Jɑ̂ŋ 19:31 - Kɑɑ Fí

³¹ Pɛ́ kɑ pɔ́ lɛ́Ꞌ ɛ̂yɑ́ ḿbɔ́ ńniitɛ lɛ́Ꞌnji-Pɑyúdɑ, ɛ́ pɛn mbɔɔ pɔŋ ŋɡɔ ɛ́ pɔ́ lɛ́Ꞌnji, mɛpfú-pʉɔ pɔ́ nǔu mɛtʉ́ mbɑ́ŋtɛ pɑ́ŋtɛ́nɛ pɔ́, yîyɑ́ nu zɛɛ ḿbɔ́ ŋ́ɡʉ ḿbɔ́ nji ɡwɛ́ tɛꞋ. Pɛkɛ́m-Pɑyúdɑ ɡʉ ńjʉ́ɔ Pilɑ́tɔ, ḿbúꞋ mbɔ́ mbɔ̌ wɛ́ ŋɡɔ ɑ ɡɛ pɛ́ pʉ̈ɔ́Ꞌtɛ mɛku-pʉɔ pí pɔ́p nǔu mɛtʉ́ mbɑ́ŋtɛ pɑ́ŋtɛ́nɛ, pɔ́p pfútɛ, pɛ́ fú nǔu mɛtʉ́ mbɑ́ŋtɛ pɑ́ŋtɛ́nɛ ŋ́kɔk wɔ́p.

Jɑ̂ŋ 19:31 Referans Kwoze

Jɑ̂ŋ 19:14

Ɛ́ pɔ́ lɛ́Ꞌ yi pɛ́ niitɛ́nɛ ndínɑ-Pɑ́skɑ, ɛ́ kɑ pɔ́ ntʉ̌ʉ nɛm. Pilɑ́tɔ cú mbɔ̌ Pɑyúdɑ ŋɡɔ: «Fɔɔ wʉʉ pʉ́ɔlɑ́.»

Jɑ̂ŋ 19:42

Pɑ́Ꞌ Pɑyúdɑ kɑ pɔ́ ńniitɛ mbʉʉ yɔp ntɛ́ lɛ́Ꞌnji yɔ́p lɑ́, zɑꞋ-njí pɔ́ ńdɛɛ, pɛ́ tíi pfú-Yɛ́su ńdɔk ŋ́ɡʉ ńníꞋ tsɛt nɛshi ni pɛ́ kɑ pɛ́t ɛ́sʉꞋ nǔu ŋɡɔꞋ. MbíꞋŋɡɔ ɛ́ kɑ pɔ́ pɔ nɛpɑt zúꞋu.

Mɑ́lɛ́kúshi 15:42

Ɛ́ ɡɛ ḿbɔ́ ntsuŋkẅɛ́Ꞌ, wɛcɔ́ ndʉ́m tɔ́. Lík yɛ́ pɔ́ ŋɡɔ Yɔsɛ̂p. A pɔ́ ŋu-Alimɑtɛ̂ɛ. A kɑ pɔ́ ŋu tsɛtsɛt pɑsɑ́Ꞌlɑ́Ꞌ, ḿbɔ́ ŋu pɛ́ ɡɛ mɛkuꞋ mɛ́ tɛꞋ. A nɑ́ŋ yɛ́ ḿbɔ́ ḿbyɛ́p ŋɡɔŋ-nɛfɔɔ-Sɛ́. Pɑ́Ꞌ ɛ́ kɑ ɡɔ́ ḿbɔ́ lɛ́Ꞌ-nɛniitɛ mbʉʉ lɑ́ lɛ́Ꞌnji-pɑyúdɑ zɛ mbɔ́tnjí ɛ̂wɑ́ lɑ́, Yɔsɛ̂p ɛ̂wɑ́ sʉk, ŋ́ɡʉ ńjʉ́ɔ Pilɑtɔ, ńdɔ́ɔ pfú-Yɛ́su nɛɡʉ ńdẅɛꞋ.

Jɑ̂ŋ 19:1

Pilɑ́tɔ ɡɔ́ɔ ŋ́kɛ́ ŋ́ɡɑ́ Yɛ́su ŋɡɔ pɛ́ lɔk ŋɡwɑɑ ńtswɑ́ɑ wɛ́.

Mɑtʉ̈ɔ 27:62

Njí ɡɛ ŋ́kiɛ, ɛ́ pɔ́ lɛ́Ꞌnji-Sɛ́ yi pɛ́ kɑ pɔ́ yɛcɔ́ lɛ́Ꞌ ḿbɔ́ ńniitɛ lɑ́. Pɛtɑ́tndɑ́-pɑnɔŋpɔꞋ pɔ́p pɑfɑlísɑy tɛmtɛ ńcúꞋlɛ njɛ́Ꞌ-Pilɑtɔ,