Jɑ̂ŋ 18:35 - Kɑɑ Fí

³⁵ Pilɑ́tɔ tsɔ́Ꞌ ŋɡɔ: «Ɔ zúꞋ ŋɡɔ mɔ ŋu Pɑyúdɑ? Pɑlɑ́Ꞌ pʉ́ʉ pɔ́p pɛkɛ́m-pɑnɔŋpɔꞋ fɛnnɛ wú mbɔ̌ mɔ. Ɔ kɑ ɡɛ ku?»

Jɑ̂ŋ 18:35 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 23:29

Lɑ́ ńjʉ́ɔ ŋɡɔ pɔ́p fɛn wɛ́ pɔ nǔu yɛcɔ́ mɔ́zʉꞋ nǔu nɛpʉ́ʉ nɔ́p ni pɔ́p pɛpɔ́p kɑ́ sẅiŋɛ ńzúꞋnɛ nǔu pɔ́. M bɛn ŋ́kɛ́ ḿbɔɔ jʉ́ɔ yɛcɔ́ yúu mi ḿbɔ́ pɛ́ lɛɛ nǔu ńjẅí wɛ́ kɛ ńníꞋ wɛ́ pɔ tsɑ́ŋ pɔ́.

ŊwɑꞋnɛ-Gɑŋntúu Yɛ́su Kɛlístɔ 21:38

Ńjí ŋɡɔ ɔ lɔk ḿbɔɔ pɔ́ ŋu-Ɛɡíptɔ wɑ́ ẅi ɑ kɑ tɔ́nɛ zɑꞋnɛ, ńnɔŋ nzɔŋɛ, ńcúꞋlɛ pʉɔ ntsɑ́Ꞌ yɛ́nɛ́kwɑ ńdɔk ńcʉ́ɔ kɔ̂ŋtɛt lɑ́ pɔ́ kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 3:13

Ɛ́ pɔ́ pɔ ŋɡɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, mbɑ wɛ Yɑkɔ̂p, mbɔ Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɑ́nɛ nɛɡúꞋ mbɔ̌ ŋɡɑŋfɑꞋ wɛ Yɛ́su. Mbɔ pʉʉ kɑ fɛn wɛ́ mbɔ̌ pɑsɑ́Ꞌlɑ́Ꞌ, ḿmuŋɛ wɛ́ mbi Pilɑ́tu. Lɑ́, mbɔ ɑ kɑ ŋɑk ntsɑŋ Yɛ́su ɛ̂wɑ́ tɛ ńzɑ́p ŋɡɔ pɛ́ nɑ́ wɛ́.

Jɑ̂ŋ 19:11

Yɛ́su tsɔ́Ꞌ mbɔ̌ wɛ́ ŋɡɔ: «Sɛ́ lɑɑ ḿbɛ́t kɛ́ ɡɑ́ mɛtʉʉ mbɔ̌ ɡu, ɔ pɔɔ kuꞋ nɛɡɛ yɛcɔ́ yúu nǔu mɔ pɔ́. Ɛ́ yúu mi ɛ́ kɑ ɡɛnɛ lɑ ŋu ẅí ɑ kɑ fɛnnɛ wɑ́ɑ mbɔ̌ ɡu, yɛ́ nu kɛpɔŋ lɛɛ yú.»

Jɑ̂ŋ 19:6

Lɑ́ pɛtɑ́tndɑ́-pɑnɔŋ pɔꞋ pɔ́p pɑpyɛ́p zʉꞋ-nɔŋpɔꞋ jʉ́ɔ Yɛ́su, ńzɛ nɛɡɑ́ ɡwɑ́t ŋɡɔ: «Kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.» Pilɑ́tɔ cú mbɔ̌ pɔ́p ŋɡɔ pʉʉ kɔ wɛ́, kwɑꞋ pʉʉ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Ŋ kɑ́ pɔ́ ńjʉ́ɔ yúu mi pɛ́ ɡʉ ńdɛɛ nǔu, lɑ ńjẅí wɛ́ pɔ́.

Jɑ̂ŋ 18:28

Pɛ́ fú ntɔ́Ꞌ-Kɑyífɑ, ńdɔk Yɛ́su ŋ́ɡʉ nɛ́ njɛ́Ꞌ-ŋɡɔ́mnɑɑ-Pʉɔ-Lɔ́mɑ. Ɛ́ pɔ́ mbɑꞋmbɑꞋɑ́. Pɛkɛ́m pí pɔ́p lɔknɛ Yɛ́su ńtɔ́ kɛ́ mbɔɔ yɔ́p ndɑ́ ŋɡɔ́mnɑɑ kúu, ḿbɔ́k nɛtíi lɔ́Ꞌ, ɛ́ tɔꞋ wɔ́p nɛjʉ́ ndínɑ-Pɑ́skɑ.

Jɑ̂ŋ 18:34

Yɛ́su tsɔ́Ꞌ ŋɡɔ: «KwɑꞋ ɡu kɛ́ nɛ́ ŋ́kwɑŋɛ ńcú, kɛ pɛcɔ́ pʉɔ sẅíi wú ŋɡɔ mɔ fɔɔ?»

Jɑ̂ŋ 18:36

Yɛ́su tsɔ́Ꞌ ŋɡɔ: «Nɑ́ɑ nɛfɔɔ kɑ́ pɔ́ nɛ́ yɔ mbí pɔ́. Nɛfɔɔ nɑ́ɑ pɛ́Ꞌnɛ ḿbɔ́ nɛ́ yɔ mbí, mbɔ pʉɔ pɑ́ɑ lɑ́Ꞌ mbɔɔ nɑ́ nzʉʉ yɑɑ, tɛ pɛ́ níꞋ wɑ́ɑ mbɔ̌ pɛkɛ́m-Pɑyúdɑ pɔ́. Lɑ́, n zɛɛ ńcú ŋɡɔ nɑ́ɑ nɛfɔɔ kɑ́ pɔ́ nɛ́ ndǔmbí yɔ pɔ́.»