ɑ kɑ shɔtnɛ ŋki zúꞋu ńdɔk ŋ́ɡɛ mɛluꞋ lɑ́. Wɛcɔ́ ndʉ́m tsɛt fɑꞋ-ŋɡɔ́mɛnɑɑ pɔ́ tʉ́sɔŋ-Kɑpɛɛnɑwúm, mɔ́ɔ nɛ pɔ́ ŋ́ɡɔɔ.

Jɑ̂ŋ 5:23

Ɛ́ lɛɛ pɔ́Ꞌɔ, pʉɔtsʉʉ ɡɑ́ mɛkuꞋ-Mɔ́ɔ nɛ pɔ ndʉ́ŋndʉŋ pɑ́Ꞌ pɔ́p sɛ́ ŋ́ɡɑ́ mɛ́ Tɑ̌ɑ wɛ. Ŋu ẅí ɑ kɑ́ ɡɑ́ mɛkuꞋ-Mɔ́ɔ-Sɛ́ pɔ́, ŋɡɑŋ lɔk ḿbɔɔ ŋ́ɡɑ́ mɛkuꞋ-Tɑ́t wɛ ẅí ɑ kɑ túunɛ wɛ́ pɔ́.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

Jɑ̂ŋ 11:15

Ɛ́ pɛn ḿbɔŋ wɑ́ɑ tɛꞋ pɑ́Ꞌ ɑ ɡɔ́ ḿpfú, m bɔɔ sɛ́ pɔ́. Sɛ́ ɡɛnɛ ŋɡɔ ɛ́ pɔ́ pɔ́Ꞌɔ, ntɛ́ wʉ́ʉ, ńjí ŋɡɔ pʉʉ ɡʉ ɛ́fú nǔu, niitɛ ńzɑ́p tʉ́m nǔu mɔ. Lɑ́ pɛkŋɛ ɡʉ ŋkɔ̂ɔnɛ tɛ ŋ́kúu zúꞋu.»

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 1:43

Njí ɡɛ ŋ́kiɛ, Yɛ́su zɑ́p ŋɡɔ ɑ ɡʉ ŋ́ɡʉ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́ɡʉ, ḿbuutɛ Filîp, ńcú mbɔ̌ wɛ́ ŋɡɔ cʉ́ɔ nzʉʉ mɔ.

Jɑ̂ŋ 2:1

Ɛ́ lɛɛ lɛ́Ꞌ pɛ́tɑ́t, yɛcɔ́ lɑ́ɑndɑ́ pɔ́ tʉ́sɔŋ-Kɑ́nɑ, tsɛt pɑk-ŋɡɔŋ-Ŋɡɑlilɛɛ, mɑ́ pɛ́ Yɛ́su pɔ́ zúꞋu.

Jɑ̂ŋ 4:54

Yɛ́su ɡɛ yɔ nu mɑ̌ɑmɑɑnɛ, ŋkɑ́ yi ɑ fúnɛ Judɛ̂ ḿbɛn Ŋɡɑlilɛɛ pɑ́Ꞌɑ, ɛ́ lɔk ḿbɔ́ nu mɑ̌ɑmɑɑnɛ mbɑ́ɑtɛ yɛ́pɑ́ yi ɑ ɡɛnɛ.

Jɑ̂ŋ 7:31

Nɛzɑ́ɑ pʉɔ tsɛt nɔɔ-lɑ́Ꞌ kɛ́ ḿbɔ́ ńzɑ́p tʉ́m nǔu wɛ́ zɑ́pnɛ, ḿbɔ́ ńcú ŋɡɔ, tɛ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ŋ́ɡɛ ńtɔ́ ḿbɛn ŋ́ɡɛ mɛcɔ́ mɛnu mɑ̌ɑmɑɑnɛ tɛ ɛ́ lɛɛ mi ŋu wɑ́ sɛ́ ŋ́ɡɛ lɑ́?

Jɑ̂ŋ 9:16

Pɛcɔ́ ntɑ́Ꞌ-Pɑfɑlísɑy cú ŋɡɔ, ŋu ẅí ɑ ɡɛnɛ yîyɑ́ nu, Sɛ́ zɛɛnɛ ḿbɔɔ wɛ́ túu, mbíꞋŋɡɔ ɛ́ ḿbɔ́ lɛ́Ꞌnji. Pɛcɔ́ pʉɔ pɔ́p cú ŋɡɔ, mbɔ ŋu kɛpɔŋ ɡɛ pɑ́Ꞌɑ lɑ́ ŋ́ɡɛ yîyɑ́ ntɛ́ mɛnu mɑ̌ɑmɑɑnɛ? Tɑ́kŋɛ ɡɔ́ɔ ŋ́kɛ́ ḿvu tsɛtsɛt pɔ́p.

Jɑ̂ŋ 10:41

Pʉɔ tɛ ńzɑ́ɑ tɔ́ nɛjɔ́ŋ yɛ́, ḿbɔ́ ńcú ŋɡɔ: «Jɑ̂ŋ ŋkɑɑ ɡɛ yɛcɔ́ nu mɑ̌ɑmɑɑnɛ pɔ́, lɑ́ kʉ̈ɔ́ lɑ́ yi ɑ kɑ cúnɛ nǔu ŋu mbɛ́ɛnɛ wɔ kɑ pɔ́ nu nɛ́nẅín.»

Jɑ̂ŋ 11:47

Pɛtɑ́tndɑ́-pɑnɔŋpɔꞋ, pɔ́p pɑfɑlísɑy ɡɔ́ɔ ɛ́fúŋ cúꞋlɛ-pɑsɑ́Ꞌ ŋɡɔŋ, ńtɔ́ tsɛtú ńcú ŋɡɔ: «Pɛkŋɛ ɡʉ ŋ́ɡɛ ŋɡɔ́ku? Ŋu wɔ sɛ́ ŋ́ɡɛ mɛnu mɑ̌ɑmɑɑnɛ tɛꞋ.

Jɑ̂ŋ 12:18

Ɛ́ yúu mi ɛ́ kɑ ɡɛnɛ lɑ́ lɑ́Ꞌ cẅɛt, ŋ́ɡʉ nɛzɑ́Ꞌ Yɛ́su, mbíꞋŋɡɔ pɔ́p kɑ zúꞋ pɑ́Ꞌ ɑ ɡɛnɛ yɔ nu mɑ̌ɑmɑɑnɛ.

Jɑ̂ŋ 16:27

Ɛ́ mbíꞋŋɡɔ kwɑꞋ jʉ́ Tɑ̌ɑ mɔ kɔŋ wʉ́ʉ. A kɔŋ wʉ́ʉ, mbíꞋŋɡɔ pʉʉ kɑ kɔŋ wɑ́ɑ, ḿbɛn ḿbɔ́ ḿbɛ́m ŋɡɔ ɛ fú mbɔ̌ Sɛ́.

Jɑ̂ŋ 16:30

Pɛk jí ŋkɔ̂ɔnɛ ŋɡɔ ɔ jí mbɑ kʉ̈ɔ́ lɑ́, tɛ ḿbiitɛ ńjí yúu mi pɛk lɔɔ nɛpíkŋɛ wú. Ɛ́ yúu mi ɛ́ ɡɛnɛ pɛk pɛ́m ŋɡɔ ɔ fú mbɔ̌ Sɛ́.»