Jɑ̂ŋ 18:38 - Kɑɑ Fí

³⁸ Pilɑ́tɔ cú nɛ́ jʉ́ ŋɡɔ: «Nu nɛ́nẅín ɛ́ yɛ́t?» Ńcú pɔ́Ꞌɔ, ḿbɛn ɛ́fú ndɑ́ ńcẅɛt, ŋ́ɡʉ ńjʉ́ɔ pɛkɛ́m-Pɑyúdɑ píi. Ńcú nɛ́ pɔ́p ŋɡɔ: «N zɛɛ ḿbɔɔ ńjʉ́ɔ yúu mi pɛ́ ɡʉ ńdɛɛ nǔu lɑ ńcú ŋɡɔ ŋu wɔ vu ntsɑŋ pɔ́.

Jɑ̂ŋ 18:38 Referans Kwoze

Jɑ̂ŋ 19:4

Pilɑ́tɔ pɛn ńcẅɛt píi ńcú mbɔ̌ pɛkɛ́m-Pɑyúdɑ ŋɡɔ: «Ŋ ɡʉ ńdɔk ŋu ɛ̂wɑ́ ńtɔ́ ŋ́ɡɑ́ mbɔ̌ pʉʉ. Pʉʉ kɛ́ ńjí ŋɡɔ ŋ kɑ́ jʉ́ɔ yɛcɔ́ yúu mi ɑ fɑɑnɛ́nɛ pɔ́.»

Jɑ̂ŋ 19:6

Lɑ́ pɛtɑ́tndɑ́-pɑnɔŋ pɔꞋ pɔ́p pɑpyɛ́p zʉꞋ-nɔŋpɔꞋ jʉ́ɔ Yɛ́su, ńzɛ nɛɡɑ́ ɡwɑ́t ŋɡɔ: «Kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.» Pilɑ́tɔ cú mbɔ̌ pɔ́p ŋɡɔ pʉʉ kɔ wɛ́, kwɑꞋ pʉʉ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Ŋ kɑ́ pɔ́ ńjʉ́ɔ yúu mi pɛ́ ɡʉ ńdɛɛ nǔu, lɑ ńjẅí wɛ́ pɔ́.

Lúkɑ́shi 23:4

Pilɑ́tu cú mbɔ̌ Pɛtɑ́tndɑ́-pɑnɔ́ŋpɔꞋ mbɑ mbɔ̌ lɑ́Ꞌ ŋɡɔ: «Mɔ sɛ́ ḿbɔɔ ńjʉ́ɔ yúu mi ŋu wɔ fɑɑnɛ́nɛ tɛ ḿbɔ́ pɛ́ cú ŋɡɔ ɑ vu ntsɑŋ pɔ́.»

ŊwɑꞋnɛ-Gɑŋntúu Yɛ́su Kɛlístɔ 17:32

Pɑŋɡɛlɛ́k pɔ́ tɛ ńzúꞋ pɑ́Ꞌ Pɔ̂l cúnɛ ŋɡɔ ŋu kɑ zẅíimɛ nǔu nɛvú, pɛcɔ́ pʉɔ pɔ́p pɔ́ ńzɔɔtɛ wɛ́, pɛcɔ́ cú nɛ́ jʉ́ ŋɡɔ: «Pɛk ɡʉ ńdɑ́Ꞌ yɛcɔ́ lɛ́Ꞌ lɑ́ ḿbɛn zẅíꞋlɛ nu yi ɔ cúnɛ lɑ́!»

1 Pyɛ̂ 1:19

A kɑ lɔk pɔ tʉʉndɛn mɛci-Kɛlístɔ ẅí yɛcɔ́ nu kɛpɔŋ kɑ́ pɔ́ nǔu wɛ́ pɔ́, yɛcɔ́ lɔ́Ꞌ kɛ́ mbɔɔ nǔu wɛ́ pɔ́. Kɛlístɔ kɑ pɔ́ pɑ́Ꞌ mɔ́ɔ-njinjɔ ẅí pɛ́ kɑ jẅínɛ wɛ́ ńdɔk ńnɔŋ pɔꞋ.

Mɑ́lɛ́kúshi 15:14

Pilɑtɔ píkŋɛ wɔ́p ŋɡɔ: «KwɑꞋ nu kɛpɔŋ yí ɑ ɡɛnɛ ɛ́ kʉ̈ɔ́?» Lɑ́, lɑ́Ꞌ pɛn ŋ́kẅiꞋ ŋ́ɡɑ́ ɡwɑ́t ŋɡɔ: «Kɛ́ ŋ́kẅii wɛ́ kẅiinɛ!»

Mɑtʉ̈ɔ 27:24

Pilɑtɔ jʉ́ɔ ŋɡɔ yɛcɔ́ nɛɡɛ kɑ́ pɔ́ ɡú pɔ́, ḿbɔ́ ńjʉ́ɔ ŋɡɔ mbɔ ɛ́ shɔtnɛ pʉɔ tɑ́k zʉꞋ, ŋ́ɡɔ́ɔ ŋ́kɛ́ ńtíi ŋki, ɛ́suk mbɔ́ mɛ́ mbi-lɑ́Ꞌ, ńcú ŋɡɔ: «Ŋ kɑ́ ɡẅɛɛ nu nǔu nu-ŋu wɑ́ pɔ́, ɛ́ sɛ́ ńdíŋɛ pɔ wʉ́ʉ.»

Jɑ̂ŋ 18:33

Pilɑ́tɔ ɡɔ́ɔ ḿbɛn ndɑ́, ŋ́ɡɛ Yɛ́su tɔ́, ɑ píkŋɛ wɛ́ ŋɡɔ: «Ɔ fɔɔ-Pɑyúdɑ ɔɔ?»