Jɑ̂ŋ 19:30 - Kɑɑ Fí

³⁰ A fíitɛ ńcú ŋɡɔ: «Nu tsʉʉ mɛ», ŋ́ɡɔ́ɔ ŋ́kɛ́ ńcɔ́ŋɛ tú yɛ́, ḿpfú.

Jɑ̂ŋ 19:30 Referans Kwoze

Jɑ̂ŋ 17:4

Ŋ kɑ ɡɛ pɛ́ jʉ́ɔ nɛɡúꞋ wu ndǔ tsɛ́tsɑ́Ꞌ. M mɛk fɑꞋ yí ɔ kɑ ɡɑ́nɛ mbɔ̌ mɔ.

Filipɛ 2:8

A kɑ pɛ́m nɛkɔk mbʉʉ yɛ́ ŋ́ɡɑ́ sɛ́, ḿbɛn ḿbɛ́m nɛzúꞋ ntsu-Sɛ́, tɛ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ɑ pfú.

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

Jɑ̂ŋ 10:11

Mbyɛ́p mbí wɛ sʉ́Ꞌnɛ pɔ́ pɔ mɔ. Mbyɛ́p mbí wɛ sʉ́Ꞌnɛ, ɡɑ́ tú yɛ́ ntɛ́ njinjɔ yɛ́.

Lúkɑ́shi 23:46

Yɛ́su nɑ́ŋ nǔu tʉ́ mbɑ́ŋtɛ pɑ́ŋtɛ́nɛ, tɛ ŋ́kíi nɛ́ ŋɡi tɛnnɛ, ńcú ŋɡɔ: «Tɑ̌ɑ mɔ, ŋ ɡɑ́ zẅikŋɛ yɑ́ɑ nǔu mbɔ́ mú. Ńcú pɔ́Ꞌɔ, ŋ́ɡɔ́ɔ ŋ́kɛ́ ńcʉ́ɔ.»

Pʉɔ-Lɔ́mɑ 10:4

Kɛlístɔ kɑ zɛɛ ńtɔ́, ncẅɛtnɛ-ndɑ́ nɛpʉ́ʉ lɔk ḿbuutɛ. Pɔ́Ꞌɔ, ŋu zɑ́p tʉ́m nǔu Kɛlístɔ lɑ Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Jɑ̂ŋ 19:28

Mɔnɛ mɛnu kɑ lɛɛ, Yɛ́su jí ŋkɔ̂ɔnɛ ŋɡɔ mbɑ kʉ̈ɔ́ lɑ́ kuꞋ, ńcú ŋɡɔ: «Gɑ́k yɑ́ɑ shí, ńcú pɑ́Ꞌnɛ nɛpɔ́ yi yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ɡʉ ḿbuutɛ.»

Mɑ́lɛ́kúshi 15:37

Lɑ́, Yɛ́su kíi nɛ́ ŋɡi tɛnnɛ, ńcʉ́ɔ.

Jɑ̂ŋ 10:18

Sɑ̌ɑ ŋu zɛɛ mbɔɔ kuꞋ nɛcẅɛ́ɛ luk yɑ́ɑ pɔ́, mɔ kɔŋnɛ ŋ́ɡɑ́ tú yɑ́ɑ. Ŋ kuꞋ nɛɡɑ́, ŋ́ɡɛ ḿbɛn ńcẅɛ́ɛ. Ɛ́ yúu mi tɑ̌ɑ mɔ kɑ cúnɛ ŋɡɔ ŋ ɡɛ.

Jɑ̂ŋ 4:34

Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑtʉ̈ɔ 27:50

Yɛ́su pɛn ŋ́kíi nɛ́ ŋɡi tɛnnɛ ŋ́ɡɔ́ɔ ńcʉ́ɔ.

Ɛ́bɛlʉʉ 9:22

Pɛ́ lɑɑ ńdíŋɛ nǔu ntɛ́ yɛ́ nɛpʉ́ʉ-Mɔ̌sɛ̂ɛ, mbɔ ḿbɔ́ pɛ́ cú ŋɡɔ pɛ́ lɔk mɛci-mɛnɑɑ, suk lɔ́Ꞌ nǔu nɛlʉ́m mɛyúu. Pɛ́ pɛn ńjí ŋɡɔ: Pɛ́ lɑɑ ŋ́kɛ́ mbɔɔ tswɛt mɛci pɔ́, Sɛ́ kɛ́ mbɔɔ mɛfɑɑnɛ pʉɔmɛsɔŋ likŋɛ.

Pʉɔ-Lɔ́mɑ 3:25

Sɛ́ kɑ lɔk wɛ́ ńnɔŋ pɔꞋ pɑ́Ꞌ mɛci mɛ́ ɡʉ ɛ́suk mɛnu kɛpɔŋ-pʉɔ pinɛ pɔ́p zɑ́pnɛ tʉ́m nǔu jʉ́ Kɛlístɔ. Pɑ́Ꞌ ŋu kɑ ɡẅɛɛnɛ nɛpfú nǔu mɛnu kɛpɔŋ-pʉɔ lɑ́, ɛ́ lɔk ńnyɛt ŋɡɔ Sɛ́ ɡɛ mɛnu mɛ́ ndʉ́ŋndʉŋ. Ɛ́ kɑ pɔ́ yɛcɔ́ ŋkɑ́, pʉɔmɛsɔŋ pɔ́ ŋ́ɡɛ nu kɛpɔŋ, jʉ́ Sɛ́ ɡɛ pɔ pɑ́Ꞌ ŋkɑ́ yi ɑ kɑ́ pɔ́ ńjʉ́ɔ pɔ́ lɑ́.

Mɑtʉ̈ɔ 3:15

Lɑ́ Yɛ́su pʉ̈ɔt mbɔ̌ wɛ́ ŋɡɔ: «Pɛ́m ŋɡɔ ɛ́ pɔ́ pɔ́Ꞌɔ, ŋkɔ̂ɔnɛ, pûu ɡɛ pɔ́Ꞌɔ, mbíꞋŋɡɔ ɛ́ píkŋɛ ŋɡɔ pûu ɡɛ yúu tsʉʉ yí Sɛ́ píkŋɛnɛ ɛ́ lɔk ḿbɔ́ ndʉ́ŋndʉŋ.» Jɑ̂ŋ ɡɔ́ɔ ŋ́kɛ́ ḿbɛ́m,

1 Kɔlɛ̂ŋtɛ 5:7

Pʉʉ cẅɛɛtɛ fɛntɛ-ndwɛn mɑt tsɛtsɛt pʉʉ, ńjí ŋɡɔ pʉʉ ɡʉ ḿbɔ́ kɛ́ lɔ́Ꞌ. Ɛ́ fú pɔ́Ꞌɔ, pʉʉ pɔ́ fɑlîn tsɛpnɛ yi ɛ́ pɛ́t pɔ yi fí, kɛ́ yɛcɔ́ fɛntɛ nǔu. Pʉʉ kɑ zɛɛ mɔ́ ńdɑ́Ꞌ ḿbɔ́ pɔ́Ꞌɔ, mbíꞋŋɡɔ pɛ́ kɑ lɔk Kɛlístɔ ńnɔŋ pɔꞋ, ɛ́ pɔ́ pɑ́Ꞌ wɛkŋɛ mɔ́ɔ-njinjɔ-ndínɑ-Pɑ́skɑ lɑ́.

Lúkɑ́shi 22:37

N cú pɑꞋnɛ, nu yí pɛ́ kɑ ŋwɑꞋnɛnɛ ntɛ́ wɑ́ɑ sɛ́ ŋ́ɡʉ ḿbuutɛ. Pɛ́ kɑ ŋwɑꞋnɛ tsɛt ŋwɑꞋnɛ ŋɡɔ: «Pɛ́ ɡʉ ńdɑ́Ꞌ ɛ́sɑ́ŋ wɛ́ tsɛtsɛt pɛfút. Mbɑ kʉ̈ɔ́ lɑ́ kɛ ḿbɔ́ pɑꞋnɛ ńzɛ zɛnɛ nɛpuutɛ.»