Jɑ̂ŋ 19:25 - Kɑɑ Fí

²⁵ Mɑ́ pɛ́ Yɛ́su pɔ́p mɔ́ɔmɑ́ wɛ wɛ mɑŋɡɛ́, ŋ́ɡɛ Mɑlíyɑ nzwɛ́-Kɛlɔ́pɑs, mbɑ Mɑlíyɑ-Mɑkdɑlɑ kɑ tʉ́ʉ mbʉʉ tʉ́ mbɑ́ŋtɛ pɑ́ŋtɛ́nɛ-Yɛ́su.

Jɑ̂ŋ 19:25 Referans Kwoze

Lúkɑ́shi 23:49

Ŋɡɔŋ pɛsúu-Yɛ́su, tɛ mbɑ pɑŋɡɛ́ pinɛ pɔ́p kɑ fúnɛ Ŋɡɑlilɛɛ cʉ́ɔ nzʉʉ yɛ, kɑ tʉ́ʉ pɔ tɛ nzʉʉ lɑ ńjʉ́ɔ mɔ mɛnu.

Jɑ̂ŋ 20:1

Ɛ́ ɡɛ ḿbɔ́ Sɔ́ndii, nduŋmbi lɛ́Ꞌlɑ́Ꞌ nǔu ŋɡɑplɑ́Ꞌ, lɑ́ ḿbɛ́t ḿbɔ́ pɔ mbɑꞋmbɑꞋɑ́, zʉꞋ pɛ́t kɛ́ fúk, Mɑlíyɑ-Mɑkdɑlɑ ɡʉ zʉꞋ-nɛshi, ŋ́kúu zúꞋu, ńjʉ́ɔ mbɔ pɛ́ lɑ́Ꞌ ɛ́fú ntsu-nɛshi, ŋ́kẅɛ́Ꞌlɛ ŋɡɔꞋ.

Lúkɑ́shi 24:18

Wɛcɔ́ tɑ́Ꞌ nǔu pɔ́p, lík yɛ́ pɔ́ ŋɡɔ Kɛlɛ́ɔpɑs píkŋɛ wɛ́ ŋɡɔ: «Pʉɔ tsʉʉ Yɛlúsɑlɛm jí yúu mi ɛ́ kɑ ɡɛnɛ Yɛlúsɑlɛm nǔu mɛlɛ́Ꞌ mɔ, tɛ ɛ́ tsʉ́Ꞌ pɔ ndɑꞋ ɡu kɛkʉ̈ɔ́?»

Lúkɑ́shi 8:2

Pɛcɔ́ mbɔ́ntɑ́Ꞌ-pɑŋɡɛ́ pɔ́ yɔ́p tsɛtsɛt, ḿbɔ́ pinɛ ɑ kɑ zɔŋnɛ mɛɡɔɔ nǔu pɔ́p, ŋ́ɡɛ pinɛ ɑ kɑ zuŋnɛ mɛzẅikŋɛ kɛpɔŋ mi ɛ́ ḿbɔ́nɛ nǔu pɔ́p ḿbɔ́ ḿbɑ́klɛ wɔ́p. Yɔ ḿbɔ́ Mɑlíyɑ ẅi ɑ fúnɛ Mɑkdɑlɑ mbɔ Yɛ́su kɑ zuŋ mɛzẅikŋɛ kɛpɔŋ sɑɑmbɑ́ nǔu wɛ́,

Lúkɑ́shi 2:35

Ɛ́ lɛɛ pɔ́Ꞌɔ, lɑ mɛkwɑŋɛ mi ɛ́ mɛlɔ́ŋ-pʉɔ cẅɛt mɑ́ntɑ́ɑ. Ɛ́ ɡʉ nǔu ɡu Mɑlíyɑ, mbɔ nu ɡʉ ńdɑ́Ꞌ ŋ́ɡɛ wú tɛ ɔ zúꞋ ɛ́ pɔ́ pɔ pɑ́Ꞌɑ pɛ́ lɔk mɔ́níi ɛ́sɔp tʉ́m yú lɑ́.»

Mɑ́lɛ́kúshi 16:9

Yɛ́su kɑ zẅíimɛ nǔu nɛvú, mbɑꞋmbɑꞋɑ́ nduŋmbi lɛ́Ꞌ nǔu ŋɡɑplɑ́Ꞌ, ḿbiitɛ ńnyɛt mbʉʉ yɛ mbɔ̌ Mɑlíyɑ-Mɑkdɑlɑ wɑ́ ẅi mɛzẅikŋɛ kɛpɔŋ sɑɑmbɑ́ kɑ ɡẅɛɛnɛ wɛ́ ḿbɔ́ ḿbúunɛ wɛ́ lɑ́; Yɛ́su cẅɛ́ɛ wɛ́ mbɔ̌ pɔ́p lɑ́.

Mɑtʉ̈ɔ 12:46

Yɛ́su kɑ pɛ́t ɛ́sẅíŋɛ mbɔ̌ lɑ́Ꞌ sẅiŋɛ́nɛ, mɑ́ wɛ pɔ́p pɔ́ɔpɛ́mɑ́ pɛ́ tɔ́, ńtʉ́ʉ píi ḿbɔ́ ńdɔɔ nɛjʉ́ɔ wɛ́.