Jɑ̂ŋ 19:14 - Kɑɑ Fí

¹⁴ Ɛ́ pɔ́ lɛ́Ꞌ yi pɛ́ niitɛ́nɛ ndínɑ-Pɑ́skɑ, ɛ́ kɑ pɔ́ ntʉ̌ʉ nɛm. Pilɑ́tɔ cú mbɔ̌ Pɑyúdɑ ŋɡɔ: «Fɔɔ wʉʉ pʉ́ɔlɑ́.»

Jɑ̂ŋ 19:14 Referans Kwoze

Mɑtʉ̈ɔ 27:62

Njí ɡɛ ŋ́kiɛ, ɛ́ pɔ́ lɛ́Ꞌnji-Sɛ́ yi pɛ́ kɑ pɔ́ yɛcɔ́ lɛ́Ꞌ ḿbɔ́ ńniitɛ lɑ́. Pɛtɑ́tndɑ́-pɑnɔŋpɔꞋ pɔ́p pɑfɑlísɑy tɛmtɛ ńcúꞋlɛ njɛ́Ꞌ-Pilɑtɔ,

Jɑ̂ŋ 19:5

Yɛ́su ɡɔ́ ńcẅɛt, ńtɔꞋ cɔꞋ-mɛnzɔ́ŋ, ḿmɑꞋ pɑŋ ndẅí. Pilɑ́tɔ cú mbɔ̌ pɛkɛ́m-Pɑyúdɑ ŋɡɔ: Ŋu wɑ́ pʉ́ɔlɑ́.

Jɑ̂ŋ 19:42

Pɑ́Ꞌ Pɑyúdɑ kɑ pɔ́ ńniitɛ mbʉʉ yɔp ntɛ́ lɛ́Ꞌnji yɔ́p lɑ́, zɑꞋ-njí pɔ́ ńdɛɛ, pɛ́ tíi pfú-Yɛ́su ńdɔk ŋ́ɡʉ ńníꞋ tsɛt nɛshi ni pɛ́ kɑ pɛ́t ɛ́sʉꞋ nǔu ŋɡɔꞋ. MbíꞋŋɡɔ ɛ́ kɑ pɔ́ pɔ nɛpɑt zúꞋu.

Mɑ́lɛ́kúshi 15:25

Pɔ́p kɑ pɔ́ ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ pɔ́Ꞌɔ, nǔu nɛm yɛ́nɛ́pfuꞋú mbɑꞋmbɑꞋɑ́.

Jɑ̂ŋ 19:3

Ḿbɔ́ ŋ́kẅɛ́Ꞌlɛ ńtɔ́ nɛjɔ́ŋ yɛ́, ńtuŋɛ wɛ́ ŋɡɔ: Pɛ́ cɛꞋlɛ fɔɔ-Pɑyúdɑ! Ńtɛ́m mbɔ́ mɛtúutɛ́ wɛ́.

Lúkɑ́shi 23:54

A kɑ pɔ́ ńníꞋ pɔ́Ꞌɔ mbɔ́tnjí Fɛlɑ́dɛ̂ɛ, pɔ́p pɔ́ niitɛ mbʉʉ pɑꞋ lɛ́Ꞌnji yɔ́p sɛ́ ŋ́ɡʉ ńzɛ.

Mɑ́lɛ́kúshi 15:42

Ɛ́ ɡɛ ḿbɔ́ ntsuŋkẅɛ́Ꞌ, wɛcɔ́ ndʉ́m tɔ́. Lík yɛ́ pɔ́ ŋɡɔ Yɔsɛ̂p. A pɔ́ ŋu-Alimɑtɛ̂ɛ. A kɑ pɔ́ ŋu tsɛtsɛt pɑsɑ́Ꞌlɑ́Ꞌ, ḿbɔ́ ŋu pɛ́ ɡɛ mɛkuꞋ mɛ́ tɛꞋ. A nɑ́ŋ yɛ́ ḿbɔ́ ḿbyɛ́p ŋɡɔŋ-nɛfɔɔ-Sɛ́. Pɑ́Ꞌ ɛ́ kɑ ɡɔ́ ḿbɔ́ lɛ́Ꞌ-nɛniitɛ mbʉʉ lɑ́ lɛ́Ꞌnji-pɑyúdɑ zɛ mbɔ́tnjí ɛ̂wɑ́ lɑ́, Yɔsɛ̂p ɛ̂wɑ́ sʉk, ŋ́ɡʉ ńjʉ́ɔ Pilɑtɔ, ńdɔ́ɔ pfú-Yɛ́su nɛɡʉ ńdẅɛꞋ.

Mɑtʉ̈ɔ 27:45

Tẅɛp kɑ pɔ́ tɛ ŋ́kuꞋ, zʉꞋ tsʉʉ ndǔ ŋɡɔŋ puu sʉ́ʉ, tɛ ńdɑ́Ꞌ ŋ́kúu nǔu nɛm yɛ́tɑ́t mbɔ́tnjí.

Lúkɑ́shi 23:44

Mbɔ́t nɛm ɡɛ ŋ́kuꞋ, mɔ́nɛm pɛ́, túꞋ puu sʉ́ʉ tsɛt ŋɡɔŋ tsʉʉ tɛ ŋ́kúu nǔu nɛm yɛ́tɑ́t mbɔ́t njí.