Jɑ̂ŋ 16:25 - Kɑɑ Fí

²⁵ N dɔk pɔ sɑknɛkɛt ńcú mɔ mɛnu. Yɛcɔ́ ŋkɑ́ ɡʉ ŋ́ɡɛ ḿbɔ́, m bɔɔ pɛn ńdɔk pɔ sɑknɛkɛt ńcú nu mbɔ̌ pʉʉ pɔ́. N tsʉ́Ꞌ ɛ́sɑ́ɑnɛ sɑ́ɑnɛ́nɛ ɛ́sẅíi wʉ́ʉ nɛ́ nu yí ɛ́ líŋɛ́nɛ Tɑ̌ɑ mɔ.

Jɑ̂ŋ 16:25 Referans Kwoze

Jɑ̂ŋ 16:12

M bɛn ŋ́ɡẅɛɛ mɛnu mí ŋ ɡʉ ɛ́sẅíi wʉ́ʉ tɛꞋ, lɑ́ ḿbɔ́ pʉʉ pɔɔ zúꞋ ŋkɔ̂ɔnɛ pɔ́.

Jɑ̂ŋ 10:6

Yɛ́su cú yɔ sɑknɛkɛt mbɔ̌ pɔ́p, lɑ́ pɔ́p kɛ́ mbɔɔ zúꞋ yúu mi ɑ lɔknɛ ńcú pɔ́.

Mɑ́lɛ́kúshi 4:13

Yɛ́su pɛn ńcú mbɔ̌ pɔ́p ŋɡɔ: «Pʉʉ kɑ́ zúꞋ yɔ sɑknɛkɛt pɔ́ pɑꞋnɛ, tɛ ḿbɛn ńzúꞋ mɛcɔ́ pɔ ŋɡɔ́ku?

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

Mɑ́lɛ́kúshi 4:34

A ŋ́kɑɑ pɔ́ ɛ́sẅíi wɔ́p nɛ́ nu kɛ́ lɔk pɔ́ sɑknɛkɛt pɔ́, ḿbɔ́ ŋkɑ́ yi pɔ́p ɡɑŋku pɛ́ tsʉ́Ꞌnɛ ḿbɔ́, ɑ ŋ́kyɛ́Ꞌtɛ ɛ́sẅíi wɔ́p pɑꞋ ɛ́ lɔknɛ ńcú.

Mɑ́lɛ́kúshi 8:32

Yɛ́su lɛɛlɛɛnɛ ńcú mɔnɛ mɛnu pɑꞋɑ, Pyɛ̂ ɡɔ́ɔ ńnɑꞋ ɛ́fúŋ wɛ́ ntsɛm, ńzɛ nɛkɑkŋɛ wɛ́.

Jɑ̂ŋ 10:24

Pɑyúdɑ tʉ̈ɔ́Ꞌlɛ Yɛ́su ńníꞋ sɔŋ, ḿbíkŋɛ wɛ́ ŋɡɔ: «pɛk ɡʉ ńzẅíꞋlɛ tɛ kúu pɔ ŋkɑ́ kʉ̈ɔ́ lɑ́ ɔ sẅíi wɛ́k nɛ́ ŋu ẅí ɔ jʉ́? Ɔ lɑɑ ḿbɔ́ Nzɑ́Ꞌŋkʉ ẅi Sɛ́ kɑ kɑꞋnɛ, ɔ jɛ́p jɛ́pnɛ ɛ́sẅíi wɛ́k.»

Jɑ̂ŋ 16:32

Ŋkɑ́ sɛ́ ŋ́kuꞋ, tɛ ɛ́ zɛɛ ŋ́kuꞋ kuꞋnɛ, pɑ́Ꞌ pʉʉ ɡʉ ńtɑ́kŋɛ ɛ́sɑt zʉꞋ. Mbɑ wɔ̌ lɑ́ lɔk yɛ́ ɡúŋ, ńnɑ́ wɑ́ɑ zɛ́nɛ mɔ, lɑ́ ŋ kɛ́ mbɔɔ zɛ́nɛ mɔ pɔ́, pɛk Tɑ̌ɑ mɔ pɔ́nɛ.