Jɑ̂ŋ 16:22 - Kɑɑ Fí

²² Ɛ́ ndʉ́ŋndʉŋ pɑ́Ꞌ pʉʉ ŋkɔ̂ɔnɛ ḿbɔ́ ḿmʉk mʉknɛ, lɑ́ ŋ ɡʉ ŋ́ɡɛ ḿbɛn ńjʉ́ɔ wʉ́ʉ, pʉʉ ɡɔ́ɔ ŋ́kɛ́ ńtsʉ́Ꞌ ńtsɑ́ɑtɛ tsɑ́ɑtɛ́nɛ. Wɛcɔ́ ŋu pɔɔ kuꞋ nɛsɑꞋ yʉ́ʉ tsɑ́ɑtɛ pɔ́.

Jɑ̂ŋ 16:22 Referans Kwoze

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

ŊwɑꞋnɛ-Gɑŋntúu Yɛ́su Kɛlístɔ 13:52

Ɛ́ kɛ ŋ́ɡʉ nǔu pʉɔ-Kɛlístɔ pɛ́ Antíyɔshɛ, pɔ́p tsʉ́Ꞌ tʉ́sɔŋ ɛ̂wɑ́, Zẅikŋɛ Lɛ́ɛnɛ́nɛ jʉ́ wɔ́p, pɔ́p nɑ́ŋ tsɛt tsɑ́ɑtɛ.

Jɑ̂ŋ 16:6

Pʉʉ kɛ́ ḿbɔ́ ḿmʉk mʉknɛ, mbíꞋŋɡɔ ɛ sẅíi wʉ́ʉ ŋɡɔ ŋ ɡʉ ŋ́ɡʉ.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 16:25

Tʉʉ túꞋ ɡɛ ḿbɔ́ ŋ́kuꞋ, Pɔ̂l pɔ́p Sílɑs pɔ́ ńcɛꞋlɛ Sɛ́, ńzɔp ŋki ńdɔk ŋ́ɡúꞋlɛ wɛ́. Pɛcɔ́ ɡɑŋtsɑ́ŋ pɔ́ ńzúꞋ,

ŊwɑꞋnɛ-Gɑŋntúu Yɛ́su Kɛlístɔ 2:46

Ɛ́ kɑ pɔ́ ŋɡɔŋ lɛ́Ꞌ tsʉʉ, nɛlɛɛmɛ wɔp pɔ́ ŋɡɔ pɔ́p cúꞋlɛ ZʉꞋ-nɔŋpɔꞋ. Pɔ́p kúu mɛndɑ́ ḿbɔ́tnɛ ŋ́kwɛ́t yúu, ńjʉ́ yúupɛjʉ́ pɔ nɛ́ tsɑ́ɑtɛ. Mbɑ wɔ̌lɑ́ ɡẅɛɛ pɔ tʉ́m sʉ́Ꞌnɛ.

Ɛ́bɛlʉʉ 10:34

Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

Jɑ̂ŋ 21:7

Ŋɡɑŋku ẅí Yɛ́su kɑ pɔ́ ŋ́kɔŋ wɛ́ tɛꞋ cú mbɔ̌ pyɛ̂ ŋɡɔ: «A pɑ́Ꞌɑ ḿbɔ́ Tsɑpʉɔ!» Pyɛ̂ zúꞋ ŋɡɔ ɑ Tsɑpʉɔ, ḿbɛ́ɛ ndẅí yɛ́ yi ɑ lɑ́Ꞌnɛ ɛ́sɔt, ḿmɑꞋ, ŋ́ɡɔ́ɔ ŋ́kɛ́ ńjɛ́Ꞌ ŋ́kúu ŋki.

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Jɑ̂ŋ 14:1

Yɛ́su pɛn ńcú mbɔ̌ ɡɑŋku pɛ́ ŋɡɔ: «Kɔɔ tʉ́m yʉ́ʉ pɛn ḿbɑ́klɛ. Pʉʉ zɑ́p tʉ́m yʉ́ʉ nǔu Sɛ́, ḿbɛn ńzɑ́p tʉ́m yʉ́ʉ nǔu mɔ.

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Lúkɑ́shi 24:41

Pɔ́p pɔ́ ńtsɑ́ɑtɛ tɛꞋ lɑ́ ɛ́ pɛ́t ŋ́kʉꞋnɛ wɔ́p kʉꞋnɛ́nɛ, pɔ́p cú ŋɡɔ kɛ ɛ́ nu ɔ́ɔ? Yɛ́su píkŋɛ wɔ́p ŋɡɔ: «Pʉʉ ɡẅɛɛ yúu kwɛ́tnɛ zɑ́Ꞌnɛ?»

Lúkɑ́shi 16:25

Ábɛlɛhɑ̂m tsɔ́Ꞌ mbɔ̌ wɛ́ ŋɡɔ: «Mɔ́ɔ wɑɑ, kẅíitɛ pɑꞋ ɔ kɑ pɛ́t ndǔ mbí ḿbɔ́ tsɛt fuꞋ, Lɑzɑ̂ɑ pɔ́ ńjʉ́ɔ ŋɡʉ̈ɔ́Ꞌ, ɛ́ pɛn ḿbɔ́ ŋkɔ̂ɔnɛ, Lɑzɑ̂ɑ pɔ́ tsɛt fuꞋ, ɔ pɔ́ ńjʉ́ɔ ŋɡʉ̈ɔ́Ꞌ.

Lúkɑ́shi 10:42

Lɑ́ tɑ́Ꞌ yúu ɡú, ḿbɔ́ yɛ́ tʉʉ ndɛn, Mɑlíyɑ kɑŋ yîyɑ́, ḿbɔ́ ŋu pɔɔ fú mbɔ̌ wɛ́ ńcẅɛɛtɛ pɔ́.»

Mɑtʉ̈ɔ 28:8

Pɑŋɡɛ́ pɔ ɡɔ́ɔ ɛ́fú mbʉʉ nɛshi ŋ́ɡʉ nɛcú yɔ nu mbɔ̌ ɡɑŋku-Yɛ́su. CʉɔꞋ pɛ́t ḿbɔ́ pɔ nǔu pɔ́p, lɑ́ pɔ́p pɔ́ ńtsɑ́ɑtɛ tsɑ́ɑtɛ́nɛ,

Jɑ̂ŋ 16:20

Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ ɡʉ ŋ́ɡɛ ńdɑɑ, ńtswɑ́ɑ mbʉʉ yʉʉ, pʉɔ-ndǔmbí pɔ́ ńtsɑ́ɑtɛ yɔ́p tsɑ́ɑtɛ́nɛ. Pʉʉ nɑ́ŋ tsɛt nɛmʉk; lɑ́ nɛmʉk wʉʉ ɛ̂wɑ́ ɡɛ ɛ́shɔtnɛ ńtsʉ́Ꞌ pɔ tsɑ́ɑtɛ.»

Lúkɑ́shi 19:26

Fɔɔ tsɔ́Ꞌ ŋɡɔ: «“Ɛ sẅíi wʉ́ʉ, ŋu lɑɑ ɛ́sɑ́Ꞌ tʉʉ tɛ ŋ́ɡẅɛɛ yúu, mbɔ pɛ́ ɡɛ ŋ́kẅiꞋ. Lɑ́ ŋu kɛ́ ḿbɔɔ sɑ́Ꞌ tʉʉ pɔ́, mbɔ pɛ́ ɡɛ ɛ́fú mbɔ̌ wɛ́ ńcẅɛ́ɛ mbɑ mɔ́zʉꞋ yúu minɛ ɑ ɡẅɛɛnɛ.”»

Jɑ̂ŋ 16:16

Ɛ́ ńtsʉ́Ꞌ mɔ́zʉꞋ pʉʉ pɔɔ pɛn ńjʉ́ɔ wɑ́ɑ pɔ́, ɛ́ pɛn ŋ́kɛ́ ŋ́ɡɔ́ ńdɑ́ɑtɛ pʉʉ pɛn ńjʉ́ɔ wɑ́ɑ.

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

2 Kɔlɛ̂ŋtɛ 6:10

Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.