Jɑ̂ŋ 18:12 - Kɑɑ Fí

¹² Nɔɔ-pɑlʉ̈ɔ́Ꞌntsɔ, pɔ́p pɛtɑ́tndɑ́-pɑnɔŋ pɔꞋ pɔ́p pɑpyɛ́p zʉꞋ-nɔŋpɔꞋ, pí pɛkɛ́m-Pɑyúdɑ lɑ́Ꞌnɛ ńtúu, ɡɔ́ɔ ŋ́kɛ́ ŋ́ɡẅɛɛ Yɛ́su, ŋ́kút wɛ́.

Jɑ̂ŋ 18:12 Referans Kwoze

Jɑ̂ŋ 18:3

Jẅidɑ nɑ́ŋ tɛ ńtɔ́, ḿbɔ́ mbi tsɛtsɛt pɑlʉ̈ɔ́Ꞌntsɔ-Lɔ́mɑ pɔ́p pɑpyɛ́p ndɑ́-nɔŋpɔꞋ, pí pɛtɑ́tndɑ́-pɑnɔŋ pɔꞋ pɔ́p pɑfɑlísɑy lɑ́Ꞌnɛ ńtúu. Pɔ́p ɡẅɛ mɛkyɛꞋ múk, nɛ́ túlúkɑ́ŋ, mbɑ yúu-ntsɔ.

Mɑtʉ̈ɔ 26:57

Pʉɔ pínɛ pɔ́p ɡẅɛɛnɛ Yɛ́su lɔk wɛ́ ŋ́ɡʉ nɛ́ ntɔ́Ꞌ-Kɑyífɑ. A pɔ́ nɔŋpɔꞋ wɛ ɡwɛ́. Mbɔ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɛkɛ́m-lɑ́Ꞌ tɛmtɛ ńcúꞋlɛ zúꞋu.

ŊwɑꞋnɛ-Gɑŋntúu Yɛ́su Kɛlístɔ 21:37

Pɛ́ ɡʉ tɛ ńtsʉ́Ꞌ nɛníꞋ Pɔ̂l tsɛt ŋkɑ́Ꞌ-pɑlʉ̈ɔ́Ꞌntsɔ, ɑ cú mbɔ̌ Tɑ́tndɑ́-pɛtɑ́tndɑ́-ntsɔ ŋɡɔ: «Tɛ ɛ́ lɑɑ ḿbɔ́ pɛ́ pɛ́m n cú nu?» Ndʉ́m ɛ̂wɑ́ tsɔ́Ꞌ ŋɡɔ: «Ɔ zɛɛ ńjí nɛsẅíŋɛ cú-Ŋɡɛlɛk kɛ?

ŊwɑꞋnɛ-Gɑŋntúu Yɛ́su Kɛlístɔ 21:31

Pɑyúdɑ pɔ́ pɔ́Ꞌɔ, ḿbɔ́ ńdɔɔ nɛjẅí Pɔ̂l. Lɑ́ vɑꞋ vu Yɛlúsɑlɛm pɔ́Ꞌɔ, yɔ nu vu nɛtúutɛ Tɑ́tndɑ́-pɛtɑ́tndɑ́-ntsɔ-Pɑlɔ́mɑ. A zúꞋ ŋɡɔ vɑꞋ jʉ́ tʉ́sɔŋ-Yɛlúsɑlɛm,

Lúkɑ́shi 22:54

Pɔ́p ɡẅɛɛ Yɛ́su ńdɔk ŋ́ɡʉ nɛ njɛ́Ꞌ tɑ́tndɑ́-pɑnɔ́ŋpɔꞋ, Pyɛ̂ cʉ́ɔ nzʉʉ pɔ́p, lɑ́ ŋ́kɛ́ ḿbɔ́ pɔ ŋɡɑ sɛsɑ.

Mɑ́lɛ́kúshi 15:1

Njí ɡɛ ḿbɔ́ ŋ́kiɛ, pɛtɑ́tndɑ́-pɑnɔŋpɔꞋ, pɔ́p pɛkɛ́m mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pɔ́p pɑsɑ́Ꞌlɑ́Ꞌ pɛtsʉʉ mʉ́ʉ mbɑꞋmbɑꞋɑ́, ŋ́ɡɛ cúꞋlɛ, ŋ́kút Yɛ́su, ńdɔk wɛ́ ŋ́ɡʉ ŋ́ɡɑ́ mbɔ̌ Pilɑtɔ.

Mɑ́lɛ́kúshi 14:53

Pɔ́p lɔk Yɛ́su ŋ́ɡʉ nɛ́ ntɔ́Ꞌ-nɔŋpɔꞋ wɛ ɡwɛ́. Mbɔ pɛtɑ́tndɑ́-pɑnɔŋpɔꞋ, pɔ́p pɛkɛ́m-lɑ́Ꞌ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ lɑ́Ꞌ ńtɛmtɛ ńcúꞋlɛ zúꞋu.

Mɑtʉ̈ɔ 27:2

pɔ́Ꞌɔ lɑ́, ŋ́ɡɛ pɛ́ kút wɛ́, ńdɔk wɛ́ ŋ́ɡʉ ŋ́ɡɑ́ mbɔ̌ ŋɡɔ́mnɑɑ Pilɑtɔ.

ŊwɑꞋnɛ-Gɑŋntúu Yɛ́su Kɛlístɔ 23:10

Pɛ́ ɡɑ́Ꞌ nɛzɔŋ. Tɑ́tndɑ́-pɛtɑ́tndɑ́-ntsɔ-Lɔ́mɑ jʉ́ɔ ḿbɔ́k, ŋɡɔ pɔ́p ɡʉ ńcitɛ Pɔ̂l mɛkɛm mɛkɛm, ńcú mbɔ̌ pɑlʉ̈ɔ́Ꞌntsɔ ŋɡɔ pɔ́p fɛ́Ꞌnɛ ḿpfúu, ŋ́ɡɛ pɛ́ lɔk Pɔ̂l ɛ́fú zʉꞋ yi pɛ́ ŋɑknɛ ntsɑŋ zúꞋu ńcẅɛt, ŋɡɔ pɔ́p lɔk wɛ́ ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ.

Mɑtʉ̈ɔ 27:27

Pɑlʉ̈ɔ́Ꞌntsɔ-pɑlɔ́mɑ ɡɔ́ɔ ŋ́kɛ́ ńdɔk Yɛ́su ŋ́ɡʉ ntɔ́Ꞌ-ŋɡɔ́mnɑɑ, pɔ́p pɛtsʉʉ cúꞋlɛ ńzɛmɛ wɛ́ ńníꞋ sɔŋ,

ŊwɑꞋnɛ-Gɑŋntúu Yɛ́su Kɛlístɔ 10:1

Wɛcɔ́ ŋu pɔ́ tʉ́sɔŋ-Sɛ́zɑlɛ̂, lík yɛ́ pɔ́ ŋɡɔ Kɔ̂lnɛ́ɛ, ɑ pɔ́ wɛcɔ́ tɑ́Ꞌ tɑ́tndɑ́-pɑlʉ̈ɔ́Ꞌntsɔ-pɑlɔ́mɑ ḿbɔ́ ɛ́sɑ́Ꞌ pʉɔ ŋkʉ. Pɛ́ fúŋ yîyɑ́ nɔɔ ŋɡɔ nɔɔ yɛ́ Itɑ́lîi.