Jɑ̂ŋ 16:27 - Kɑɑ Fí

²⁷ Ɛ́ mbíꞋŋɡɔ kwɑꞋ jʉ́ Tɑ̌ɑ mɔ kɔŋ wʉ́ʉ. A kɔŋ wʉ́ʉ, mbíꞋŋɡɔ pʉʉ kɑ kɔŋ wɑ́ɑ, ḿbɛn ḿbɔ́ ḿbɛ́m ŋɡɔ ɛ fú mbɔ̌ Sɛ́.

Jɑ̂ŋ 16:27 Referans Kwoze

Jɑ̂ŋ 14:21

Ŋu lɑɑ ŋ́ɡẅɛɛ nɛpʉ́ʉ nɑ́ɑ, ḿbɔ́ ńnɛn nǔu, mbɔ ŋɡɑŋ ŋu ẅí ɑ sɛ́ ŋ́kɔŋ wɑ́ɑ. Tɑ̌ɑ mɔ ɡʉ ŋ́kɔŋ ŋu ẅí ɑ kɔŋnɛ wɑ́ɑ, mbɑ mɔ yɑ́ɑ m bɛn ŋ́kɔŋ ẅîwɑ́ ŋu, ŋ́ɡɛ ɑ jí wɑ́ɑ.

Jɑ̂ŋ 14:23

Yɛ́su tsɔ́Ꞌ mbɔ̌ wɛ́ ŋɡɔ: «Ŋu lɑɑ ŋ́kɔŋ wɑ́ɑ, mbɔ ɑ ɡʉ ŋ́ɡẅɛɛ sẅiŋɛ yɑ́ɑ. Tɑ̌ɑ mɔ pɛn ŋ́kɔŋ wɛ́, pɛk Tɑ̌ɑ mɔ tɔ́ ńtsɛ́t wɛ́, ńtsʉ́Ꞌ ńnɑ́ŋ pɔ tsɛt tʉ́m yɛ́.

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

1 Kɔlɛ̂ŋtɛ 16:22

Ŋu lɑɑ mbɔɔ kɔŋ Tsɑpʉɔ Yɛ́su pɔ́, Sɛ́ níꞋ ndɔɔ tú-ŋɡɑŋ. Mɑlɑnɑtɑ Tsɑpʉɔ wɛk, tɔ́!

Jɑ̂ŋ 8:42

Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

2 Kɔlɛ̂ŋtɛ 5:14

Yɛ́k pɔ́ pɔ ŋɡɔ pɑ́Ꞌ Kɛlístɔ kɔŋnɛ wɛkŋɛ lɑ́, pɛk sɛ́ ńzúꞋ pɔ ntsu wɛ́. Pɛk sɛ́ ńtsuŋ ńjí ŋɡɔ tɑ́Ꞌ ŋu wɛ́mɔ́Ꞌ kɑ pfú nǔu tú-pʉɔ tsʉʉ. Ɛ́ lɔk pɔ́Ꞌɔ, ḿbɔ́ ŋɡɔ pɔ́p pʉɔ pɛtsʉʉ kɑ tɛmtɛ ḿpfú.

Jɑ̂ŋ 16:30

Pɛk jí ŋkɔ̂ɔnɛ ŋɡɔ ɔ jí mbɑ kʉ̈ɔ́ lɑ́, tɛ ḿbiitɛ ńjí yúu mi pɛk lɔɔ nɛpíkŋɛ wú. Ɛ́ yúu mi ɛ́ ɡɛnɛ pɛk pɛ́m ŋɡɔ ɔ fú mbɔ̌ Sɛ́.»

Mɑtʉ̈ɔ 10:37

Ŋu kɔŋ tɑ́t wɛ kɛ pɔ mɑ́ wɛ ɔɔ, tɛ ńdɛɛ wɑ́ɑ, mbɔ ŋɡɑŋ kɑ́ kuꞋ nɛpɔ́ wɑɑ ŋu pɔ́. Ŋu kɔŋ mɔ́ɔ nɛ wɛ mbɛ́ɛnɛ kɛ wɛ mɑŋɡɛ́ ɔɔ tɛ ńdɛɛ wɑ́ɑ, mbɔ ɑ kɑ́ kuꞋ nɛpɔ́ wɑɑ ŋu pɔ́.

Mɛnu ɛ́ ńdɑ́Ꞌ ńcẅɛt 3:19

Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.

Mɛnu ɛ́ ńdɑ́Ꞌ ńcẅɛt 3:9

Ŋ ɡʉ ŋ́ɡɛ ɛ́fɛn pʉɔ-cúꞋlɛ-Sɑ́ttɑ mbɔ̌ pʉʉ, ḿbɔ́ ɡɑŋcɔtnu pi pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú. Mɔ, ŋ ɡʉ tsʉ́ʉnɛ wɔ́p, pɔ́p tɔ́ ŋ́kẅíꞋlɛ mbi pʉʉ, ḿbɛ́m ŋɡɔ ŋ kɔŋ wʉ́ʉ.

Ɛ́fɛ̂zɛ 6:24

Sɛ́ pɔ́ mbɔ̌ ŋu tsʉʉ ẅí ɑ kɔŋnɛ Tsɑpʉɔ wɛkŋɛ Yɛ́su Kɛlístɔ nɛ́ ntɛ́ ŋkɔŋɛ yi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́.

Ɛ́bɛlʉʉ 12:6

mbíꞋŋɡɔ Tsɑpʉɔ sɑ́Ꞌ pɔ ŋu ẅi ɑ sɛ́ ŋ́kɔŋ wɛ́.» A lɔk kɛm yúu ńtswɑ́ɑ mbɑ wɔ̌ lɑ́ ẅi jʉ́ Sɛ́ jínɛ ŋɡɔ ɑ mɔ́ɔ nɛ.

1 Timɔtɛ́ɛ 1:15

Yɛ́su Kɛlístɔ kɑ tɔ́ ndǔmbí nɛɡɛ pʉɔ kɛpɔŋ luk, yîyɑ́ nu ɛ́ zúꞋu ḿbɔ́ pɔ́Ꞌɔ, ɛ́ lɑɑ ḿbɔ́ ŋu zɑ́p tʉ́m yɛ́ nǔu tsʉʉ tsʉʉ. M bɛn ḿbɔ́ tsɛtsɛt pʉɔ kɛpɔŋ ḿbɔ́ ndúu.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

1 Kɔlɛ̂ŋtɛ 15:47

Sɛ́ kɑ tsʉ́Ꞌ nɛpɔ́ɔ nduŋmbi ŋumɛsɔŋ, ńdɔk tsɛ́tsɑ́Ꞌ ḿbɔ́ɔ wɛ́. Ẅîwɑ́ ŋu lɔk pɔ́Ꞌɔ, ɛ́fú ndǔ tsɛ́tsɑ́Ꞌ, lɑ́ ŋu mbɑ́ɑtɛ yɛ́pɑ́ fú pɔ tʉ́nɛ́pú.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

Jɑ̂ŋ 7:29

Ŋ kɛ́ ḿbɔ́ ńjí wɛ́. Ɛ fú pɔ nɛ́ nɛjɔ́ŋ yɛ́, mbɔ jʉ́ kɑ túunɛ wɑ́ɑ.»

Jɑ̂ŋ 3:13

Ŋumɛsɔŋ ŋkɑɑ mɔ́ kɔ́Ꞌ tʉ́nɛ́pú pɔ́, ndɑꞋ Mɔ́ɔ-Ŋu ẅí ɑ kɑ fúnɛ zúꞋu ńcúŋ.

Jɑ̂ŋ 2:11

Yɔ pɑ́Ꞌ Yɛ́su kɑ zɛnɛ nɛɡɛ mɛnu mɑ̌ɑmɑɑnɛ. Ɛ́ kɑ pɔ́ Kɑ́nɑ, tsɛt pɑk-ŋɡɔŋ-Ŋɡɑlilɛɛ, Yɛ́su lɔk pɔ́Ꞌɔ, ńdɛꞋlɛ nɛɡúꞋ wɛ. Gɑŋku pɛ́ zɑ́p tʉ́m nǔu wɛ́.